#الحلقه_الثانيه_عشر......... من قصة ....#فارقتك👇✍️💔
طلعووو من السووق واتجهووو لي للحوش وكانت امهاا تحاول توعاها ان تصرفها غلط
ام اسماء:علاش درتى هكى خيرك😒.....
اسماء :ولاحرف حاضنه ساره وبس..
وصلوو للحوش كانوو الكل قاعدين ف الجنان بو اسماء وعم اسماء ومحمد وزوج خالتها ومازن....
والداخل خالتها والاء وبنات عمها صغيرين ..... ومرت عمهااا ومريم وامهاا
خشت اسمااء وماكلمت ولا سلمت ع حد ركبت طووول ل غرفتها ولاحرف حتى النساوين لادوب ماالمحوهاا ...
وراهاا خشت
ساره؛ ومنزله الملابس السلام عليكم وقعدة تسلم بارتباك وابتساامه 😅
وام اسماء: وراها خشت وفي يدها الدهب ...انستو انستو
ومروان حتى هواا سلموو وجوو النساوين قعدوو يزغرتوو ...
اما عند اسماء فوق فكان الامر محزن
#اسماء: رمت نفسها ع سريرهاا وبالعبره تبكى .. ياربي هونها عليا كيف بنعيش معاه كيف بنشوف فيه وكيف بنكون معاه ف مكان واحد ...وجوده يسحب ف الاكسجين ننخنق ياريي هون عليا اللي انى فيه ......
وفجاه رن الهااتف انفزعت مش رنتتها ولا هاتفهاا وقفت وقعدت التبع ف الصوت وفتحت شنطتها لقته الهاتف اللي عطاه ليها جابر مكتوب زوجى حبيبي.....
اسماء :بغضب حسبي الله فيه هالحيوان ربي ياخدك قفلت الهااتف ولوحاته ف الدولاب ......
ولبست توته وقفلت الضي وقعمزت ف الظلام ع السرير ضامه رجلاها ليها ودافنه راسهااا ....بين رجلاهاا....
#ساره: نستاذن بنركب انشوف اسماء طولت
خالت اسماء:العفوو خيرها ركبت تجرى حتى السلام ماسلمنا
ساره:ارتبكت ههههه ماهوو تبي الحمام
خالت اسماء'ههههه يعطيك الهناء ياسرو
ساره:خلى نركب ونزلو جميع ..... وركبت طقت فتحت الباب لقت الغرفه ظلام دامس ...
ساره :بسم الله اسوما العفو وين امشت وقعدة ادور ف مفتاح الضي وفتحت الضي قاامت اسماء راسها ودموعها ع خدهاا .... ساره:بخوف خيرك امظلمه الغرفه ....
أسماء: ولاحرف ردت دفنت راسها بين رجلاهااا...
. قربت ساره: بجنبها وقعدت تحكيلهاا يااسومه يااحبيبيتى لازم تنسي الموقف اللي صار خلاص لازم تنسي وتسكرى بابه ...جابر بعد غدوه بيكون زوجك وانتى حلاله وقتهاا بتكونى معاه وبتعيشى عمرك معاه وبتتشاركى معاه ف كل شيء... انسى واعطيه فرصه الحق يبان عليه يحبك بجديات ومتعلق بيك هلبا.....
أسماء :شافت فاها وهزت راسهااا الكلام ساهل والله ساهل بس الفعل كانك عافيه ع الجمر ....
ساره: خيرك سومه معااش تحبينى ومعااش تبي تحكيلي خيرك ....
اسماء: اه ياسروو الهم اللي نزل عليا ف عز عمرى انهى كل شيء حلو فيا مش بيدى... انا يوم الي صاار جابر طعنى بغدر وامتى بابا وافق ع زواجى تم قتلى ويوم زوجى بيكون يوم تشيع الجثمان والدفن ..... هذا الظلام اللي اضيقتى منه راه فيا ف وسط قلبي يقتل فياااااا ويقتل ف كل شيء حلوووو حياتى انتهت......
ساره:وف عيونها الدمعه ضمت صاحبت عمرهاا وقعدوو يبكوو ...
وبعدين ساره :مسحت دموع اسماء خلاص توى انتى عروسه ولازم نفرحوو وقبل اى شيء لازم نمشوو للجامعه نوقفو االقيد وبعد زواجك كملى ....
اسماء ؛انشالله حاضر
ساره: ياا سومه والله مانعرف كيف بنقراا بدونك ...
اسماء :تمشي ماتحمليها عليا زياده .....
فات اليوم بدون اي شيء واليوم الثانى مافيش جديد اسماء امريضه من الصداع ماطلعت معاهم هما طلعوو بياخدو بقية ملازم الفرح ...واسماء وصت ساره تاخد ليهااا العطور والاكسسوار والمكياب ... لانها ماتبي ولاتقدر تطلع ..... ....
