مسااء الورد أحبتى ف لله جمعتكم طيبه صحه فطوركم الحلقه الثلاثووووووون من قصة
#فارقتك✍️👇👈💔
عند الدكتوره البيبي عمره بالضبط ١٧الاسبوع يعنى تقريبا ثلاث اشهر ونص مستحيل اى دكتور ف ليبيا يساعدك ف عملية الاجهااض ... اسماء بس يادكتوره انا عندى توأم وفوق هذا كله انا منفصله او بالاحرى بننفصل ع زوجى ... الدكتوره اسفه ماعندى ليك اى حل اعتذر منك.... طلعت اسماء وساره من عند الدكتوره...
#حفلة العيد ميلاد علي مخنوق ومش عارف يتصرف.... اسماء حست ان خبر حملهااا ضايق علي هلبا ...
ساره:هيه يااسومه انكلم فيك وينك..
اسماء: معاك بس شردت شويا شن تبي .....
ساره:كولى و خودى اى شيء
اسماء :بحزن لالا ماليا نفس ...
الكل فرحنين بعيد ميلاد التوام ... الا اسماء كانت تتظاهر بالفرح ... علي يراقب ف اسماء من بعيد لبعيد .. اسماء كل شويا الدنيا تلف بيهاا وتحس بدوخه .. وتتسند ع الطاوله ..... احمد مركز لى نظرات علي ولهفته وخوفه ع اسماء.. قرب احمد من علي .. وشاف فيه بنظرة غضب
إحمد:اثقل ياراجل مرات واحد من خوتهاا يحس بيك تصير كارثه ....
علي:بخوف اسماء مريضه ..
احمد :وانت شن دخلك اشقى بهمك ....
علي: حط الصحن وهوا ينفخ وطلع من جنب أحمد وامشي لجهة اسعد وايه.....
اسعد :خيرك ياراجل تنفخ
علي: بنروح عندى مشوار...
اسعد: استنى شويا ونطلعو مع بعض ...
علي :لالا بنطلع خليكم براحتكم.
اسعد: براحتك نتلاقو امالا 🖐️
علي:هز براسه وقرب علي ع مروان بالله عليك كلم اسماء ولا ساره يمدولى ولد خوى بنطلع عندى مشوار...
اسماء وساره خشوو للساحه الخلفيه حاطين العاب لصغاروكانوو يحوسوو عليهم ...
مروان :مزال بكرى ياراجل خليك ..
علي: لالا والله مستعجل ... مروان براحتك خش مروان لقي الصبايا محولين اوشحتهم وخر ونادى ع الاء جيبي ولد خو علي ..
الاء :قوله يمشي لساحه الخلفيه ..
مروان :رن هاتفه .... فتح الخط وقرب ع على بالله سامحنى عندى مكالمه مهمه اطلع لساحه الخلفيه وخوده من اسماء وساره ...
علي ةتمام منور نتلاقو ع خير .....
مروان :مشكور ع الجيه والهديه ...
على :ماافي داعى لشكر نتلاقو هيا سلام .....
وطلع علي و كلمة ان اسماء حامل تتكرر ف باله ....
ولف بسيارته ع الساحه الخلفيه ونزل لقي الباب مفتوح واسماء تستفرغ وساره مسندتهاا ...
علي وقف جنب الباب وقعد يسمع ف كلامهااا....
ساره :حرام عليك شن ذنبه البيبي ...
اسماء: ذنبه انه ولد جاابر ياربي خودنى وريحنى ياربي ارحمنى من هالحياه .... وتخبط ف بطنهاا وتستفرغ ...
اسماء :لوو جابر عرف انى حامل مستحيل يطلقنى ...
ساره: وسعي بالك توى ربي يفرج ...
علي يسمع فاهاا ويتحسر ماافيش بايده اي حل ...
فتح الباب وقرب علاهاا اسماءء لفت ليه وهياا وجهاا اصفر ودايخه.... اسماء لاقااته واقف وراهاا بالضبط .. تعلقو لعيون ببعض ون ولا حرف
وساره :شويه انجيبلك اميه خليك ياعلي معاهااا ...
علي :هز راسه بمعنى باهى.
اسماء :طول دمعتها نزلت
علي: خليهاا ع ربي ...
اسماء بدون وعي منهاا ارتمت ف حضنه بكل قوتهاا حضنااته وعلي نفس الشيء مستنى هالحضن ليه شهور وسنين ....
اسماء: ياعلي انا حامل كيف بنتصرف ياربي افرجهاا
علي :حاضنهاا بقوه يااحبيبت قلبي انتى مجنون بيك من اول مره شفتك فيهاا اسماء حضناته بقوه ومغمضه عيونها ودمعتها ع خدهاا وابتسمت كانت مستنيه هالكلام منه....
علي :حبيبتى بس تطلقي منه وتم العده انا وقتها طول نتقدم ليك معااش تفكرى في شيء ......أسماء :فتحت عيونهاا بغفله وجت ساره تجرىى
ستره:حيه عليك انتى وياه بعدوو ع بعض شن صارلكم هبلتووو ..
بسرعه تبعدوو ع بعض وعلي انحرج من ساره ....
ودار يده ف جيبه واليد الثانيه ع شعره يمسح بيهاا ومش عارف يرد ....
ساره: شن جااكم هبلتوو الحوش معبي داخل تصور خش حد شن الموقف بيكون .
اسماء: طول دمعتهاا نزلت بس بعد حضن علي حست برااحه كبيره ...
علي: قرب ومسح دمعتها ع خدها خلاص معااش تفكرى في شيء ...
ساره :والله انكم هبلتوو يالا ياعلي تفضل رووح لو يجي محمد تصير كارثه ...
علي: اسمعى مش خايف من حد انى ياساره وكان بغضب علي يتكلم انا انحب اسماء وكلكم حاسين وشبه عارفين فخلونى انرتب امورى معاهاا... ....
ساره: بغضب اكثر منه اسماء ع ذمة رااجل يا فالح انت ... ولازم تفهموو انتم الاثنين هالشيء ماحد من اهل اسماء عارف انها جايه منه هروب وتبى تطلق ...
علي: خدى ولد خوه وطلع بغضب ... وركب سيارته وطلع بسرعه مرعبه.......
اسماء: انهدت ع كتف ساره وقعدة تبكى ...
ساره: وسعى بالك وفكرى بالعقل العاطفه خليها وراك ...
اسماء: علي طلع يحبنى من زمان....
ساره :ياسومه ف مجتمعنا صعب الراجل ياخد وحده مطلقه وعندها صغاار حتى لو هوا يبي اهله مستحيل يوافقوو فبالله عليك ماتربطيش حياتك بى شيء وهم وخيال يتعبك اكثر وانتى مش نااقصه....
.اسماء :مسحت دمعتها وفكرت بالعقل ولقت كلام ساره منطقي ورسمى ..وع خشت الاء
ألاء:سومه الناس بتروح يسالوو عليك ..
اسماء: لحظه بس ...
ساره غمزة اسماء وطلعوو مرت ع الحمام اسماء غسلت وجها وطلعت .......
سلمت ودعت الناس واخرهم ايه وجنات وازواجهم..... ورجعوو البنات الاء واسماء ومريم وحتى ساره بايته عند اسماء للمطبخ بدوو يرتبوو وينظموو ف الحوش بعد حووسة الحفله .. محمد ومروان خدى كل واحد منهم واحد من توام وع اساس بيلعبووهم لاكن التوام تعبانين طوول رقدووو....اسماء حاسه بالتعب وتتحرك بالسيف بس مطره تضغط ع نفسها بدون ماحد يحس بقصة الحمل الا هيا وساره وثالثهم علي....
وعلي طلع مر ع حوش عدى حط ولده ليه وطلع ع المرسم طول مخنوق وزعلان ع اسماء وف نفسه اللحظه فرحان وطاير من الفرح بحض اسماء كل شويه يشم ريحة قميصه يلقي فياهاا ريحة عطر اسماء .... ضاام ايديه لصدره ويتخايل ف اسماء ف حضنه .. ارقد ف المرسم وكل لحظه ياخد الهاتف يبي يتصل بي اسماء بس مش قاادر خايف يحرجهاا امام ساره ... الف فكره تاخده وتجيبه بس الفكره الرئيسه اللي مسيطره عليه انه لازم يلقى اي طريقه عشان اسماء تكوم زوجته وحلاله .....
#عند اسماء كل شويه تسحر بخيالهاا ف لحظه اللي حضنت فيهاا علي .. وتبتسم زى الهبله ...
ساره: ضربتها ع كتفها ايه خيرك هبلتى تضحكى بروحك ... اسماء: اهاا شن تقولى ...
ساره: عليه العوض ومنه العوض ف عقلك ياحبيبيتى ههههههه ...
اسماء :اسكتى خلينى ف حالى ...
تمو البنات الحوسه....
مريم :هيا نستاذنكم بنروح ...
الاء: منوره مريوومه احبيبتى تعبناك معانا ...
مريم :العفوو شن صار كله يهون ع خاطر عز وبحر.....
اسماء: ربي يخليك نتعبلك ف فرحك مريومه ...
مريم: سلمكم حبيباتى هذا واجبي ولوو .... .... وطلعت مريم ...
ام اسماء :بنياتى بنخش نرقد انهد حيلي ..
اسماء :سامحينى ياماما تعبتكم كلكم معااى ......
ام اسماء: اسكتى وبرى ارتاحي هاذم احفادى اغلى منك ...
الاء :حتى انا تصبحوو ع خير ...
هماا وانتى من اهل الخير ..
وطلعوو كلهم لغرفهم اسماء وساره ف غرفت اسماء ... خشت اسماء ع غرفة خوتها وخدت عز رااقد مداته لى ساره وطلعت ساره بيه ... ورجعت اسماء خدت بحر وطلعت حتى خوتها طايبين من التعب وراقدين ...
. ماحسوو بيهاا لما خشت وخدتهم .... غيرولهم ملابسهم وحفوظاتهم وحطوهم ف اسرىتهم الجدد جاابهم ليهم بوو اسماء اهديه ثاانى يوم وصلوو فيه .... اسماء رقدت هيا وساره ع السرير واسماء ف خاطرهاا اللحظه اللي حضنة فيهاا علي ... وكم هالحضن ريحهاا ...... وماسكه الهاتف وتحاول تتصل بيه بس مش عاارفه شن تقوله ف الاتصال .....
سكتت وحط الهاتف تحت مخدتهاا ...
ساره': تعرفي يااسومه من امتى علي يحبك ..
اسماء :فلتت عيونهاا وناضت قعمزت .....
ساره: هههههه سمله عليك ....
اسماء: احكى شن فيه وكيف وامتى ومنين عرفتى ...
ساره: هههههه هبلتى رسمى ....
اسماااء: اه والف اه علي بكلامه وحنيته وعطفه واهتمامه هبلنى وفاات ....
ساره: علي يحبك من يوم المرسم يوم الحفله تتفكرى فاها ... اسماء :ردت بذاكرتها ليو م المرسم يوم اللي هذاها فيه اللوحه .......
اسماء :وانتى كيف عرفتى ...
ساره: ههههه مصادرى الخااصه ....
أسماء: اه يااسروو...... ياريتنى كنت من نصيبه هوا .....
ساره: معليش اوخيتى نصيب الله غاالب ...
فاتو ليالى و ايام ع يوم الحفله..... علي واسماء ماحكووش مع بعضهم مشعارفين يحكو مع بعض وع اى شيء يبوو يحكوو ..مع انهم مشتاقين لى بعض مووووت هما الاثنين وكل ليله هما الاثنين يحطوو ع ارقاام بعض بس ماافيش شجااعه تخليهم يتصلوو الحرب ع مصرىعيهااا ف ليبيا تحررت بعض المنااطق من حكم القدافي بمعنى اوضح سقط نظاامه ف الجبل الغربي بالكامل ... ومصراته.... الخوف والناتو والجيش والثوار كلهم ضد بعض ....بنغاازى احتفالات بالتحرير .............. لحد ماجى يوم بداية مرض اسماء اللي مكان لا ع البال ولا ع الخاطر واتصل بو جاابر وكلم بو اسماء وقاله انهم بينزلو ف مطار تونس .... وبيجوو بالسياره من تونس للعاصمه الليبيه.............. #يتبع
انوقف هنا ونكملوو ف الحلقه الجايه الحلقاات الاخيره من روايتنا انشالله تنال اعجاابكم احبتى ف الله منورين وربي يحفظكم من كل شررررر....#حلومه
