بذرة أمل بقلم سهاد الجبوريه الناشربارق العراقي

البارت ١٩

#قصةبذرة_أمل
#البارت_التاسع_عشر
#بقلم_سهاد_الجبوريه
#اalnasheraliraqi9

سناد..... +
ثاني يوم اجه حسام وامه  وجابوا الفلوس وكالت مرة خالي  يمة اسبوعين وتزوجون...
كتله خالة من رخصتج وين الحك ما اكدر كالت يمة هو قرر ....
حجه حسام كال من رخصتكم نكدر نبقى وحدنا.....
هو كال هيج واني  مدري شصار بي؛ بسرعة باوعت لفاطمة نضرتلي نضرة طمني بيها ....
بس اني وين تخربطت أحوالي  دور صارت عيوني  متركزة عليه بحيث ما حسيت بيهم من طلعوا  ما حسيت اله لمن كلي  راح تبقين هيج صافنة.....
ياالله اجاني الثول كتله ها  شنو شفته ضحك....
اني بيني وبين نفسي كلت يا كبر شنو يضحك  شبيه....
شو هذا اجه كعد بصفي  واني  جفلت   جر نفس طويل وتنهد  كال سناد اني ما راح اسألج شنو الي كايلته لامي   اني اريد تطمنين انتي راح تكون زوجة محترمة ومعززة مكرمة عندي...
رد كال سناد انتي الج معزة خاصة بكلبي والايام تثبتلج زين انتي ليش هيح متوترة وترجفين انتي لازم تحسين بالامان....  كتله اني ما الحك بأسبوعين اجهز كلشي كال لا تلحكين....
تقرب عليه لزم ايدي جريتها باوع بوجهي كال مقدر خجلج بس ما بقه شي ويصير مكانج هنا يا حلوة ويأشر على صدره......
كتله راح اصيح خالة  كال هاي طردة بنزاكة وضحك كال اي صيحيها نريد نر وح......
اني بس اريد اطلع من يمه  هو كال صيحيها واني طلقة رحت صحتهاخالة حسام يريدج.....
  حسام...
  ماردت احرجها بالاسئلة عن اتصالها  كلت لازم من البداية احسسها بالامان....
كعدت يمها   فزت بس سويت نفسي ي ما منتبه   اني الود ودي احطها  بكلبي واخلي ضلوعي حرس....
بس خليتها براحتها اول شي هذا اول  مرة ننفرد مع بعض وهيا تتراجف يله وين تروحين  هنه اسبوعين لو بأيدي  اخليهم يومين....
سناد....
رحت لفاطمة كتلها ترى اني ما اطلع كلشي ما اختارانتي اختاري با وعتلي كالت شلون حجي هذا...
واجت كعدت يمي  كالت سناد.
لازم انتي طلعين   وتختاري  اني اطلع وياج اي بس  ما يصير ياعيني  عيب من عمتج ومن الولد لان راح يجي ويانه....
وهاي بقى  خمس ايام عن الموعد....
واني كل يوم احس نفسي اختنك والنفس يضيق بصدري     طبيت بالليل لغرفتي طلعت صوري اني وسرمد   وبجيت وشعندي هداية  طلعتهن وكل صورة النه ذكرى جميلة ويه كل هدية موقف اخ منج يا دنيا مو المفروض هسة احضر لزواجنه اني وياه مو المفروض هسة ماكو بسعادتي  أستغفرت  رب العالمين اني بعد ما  أكدر  غير بس اترحمله  .....
حطيت الصور والهداية بجنطة وديتهن لفاطمة كتلها اطلب منج طلب ذني ضميهن عندج  وديرين بالج عليهن .....
اخذتها وكالت من عيوني  ان شاء الله  بداية خير عليج وزواج سعيد  بوستني ودعتلي .....
خابرتني سعاد اتعذرت ما تكدر تجي لزواجي لأن زوجها مسوي حادث ورجليه اثنينهن مكسرات   تأثرت كلش لان سعاد مراح تجي  هاي امي شلون ما تجي بس عذرتها  .....
  صفنت كلت هم يجي يوم وأخاف على حسام اذا زوجنه ههههه هاي اذا تحملني وتحمل كأبتي  اوف الله كريم والله متوترة شلون بيه  توكلت عليك يا الله
اليوم الحنة والبيت مليانِ ناس والوجه كلها تضحك واني القلق كاتلني  بدت الحفلة والبنات ما قصرن   شوي كدرت  انسى قلقي ويه البنات  وجان طب خالتي....
لا يا الله شجابج ابد مو وكتج   صاحت شلونكم  اني ما جاية احضر افراح  بس جاي احجي هل الكلمتين واروح...
وكفت كبالي وكالت ها سناد نسيتي سرمد....
. وين المحبة لو كله  جذب الحجي  عساج لا تهنيتي يا سناد  كون الي صار بأبني بيج وطلعت......
طبت مثل العاصفة السريعة الي بالحضة تخربطت كلشي  خربطة وضعي تخربط
اني كأنه جنت واكفة على شعرة  دموعي غزن وجهي   وطلعت من الحفلة كلها وكتلهم الغوها للحفلة وجريت فاطمة كتلها واذا تلغون الزواج من أصله أفضل....
اجت خلت راسي على صدرها وكالت سناد ترى اني من زوجة لحد هاي اللحضة اعتبرج بنتي مو اختي واني ما اقبل واحد يخرب  فرحة بنتي  ترى هيا متقصدة هيج تسوي حتى تغثج....
كتلها بس كلامها مو صح فاطمة مو صح وكفت وكالت سناد احنه من يوم الي توفى سرمد لليوم احنه نصبرج بس امي راح اكلج كلام  قوي ترى سرمد مات يا أختي راح لدار حقه ما كتلج لا ذكري اقريله الفاتحة اقريله قران   مو بس  تتحسفين عليه  ولا تنسين انتي هسة راح تبدين   حياة جديد  يوم واحد يفصلج عنها وحتى لو سرمد وحسام جانوا أصدقاء إلى ابعد الحدود بس الرجال يتخبل وتنجرح كرامته من يحس مرته  بكلبها رجل ثاني.....
كتله ليش وافق بيه ويعرف وضعي حتى هو كلي حاس بيج وما اريد اضغط عليج   كالت اي تقدم الولد  وكال اني شاري بنت عمتي وحتى لو رفضت مرة ومرتين وثلاثة ارجع اتقدم  وانتي و َافقتي....
كتلها تدرين  ليش وافقت ها  لان شفت جهاد كضاها من فتح عينه للدنيا لهذا الوقت شايل همنا ويفكر بينا ويركض ورا مشاكلنا  كلت كافي تعبته وتعبتج وتعبت الي حواليه لازم اوافق اني صرت حمل جبير شفت فاطمة ضلت فاكةرحلكها انصدمت بكلامي....
كتلها لا تصفنين اي اني ردت اخلصكم مني لا ن لو باقي عليه الامر جان بقيت طول عمري هيج.....
فاطمة كامت تبجي  كالت  ليش هيج ولج ليش  شكالج جهاد اني شكيتلج ولج احنه من وافقتي فرحنه كلنه يا الله فكرت تفتح صفحة جديدة  فكرت تنسى الماضي وراح تبدي حياتها من جديد....
تدرين جهاد لو سمع شيصير بي راح يحمل نفسه ذنب هو ما اله بيه لاناقة ولا جمل ويضل يأكل بنفسه عليج وتدرين انتي نقطة ضعفه كلشي ولا يشوفج مهمومة وضايجة.....
اني هنا حسيت نفسي خسرت كلشي شبكتها وكمت  ابجي بحركة شالت راسي...
وكالت سناد صيري قوية والله يستر اذا انفجرتي بوجه الرجال هيج ترى هومبين دمه حامي رغم خوش انسان  بس لكل فعل ردة فعل اريدج صيرين قوية لا تسلمين نفسج لاحزانج وهسة كومي يله كملي حفلتج شوف شصار بمكياجج .... باوعت لها كأنه فهمتني بساع كالت وكالت راح اروح اصيح ليالي بت خالتي تعدل مكياجج   ترى هيا هم صاحبة صالون....
اجت البنية عدلت وجهي بس ما فتحت اي كلام...
رجعت بس ما اعرف بعد شلون كملت الحفلة شوية وكالو أجوا اهل العريس يردون يحنوها  اني ادعي بكلبي  كون ما يجي هو....
طبوا اهلها وبدت الهلاهل والركص واني بس اريد اعرف هو جاي لو لا...
شوية وصاحت اخته الجبيرة عيني لبسوا احجبتكم العر يس راح يدخل....
يمة اني كلبي كام يوجعني يا ربي قويني....
طب حسام بكشخته وعطره الي مله المكان أسمع الهمس  عليه وبأذني اجت كلمة وحدة سمعتها تكول حضوظ ذاك مهيوب وشحلاته وضابط  وهذا مهندس واحلى من ذاك بعد كلتلهازبكلبي تردين حظي......
اجه كعد يمي  وعيونه يردن يأكلني  تقرب عليه كومني وباس كصتي وهمس ليش بوية هل اللبس والعيون كله عليج  اني ما اريد غيري يشو فج ورجع باس كصتي وكالي الف مبروك بس كال ليش عيونج هيج حمر كتله يتحسسن  من المكياج.....
كال يله باجر للتخلين مكياج وضحك دور كال لو ترحين ويانه هسة   اني بس ابتسم  كال اوف هاي الضحكة الي ترد الروح... +
اكلنا كيك وشربنا عصير وطكينا صور  وبقوا فترة وطلعوا
كمت اني نزعت البدلة وكلت خل اطب اسبح حتى ارتاح  احس عندي ثورة داخل نفسي واريد  أثور  بس على منو  رحت لفاطمة كتلها اريد براستول راسي راح يطك  اخذت الحباية ورحت لفراشي والله رحمني ما اعرف بس حطيت راسي على المخدة  نمت....
كعدت ثاني يوم من الصبح صليت  و طلعت بالحديقة كعدت على الكرسي اباوع العصافير  شلون استعدن لصباح جديد بكل نشاط وحيوية اوف أتمنى هسة طير و أطير ومحديعرف وين اني....
سمعت صوت جهاد سحب كرسي واجه كعد بصفي كال ها بنيتي  شلونج جر ايدي وكال حبيبة اريد ترفعين راسي وحسام خوش حسام ترى  بجيت  كتله ان شاء الله حبيبي    باسني وكال شكد عند دموع انتي ضحكي شو ضحكي و يله تعالي ندخل جوه هذا اخريوم نتريك سوه....
كانت بنت  عمة اكي مرة متوسطة بالعمر كالت كومي خالة اخذج ازورج  وذبي همومج يم ابو فاضل  وطلبي منع السعادة والرضا...
  وفعلا رحت وياها  صليت ودعيت يم ابو فاضل   بجاهك عند رب العالمين اريد حياة  سعيدة واكدر استمر بيها...
طلعنه  وأني  مرتاحة   ورجعنا للبيت بعدها رحنا للصالون  و اجه حسام...
للصالون رحنه طكينا صور وبعض الحركات تطلبها المصورة واني اباوع عليه عيونه  ذبلانة عليه  أتقرب مني كال اوف كون كبل نطلع وما ارجعج للبيت بعد ما عندي صبر...
ورجعنا   للبيت  صارت بالستة العصر كالوا اجت الزفة  واني كلبي صار يدك مثل طبول الحرب....
  غطتني فاطمة لبستني برنص و غطت وجهي....
   صارت بعض الهوسات  ورموا طلق   وبعدها طب  خالي الي هو عم حسام كومني وسلمني بأي حسام  طلعنا  بالباب  سلم حسام على جهاد واني سمعت  جهاد يوصي  واني دموعي الي جنت حابستهن من الصبح عن لا ينزلن  بدن ينزلن مثل السيل....
يتبع
______________________________________