الحقله الساادسه والعشروون
#فارقتك👇✍️
بوجابر: بتعب كيف حالك يا بنتى
اسماء :حطت بوسه ع رااسه دامك انت بخير انا بخير.
جابر: يشوف فيهااا بندم ع اللي صار بينهم وكيف اسماء بتسامحه ع اللي صاار .
اسماء :ياعمى جهزت ليك شوربة خضار نحطلك منهاا شويا ... سلام :ايه حطيله لان وقت العلاج ...
بوجابر: والله ماليا نفس.
جابر: لالالا يابابا لازم تاكل..يالا يااسماء حطيله الشوربه .... اسماء: شافت فيه نظرة غضب واستحقار الكل فهم معنى نظرتهاا...
جابر تهرب من النظر ف عيونها.
اسماء: ياعمى خلينى نسكبلك شوي بالله عليك ...
بو جابر :هز راسه بمعنى باهى.
دخلت اسماء للمطبخ وتسخن ف الشوربه
لحقهااا جابر للمطبخ....
وسلام :غمزة لى مازن تبيه شويا برا سلام طلعت....
ومازن استاذن من بو جابر وام جابر ...
بوجابر :تى خليك تغدى معانا ..
مازن: انشالله ديما عامر ياعمى صحيت عندى ميتنق مع شخصيه مهمه بخصوص المصنع ..
بوجابر: بارك الله فيك ياولدى...
مازن: قرب وحط بوسه ع رااس بو جابر انشالله ربي يطول ف عمرك ويعطيك الصحه...
بوجابر: سلم ولدى...
مازن: تامرونى بشيء
ام جابر: صحيت ياولدى.
بو جابر: ربي يحفظك ...
مازن :نستاذن وطلع ...
لقي سلام واقفه تستنى فيه ..
مازن :,انشالله خير اوخيتى شن فيه ...
سلام: نبي جواز السفر امتع اسماء ...
مازن: خاف مانعرفش وينه ...
سلام: ماتخاف مازن انى نبي انساعد اسماء تروح لى ليبيا ولازم انتم المعامله يوم السبت الصبح ونحجزلهاا تروح مع صديقتها ساره امروحين هما يوم السبت المغرب طيارتهم ....
مازن :تمام انى اليوم انجيبه ليك ..
سلام: شن رايك نتلاقوو ف مقر الجوزات .
مازن :انا مانبي انكون ف الصوره تعرفي جابر ماينقرب ...
سلام: لالا انت بس جيبه ليا والباقي عليا ...
مازن: تم نتلاقو ...وروح مازن
وسلام :اتصلت بي خطيبهاا لانه زوج اخت خطيبها يشتغل غادى ف السفاره الليبيه ...
ونسقت معاه المعامله وتنزيل التوام ف جواز سفر امهم والتاشيره يوم السبت الساعه ١١الصبح تكون جاهزه.....
سلام: تسلملى حبي بس اهاا زى ماوصيتك ماحد يعرف اللي دار بينا ...
خطيب :,سلام عيب عاد .
سلام: تمام نتلاقو اليوم ف كفي المول غلايااا...
خطيبها :تم باى غلاتى وتمت المكاالمه ع هذا النحوو......
عند بو جابر وام جابر
بوجابر: قاللها طلعينى بنمتد ع السرير
ام جابر: تم ناضت ورقاته بكرسي العجل من الاسنسير وقالت للخادمه تقول لى اسماء ترقيله الشوربه فوق ف غرفته
الخادمه:حاضر مدام
وساره فوق مع التوام ف غرفتهم .....
#وجابر مع اسماء ف المطبخ يبي يتودد ليهااا ع اللي صار واسماء: راافضه تسمعله تعيط عليه ارجوك اطلع مانبي نشوف وجهك وجودك معاى ف مكان واحد يسحب الاكسجين ...
جابر :حبيبيتى خلاص انسي اللي صار خيره قلبك اسود ... اسماء :تحط ف الشوربه ف الصحن...
جابر:قرب علاهاا وحضنهاا من الخلف .... وحط يده ع فمهااا وقاللها انى زوجك ونحبك ونموت فيك ونبيك ليا انى وبس صح غلطت ف حقك اكثر من مره وهنتك بس نبيك ونعشق كل شي فيك وكان يحكى ويشم ف ريحة شعرهاا.
اسماء: انتفضت من بين يديه ابعد عليا انا نكرهك من اول يوم شفتك فيه وكل يوم يزيد كرهى ليك انموت الف مره لما انكون معااك ف مكان واحد ولا مره حسستنى انى نعنيلك او نهمك او انى فعلا زوجتك هنت وخونت وضربت واستحقرت وتوى جاى تقولى زوجتى وانحبك حشاه الحب منك وحشاا اي شيء حلو بين اى زوجين من اللي صاير بينى وبينك انا غصبونى عليك وتوى خلاص فاض الكيل ومعااش بنعيش معااك اسرح وامرح ع كيفك مع عشيقتك موضي اللي كلامها قاعد يتكررر ف بالى الى هذه االساعه.اصحى وفوق انت بنسبه ليا كبوس وتوى فقت منه.
جابر:هزه كلامها بس قوى نفسه و كلم الخادمه تطلع الاكل لي بو جابر
وقرب علاها خداهاا ف حضنه وهيا تعيط والكل طلعووو ع صوتها وهواا يقوللهم نبي نتفاهم معاهاا
ساره :طلعت تجرى خلاها تربح شن دارت
جابر :خليك مع التوام نبي انرضي زوجتى بطريقتى ماحد ليه دخل فياا..
واسماء :تعيط خلينى ماعاادش نبيك نكرهك وتخبط فيه ياسااااااره متخلونيش معاه.
بوجابر :شن هالعياط شن في
ام جابر: ولدك يبي يرضاى اسماء وهيا رافضه.
بو جابر: اوف منه ها الولد.
ام جابر:ارتاح انت وخليهم مازالو صغيرين...
بو جابر: ربي يهديه ويقدر يرضيها لان اسماء معنده تبي تروح وبارك الله فاها لحد توى ماحكت شيء لاهلهاا ..
ام جابر: ميااعة بنات حتى هيا تموت عليه وتبيه
بو جابر :اتقي الله يامراء والله البنت كرهاته من اول يوم الى هالساعه وعايشه معاه بسيف ...
ام جابر: خلاص ارتاح توى يتفاهمو خليهم انت وطق الباب جابت الخادمه الشوربه ......
#سلام: تعالى ياساره خليه توى يرضاهاا خوى يحبهاا راه... ساره :حتى يومها هكى درتو وقريب قتلهاا بالضرب ...
سلام: ربي يسترياساره انى بنحجز لى اسماء معاكم باش تروح لى ليبيا وترتاح شوى وتفكر ف علاقتهاا مع جابر
ساره: بالحق
سلام :ايه والله توى خطيبي قالى يوم السبت الصبح الساعه ١١تكون التاشيره وجواز السفر جاهز ...
ساره :حضنت سلام وتشكر فاهاا صحيتى بارك الله فيك ريحتى اسماء وخدمتاها خدمت العمر جميلك مش حننسوه... سلام :اسماء اوخيتى والله فراقها صعب بس راحتها اهم وهيا تحملت اكثر من الازم....
#فووق عند اسماء وجابر اسماء تعيط وتخبط مااتبيش تقعد معاه ف غرفه وحده وماتبيشي يقرب منهاا
وجابر طبعاا يحب الغصب ويحب يفرض نفسه ع الشي اللي هواا يبيه
جابر :اسكتى يابنت شن تحسابي نفسك بيبي ...
اسماء :تباعد عليا حااضنه الورغان وتبكى مانبيكش افهم يابنى ادم.
جابر :أخ هههههع انتى زوجتى وحلالى وانا نبيك ..
اسماء: لالالالا انا محرمه عليك حرمت نفسي عليك.
جابر:انموت فيك ياحليلي محلاها هالعصبيه ويقرب منهاا اكثر اسماء: مازالت تبكبي وتعيط بس ماعندهااا وين تهرب ..انخلوهم ونمشوو لي ساره مع التوام شن ادير....
ساره :تكلم ف حسين وتحكيله شن صار
حسين: هالحيوان والله مايستااهل ضفرهاا ..
ساره: الله غالب نصيب ...
حسين: اه ياحبي كم اشتقت ليك اعطينى بوسه
ساره:هههه وانا اكثر حبيبي ومافيش 😘.
حسين اخر مره تتبعدى عليا
ساره :وعد ياقلبي انت
ساره :حسين حبي جنات خاشه عليا ف الانتظار ...
حسين: تمام ياقلبي حتى انى بنقفل نتلاقو السبت انشالله ساره؛حاضر ياعمرى اهتم بنفسك .
حسين: وانتى ياعمرى كله اهتمى بنفسك وردى بالك من جابر ساره :ماتخاف عليا
#وطبعا اللي كان ف الانتظار علي مش جنات بس ساره خافت تقول لي حسين.
ساره: عاودت اتصلت بيه.
علي: ايوه ساره كيف الحال.
ساره: تمام شن جوك انت
علي: تمام طمنينى ع اسماء .
ساره: ماعرفت شن ترد سكتت
علي: وينك
ساره: معاك .
علي: سالتك شن حال اسماء...
ساره: حالها باهى وسكتت.
علي: فيه شيء أحكى
ساره: ا... ا ... لا .... لالا فيه ...
علي :تى خيرك تقطعى شن جاك.
ساره: مش عارفه شن انرد عليك...
علي: قولى شن فيه .
ساره :جابر ركب اسماء لغرفته بالغصب وماحد اتدخل.
علي: وقف وبعصبيه كيف وعلاش هكى دار وهيا خيرهاا مارفضاته.
ساره: والله رافعها ف حضنه وهيا تعيط وتوى بس نقص صوت عياطهاا.
علي: انهد ع السرير .. ونزل راسه ف الارض .. هالحيوان ... معنداشي كرامه ومستقوى علاها.
ساره: مسكينه اوخيتى.
علي: كيف بندير ماعرفت.
ساره: ماعندك مادير هذا زوجهاا وهيا زوجته الداخل بينهم خارج كانها تلقح ليه
علي: اه معاك الحق ربي يهناها...
ساره: حقي بنقولك...
علي:بحزن انشالله خير
ساره:سلام اخت جابر ...
علي :خيرها حتى هيا ...
ساره: لالا البنت طيبه بتساعد اسماء ف قصة السفر ويوم السبت اسماء بتسافر معانا .
علي :ابتسم بجديات...
ساره :والله يوم السبت التاأشيره والجواز امتع اسماء والتوام يكونو جااهزات الساعه ١١الصبح...
. علي :,ربي يسخر الحال
ساره :لو سمعت اسماء اطير بالفرحه.
علي:اتفكر انها توى ف حضن جابر . باهى بالسلامه
ساره:سلام وحست ان على زعلان.بس ماسألاته....
وقفلت الخط وطق الباب
سلام :انخش ياساره
ساره:تفضلي
سلام: ماطلعتش اسماء
ساره :لالا..
سلام :انشالله تغير رايهاا.
ساره :مستحيل اتغيىر رايهاا. انتى ديري الورق.
سلام: باهى انا جيت بنقولك وتو ملابسها وملابس التوام ودهبهاا وحاجاتها وجيبوهم ف الليل لي غرفتى والصبح بكرى انهربوهم للفندق عند جنات اختك.
ساره :باهى حاضر توى انديروو هم من توى.
سلام: اسمعى مش لازم اديريهم كلهم ماتخلوش حد يشك باهى.
ساره: حاضر
سلام: باي نتلاقو
#عند اسماء تتسحب من فوق يد جابر االلي خداه النوم ... وناضت فتحت الباب وامشت تجرى لي غرفت التوام فتحت الباب ومشت تجرى لى ساره حضنتها وقعدت تبكى
اسماء ماحكت شيء غير تتحسب ع جابر وساره ولاحرف مخنوقه علاها
ساره :هيا امسحى دموعك وخودى دوش ونوتوو ملاابسك بتسافرى معانا يوم السبت.
اسماء: ابتسمت وهيا بعبرتها كيف وامتى ومن قالك .
ساره: سلام توى قالتلى.
اسماء :انشالله
ساره :قلتلك ماتاخديش كل ملابسك متخليهمش يشكو فيك
اسماء :باهى مانبي منهم شيء اصلا ساره خودى ذهبك وحاجاتك الثمينه لان ليبيا الباين بتصير فاها حرب
اسماء: علاش
ساره: قالو هكى في ناس طلعه تبي تسقط نظام العقيد القدافي اسماء: ربي يستر
ساره:نوتو اللي نقدروو عليه ونحطوهم ف غرفة سلام باش ناخدوهم للفندق
.#وعند علي قريب يموت م القهر بعد مكالمته مع ساره وطق باب غرفته علي من
احمد: انى تى هيا نطلعو وناخدو حاجات وندهورو
علي: مانبيش بروو انتم
احمد :خش وقعمز بجنبه شن فيه خيرك هكى ....
علي 'ماافيا شيء خلينى بروحى .....
احمد: باهى اقعد ... وطلع وهوا يتمتم ماافالح الا ف النكد .... خدى معاه جنات واسعد وايه وطلعوو يدهوروو ف شوارع دبي ....
#فاتوو اليومين عاديات علي ماكلمش اسماء ولا كلمه ... ولا اي اتصال
اسماء وساره يجهزو ف انفسهم للسفر واسماء تودع ف بو جابر بدون مايحس ...
واسماء مااحتكت بي جابر نهاائي ولا تلاقت معاه ابدااا....وجى يوم السفر طلعت سلام االصبح وتلاقت مع خطيبها وتم الاجرائات وخدت الجواز وروحت وطبعا رفعوو الشنط للفندق .. والكل ع اتم الاستعداد اسماء خلت التوام طول اليوم مع جدهم يودعهم بدون علمه .
والساعه ٦:٠٠لعشيه سلمت ساره عليهم ودعت عيلة جابر كلهم سلام اصرت توصلهم.
واسماء الدمعه ف عينها لانهاا استغفلت عمها بو جابر كان راجل طيب معاها. وتبكى بحرقه ع اساس بتفاارق ساره
اسماء:,حضنت بو جابر بقوه سامحنى ياعمى.
بو جابر: هههه خيرك يابنتى.
اسماء :حاسه انى سبب تعبك
بو جابر :حشاك ...
سلام :فنصت فاها.
ساره :بارتباك هههه اسماء اخطلت علاها الحال راه انى اللي بنسافر مش هما
اسماء :,ايه عارفه خدوو التوام ف عرباتهم وطلعووو......واتجهوو للمطار وتلاقوو مع البقيه غادى.....ف المطار
#فهالوقت عمكم مازن ضعف و قال لى جابر ان اسماء تبى تهرب وتسافر لى ليبيا بمساعدة سلام اختك ... جابر جن جنوونه واتصل بالعيله واعرف انهم طلعووووو.........
#يتبع
انخليكم هنا تفكرووو هل اسماء بتسافر ولا جابر بيوقف الرحله😅
