الحلقه الثاااامنه والعشرون من روايتنا ......
#فارقتك✍️👇😭
بعد مرورالساعات الاولى من وصول اسماء لعند اهلها ... بدات الاسأله اسماء ارتبكت ماعرفت شن ترد ....
مروان :خلوهااترتاح وغدوه اسألوها شن فيه بالضبط....
بو اسماء:, يابنتى تكلمى وين جابر
ام اسماء :مع من جيتى . .....
محمد :خيره وجهك هكى ف حد ضاربك ....
اسماء: انهدت ع كتف امهاا بالبكى والحسره وتحكيلهم ..... شن صار من لما وصلت قبل سنتين لدبي وكيف معاملة جابر وكيف معاملة سلام وام جابر كيف تعامل فاهاا ...
وكيف بو جابر حاول يخلاها عنده مايبي الصغار يتباعدو عليه ..
الكل واقفين ومصدومين بو اسماء الحسره بتاكله اكل .... مروان: هالحيوان استفرد بيك غادى...
اسماء: يابابا انى هربت منهم وسلام هيا اللي ساعدتنى وساره انا بعتت ليها دعوه وجت مع اختها وزوج اختها وباقي فرقت الرسم ..وبعد ماضربنى جابر قررت نرجع معاهم...
ام اسماء :تخبط والله يابنيتى طول الوقت نحلم بيك تعيطى وف سلسله ملفوفه ع رقبتك وانتى تصارعى فاها.... والبارح بس حلمت انك كسرتى هالسلسه وطلعتى تجررى وقفتى قدام زوز بيبان وفقت مفزوعه عليك.
.. اسماء :بعبرتها تبكى ياماما انى تعبت والله العظيم تعبت مليت وفديت من كل شيء خلوه يطلقنى وانا مانبي منه شيء ..
بو اسماء :طلع وماايقول غير لله الامر من قبل وبعد ....
محمد :اسومه انتى ف حوش بووك وهوا حسابه بعدين
مروان: انا هددته ف ايامات العرس انه يحافظ عليك لاكن توى نتلاقو مهما طال الزمان......
اسماء: شافت ف خوتها ربي يخليكم ليا اعتبروه مات انا موكله فيه ربي
ام اسماء: ياعمرى عليك يابنيتى لافرحتى ولااتهنيتى ....
اسماء: شافت لى توأمهاا تلعب فيهم الاء نزلت لمستواهم انا من هالكابوس طلعت باحلى اثنين ...
قرب: مروان عليهم مشالله يهبلوو و
محمد: ربي يخليك ليهم واحنى مش حنخلوهم ينقصهم شيء.... مروان: اكيد تى هاادم الكبيده ...
اسماء: عندكم علم كل واحد فيهم واخد من واحد فيكم شيء ...
مروان :ههههه حق
اسماء :والله عز طالع لى محمد وبحر ليك .....
مروان: تى انا ليا ساعه مركز فيهم ماعرفت انجيبهم من بعض ...
اسماء: ايه توأم متطاابق بشكل ناادر ...
محمد :انى عجبنى هذاا حسيته شخصيته قويه ...
اسمااء :ههههه تى عمره ٩شهور اي شخصيه اللى من توى ... محمد :يبان عليه ...
اسماء :هذا عز اللي فيه منك ف طبع هلبا ...
مروان :والله انى حبيت هذاا هداء ويبتسم هذا عبووس حسيته ...
اسماء :ههههه هذا بحر استنوو شوى وطلعت من شنطتهم سنسالين فيهم اسماائهم .. وعلقت لكل واحد فيهم اسمه ...... مروان: ايه توى هكى سااهل نعرفهم وقام بحر فووق يااحبيب خالو انت ياعسوول ...
ام اسماء: فرحت بجيت بنتها لاكن واجعهاا حال بنتها اكثر بتبداء مطلقه من توى .... يالا ارقو فوق ورقديهم الساعه ١٢:٣٠متاخر الوقت....
مروان :تي خلينا يام فرحانين بهالعسوله وتوامها...
الاء:انا خلاص و خدت شنط اسماء ورقت تصبحوو ع خير وراى مدرسه غدوه.
اسماء :ربي يوفقك وطلعت اسماء فرشت هيا وتوامها ع الارض ورقدتهم
ام اسما: خشت علاها انسااعدك ياسومه فيهم ..
اسماء: لالالا ياماما انعاند فيهم بروحى خلينى وبرى ارتاحى
ام اسماء :قربت ع بنيتها الصغيره اللى عمرها بس ٢٠سنه وعندها توام حضنتها وباستهاا ربي يحفظك ابنيتى ويعوضك خير...
اسماء: حضنت امها بقوه اه ياماما كم مشتااقه لى لحضنك والله حسيت براحه كبيره ...
ام اسماء: حطت بوسه ع راس اسماء ربي يفرحك ويهنيك يابنيتى ويعوضك ربي خير ......
اسماء:انشالله..
.ورقدوو كل واحد منهم ف قلبه غصه ع حال اسماء وكيف الناس بتتكلم وكيف بيصير ... الا اسماء رقدت احلى نومه .... وعلي الى الساعه ٣:٠٠مزال فايق يستنى ف اتصال اسماء
الفجر ياذن الكل فااقو لصلاة
ام اسماء جت تفيق ف اسماء .....
اسماء: فايقه ياماما صباح الخير
امهاا :نوضي توضى وصلي ... اسماء حاضر الكل فاقوو ويصلووو ........
#علي خداه النوم مع الساعه٣:٥٦وامتى اذن الفجر فاق وطلع وتوضي وامشي للجامع والهاتف ف يده يستنى ف اسماء تتصل قلبه زى النار علاها..
.اسماء صلت وتمت وبوها وخوتها ف الجامع مزال ماروحووو فتحت شنطتها اللى ف دولابهاا وخدت شفرتها القديمه وركبتها ف الهاتف ... وطلعت رقم علي واتصلت بيه ..
عند علي الهاتف يرن شاف لقااه رقم غريب حس انها اسماء ... طلع من الجامع بسرعه ورد علاهاا...
اسماء: صوتها متغير من كثرة البكى الو صباح الخير ..
علي:اخيراااا صباح الورد
اسماء:سامحنى والله انشغلت مع اهلى واسألتهم ..
علي: المهم انتى بخير
اسماء: الحمد لله بخير ....
علي:والله طار النوم من عينى وانى نستنى ف اتصالك ... اسماء: سامحنى والله متعباتك معااى وانت ماليك دخل .... علي: معاش اتقولى هكى انتى غاليه عليا ......
اسماء:سكتت ابتسمت لكلام علي ...
علي: شن انشالله اهلك تقبلو رجوعك....
اسماء: يعنى الحمد لله اكيد خايفين من اسم مطلقه ... قدام الناس لاكن تمشي ربي يسهل من عنده ......
علي: انتى الف واحد يتمنااك غير انتى ترضي ..
اسماء :والله مانبي شيء غير انربي توأمى بس
علي :حقى شن جوهم سنافرى ..
اسماء :ههه فرحانين ومتفاجأين بشوفت اهلى ...
علي: مشالله عليهم يهبلو ربي يحفظهم.. والله انا خديت عليهم ف هالسبوع ...
اسماء: ف اى وقت تبي تشوفهم عادى تفضل ..
علي: ياريت والله مشتاق ليهم من توى ...
اسماء: ربي يفرح قلبك بيبي من صلبك مع بنيه تعرف قدرك .. علي :ربي يسهل توى انخليك ترتاحى ونحكو وقت ثانى باهى اسماء :انشالله ........ يالا بالسلامه وتم الاتصال ......
فات اليوم عادى جو الجيران وجت خالت اسماء وحتى جنات وساره وامهم .. وطبعا مريم .. الكل فرحانين بجيت اسماء وخصوصاا شوفت التوام الله يبارك يهبلوو محلاهم ... طبعا تكتمو ع قصة هروب اسماء من زوجها نين يشوفوو حل ... وكل ماتحصل اسماء فرصه تتصل بي علي ويحكوو بدون ماحد يحس ... فاتوو ايام واسابيع ... اسماء حااسه بتعب وديما فاشله بس مااتبعت ولا راجعت طبيب وطبعاا مافي حد من اهل جابر اتصل ولا حتى اطمن ع التوام ولا اسماء بو جابر كان مريض وحالته تعبانه وجابر يسرح ويمرح ع كيفه ....بدت الاحداث ف ليبيا بين النظام ومجموعة منتفضين كبرت المساله وبدووو يطلعوو ف العائلات من االحيااش بسبب الضرب وبسبب قصف الطيران وخاصتا لما النظام اطلق سرااح المسجونين..... الحاله بدت متدهوره ف الامن ....
خوت اسماء طبعاا من الناس اللى ضد النظام بس متكتمين ويتحركوو بالخفااء
ومنعت السفاراات من الدخول لي ليبيا الا عن طريق الحدود وجابر اضعف منه ايخش لى ليبيا من الحدود .. فلغى فكرت الرجوع لى ليبيا ...
اسماء مرتاحه منه اهلهاا خوتها ماخلوو التوام ناقصهم شيء .... وطبعاا اعجاب وتودد بينها وبين علي بشكل كبير ومتطور بس مااحد وضح لى ثانى ..
ام علي كل يوم تكلم فيه ع بنت تبى تخطبهاا ليه ..
علي شاايل فكرا ان يرتبط نهاائى....
احمد بيحاول يوعيه ويبعده عن اسماء ........ لحد ماااوصل يوم عيد ميلاد التوأم ........#يتبع
هلبااااااااااااااااا تطورات بتصير ف يوم عيد ميلادهم بس هالمره التطور حلوو ويفرحكم شوى قبل النكبات وحجم المأسي ف ماتبقى من حياة اسماء .....ربي يحفظكم ومنورين
