السلام عليكم انشالله تكونو بخير اوخيااتى وفانزاتى الحنانات بجد اسفه بس والله ف قمة تعبي من الم اسنانى يعلم الله كم تعبانه هذا غير هم ملابس العيد وهم الكهرباء والنت بجد بنحاول بكل جهكى اليوم انزل اخر ثلاث حلقات دفعه وحده وانشالله وسامحونى ع هالتأخير هذه اول جزء من الحلقه الاخيره وباقي جزئين فور تنزيل هذا نعدل يالى بعده ونزله كونو ف الموعد وكونو متفاعلين الله يخليكم وادعولى ربي يصبرنى ع الم الاسنان امانه😭😭😭انخليكم مع الحلقه توى لنا لقاء تحياتى ...#أم_التاجين🤗👇😢
_________________--------------------________________
الحلقه الثاااالثه والثلاثوووون من روايتنا
#فارقتك😭👇
بوجابر قفل الخط مع بو أسماء ومشي لغرفة ولده جابر ...
جابر: نعم يابابا شن فيه
بو جابر :بغضب وتى روحك هيا زوجتك طايحه ع اهلها وبوها متأثر
جابر :خيرها شن فيه وكان خايف علاها ...
بوجابر :مشعارف سقد روووحك ...
وخدى جابر الجاكيت امتعه وطلعوووو....واتجهوو للمشفى الجلاء الزحمه طبعا مش زحمة ناس مدنيه لالالا الزحمه كانت زحمة جيش واهل المصابين ...ومناظر تقشعر لهاا الابذان مزال تقريبا ١٢االيوم بالضبط ع شهر رمضاان .... وانباء ان الثوار يتقدموو ع جميع المحاااور ... الكتائب حالة استنفار بشكل غير طبيعى ..... وبعد جهد وتوقيف وتحقيق من كل بوابه وصلوو اخيرااا للمشفى ... كانت النااس بشكل غريب داخل المشاافي اسعاف وعياط توثر خوف وقلق ع جميع الاصعده....
جابر: وقف ع الاستعلامات مالقي حد نادى سال ولا حد رد عليه...
بو جابر :اخد هاتفه واتصل بى بوو اسماء ...
بو جابر :ايوه ياحاج وين انت انى وجابر ف الطوارئ ...
بو اسماء: انا فوق ف الدور الثانى قدام العنايه ..
بوجابر: قعد يلف ف مكانه ويسال تى كيف نوصل فيك
بو اسماء: انت وين بالضبط
بو جابر: انا امام الاستعلامات...
بو اسماء :خلاص ع يمينك كوليدورامشي فيه واقرااا اللافته وتبعها وتوصل
بو جابر :اشر لى ولده ودار زى ماقاله بو اسماء......
#فوق .... عند اهل اسماء طبعا بعد ماطمنهم الدكتور شويا وطلعوهاا من غرفة العمليات امها قعدة تخبط وتعيط لان أسماء وجههاا كان يدل ع انهاا ع مشارفه نهااية حياتها .. خوتها تأثروو وساره: تلقتهاا ياوخيتى الغاليه ربي يشفيك ..
بوهاا: خبط ايده ع جبينه ..
والمسعفين حولو لو سمحتم
مروان: وين تبوو بيها المسعفه فوق ياخوى لقسم العنايه الفائقه ف الدور الثانى ..
ام اسماء :خلونى نقعد معاهاا تربحوو
المسعفه :ممنوع الزياره ياحاجه ادعولهاا بس محتاجه لدعاء هيا
ومشت بيهاا من الكوليدور..
وعلي واحمد كانوو واقفين بجنب باب الاسنسير...
علي: واول مااشافهاا فلت يده من يد احمد وقرب علاها يجري ونزل ع ركبيه وقف البريلا والدمعه حزة ف عيونه اااه يااعمرى الف لاباس عليك ... ياحبيبت قلبي خليك اقويه نبيك معااى ف الجديد وعد مش حنخليك برووحك انتي بس خليك قويه ع خاطرى.... يارب اشفاهاا يحكى ودموعه ينزلو ع خد اسماء اللي ف عالم اخر مش حااسه بشيء... علي مسك يدهااا وحضنهاا حبيبتى اسفه لانى خليتك ومحكيتلكش انى انحبك ترددى وارتباكى سبب كل شيء لاكن توى خلاص نبيك وانموت فيك ونبيهم كلهم يعرفوو..
أحمد: عيونه دمعوو والمسعفين متأثرين من كلامه ومن منظر اسماء اللى كانها ميته ...
احمد: أشر لى المسعفه ترقيهاا ياسره من تقطيع القلب..
المسعفه: عن اذنك استاذ لازم نرقوهاا للعنايه ..
علي: بالله عليك يااوخيتى كيف حالها طمنينى.
المسعفه :شافت لسماء رفعت عيونها ف علي ماغير الدعاء مااايفيد شيء...
علي :حط يديه ع راسه ومن وسط قلبه وبكل ألم وجع وقهر .... يااارب خليك معااااااهاااااا... ورقوهاا المسعفين ... احمد خدى علي وتباعدوو علي مش قاادر يمشي مسنده أحمد علي :اه يا أحمد قلبي بيتقطع علاهاا بنموت من القهر ومافي يدى شيء انديره ....
أحمد :ربي يلطف بحالهاا ويشوف فاها ويشفاهاا....وتباعدو ... امها طبعا تعيط وتخبط ومروان ومحمد يهدوو فاها بس مافي فايده ... ولحقوها فووق ... وقعدو واقفين علي وأحمد مقعمزين ف الجهه لمقاابله عشان يتبعدوو عن نظرات أهل اسماء اللي كلهاا أسأله.
لحد مارن بو جابر ع بو أسماء وصفله وين هما....
مروان ومحمد :بغضب احنى طالعين
امهم: وين تبوو تمشو وتخلو اختكم
مروان :مانبيش انشوفه هالحيوان....
محمد :ارجوك يابابا ماتخليشي يشوف اسماء البنت مش ناقصهاااا..
بو اسماء: تربحوو خلونى ف اللى أنا فيه.
وفجأه وقف جابر وبوه
وبو جابر: السلام عليكم مارد حد السلام الا بو اسماء
بواسماء:وعليك السلام ...
محمد ومروان: هيا طالعين حنى ...
وقف احمد من بعيد يشوف فيهم بالك طلع للدكتور ولا جد جديد لقي بوجابر وجابر توثر وخاف من علي يتصرف اى تصرف غبي ومتهور وتصير مشكله لو شافهم
