الحلقه السابعه والعشروون من روايتنا..
#فارقتك✍️👇😭😱
وصلوو اسماء وساره للمطار ورفعتهم سلام .تلاقو غادى مع البقيه وعلي
.اسماء: مااسكه واحد من التوام لان عرباتهم ف االشحن حطووهم والثانى مسكاته ساره....
اسماء: تشوف ف علي وهو يحاول يتهرب من نظراتهاا .....
#عندجابر مازن اسمع بنقولك شيءمهم
جابر :شن فيه ادوى بسرعه عندى ماندير
مازن: ا ا ا جابر تى شن فيهو قوول...
مازن: راهوو زوجتك توى ف المطار جابر عارف بتودع ساره ... مازن :مسح ع جبينه بيده وقاله لالا بتسافر معاهم
جابر:كيف شن تقول ...
مازن :وللله سمعتهم هكى قالو ...
جابر: قرب منه ومسكه من قميصه من اللي قال ... مازن اختك سلام هيا اللي ساعدتها ...
جابر :تدوى بجد انت
.مازن :والله.
جابر: اتصل بي امه ... وعرف انهم طلعووو تحرك يجرى للمطار يبي ثلث ساعه ويوصل والرحله مزال علاها ثلث ساعه بالضبط...
جابر: يتصل بي اخته سلام ماترد عليه شافت اتصاله دراته صاامت...
اسماء: تحضن وتسلم ع سلام اسماء امانه عليك تتاسفي بنيابه عليا من عمى بو جابر وتطلبي السماح منه ..
.سلام :ارتاحى انتى وفكرى ةحاضر لاتشغلي بالك بيهم حظنت توام خوهاا ودعتهم ....
وطلعوو لصاله المغادره .
اسماء :مسكت ساره من يدهاا بقوه
ساره: خيرك شن في
اسماء :حااسه قلبي بيغط عليا من الخوف
علي :قرب عليهم وخدى عز منهاا ارتاحى وقعمزها ع الكرسي ...
اسماء :ماسكه راسهاا.
احمد :يشوف ف علي ومش عاجبه ..
وجنات وساره يحكو ..
.ساره: شن تقولى معقوله.
جنات: والله احمد قالى علي يحب اسماء من يوم حفلت المرسم ...
ساره: ترجع ف الشريط تشوف فيهم ....
علي واسماء يحكوو مع بعض ...
علي: وسعى بالك توى دقايق وتبدى ف الجوو وخلاص وفكرى ف زوجك بعدين وعلاقتك معاه.
اسماء: شافت فيه انا معااش نبيه اول مانوصل لي ليبيا بنطلب الطلاق.
علي :اعطى نفسك فرصه وفكرى
اسماء: مازلت تسال بعد اللي قلته ليك.
علي: كان يبي يقوللها انه عرف انهاا قبل يومين كانت معاه وف غرفه وحده بس صوت التنبيه بان الرحله الليبيه ستنطلق الان تفضلو ع الباصات....
وقف علي ومد يده لى اسماء مسكت فيه وقفت
اسماء :اعطينى عز ..
علي :لالا خليه انتى خودى الصاكو امتعهم ..
وطلعوو ف اتجاهمم للباصات ...
وجابر كيف ركن سيارته امام المطار وخش زى المجنون
سلام روحت وماتلاقت معاه. ولا اتصلت بيه...
جابر: امشي للاستعلامات قاللوله الرحله الليبيه بتطلع بعد دقيقتين
جابر' لالالا وقفوو زوجتى فاهاا واولادى وبدون علمى امسافر.
بدى الامن يتحركووو امتعين المطار بيوقفو الرحله بس يتاكدوو من اسم المسافره والصغار
#عنداسمااء... طلعوو من ممر المغادرين وبيختمو ع جوازات السفر تم الختم والبيانات تمام .... وبعد ماركبو للباص تسكر باب المغادره ...
والاستعلامات من عند جابر اتصلو بالمغادره قاللولهم الرحله انطلقت
المدير :نستعذرك ياا استاذ الرحله طلعت اللحين لان اوراق زوجتك مكتمله ماافي اي شك ف بياناتها...
جابر: بدى يخبط ويعيط كيف لالالا اتاكدوو ان الرحله طلعت.
وفجاه صوت مغادره طياره من فوق المطار ...
جابر: شاف فيهاا
المدير :شفت استاذ هذه هيا الرحله اللحين ماافي شيء اقدر افيدك بيه ...
جابر: ضرب الكرسي برجله وطلع والله يااسماء حسابك عندى ...
اسماء ف الطائره ف قمة الفرح ....
#وقبل بيوم امهاا حلمت ان بنتهاا اللي ديما تتصارع مع سلسله ملفوفه ع رقبتهاا ... اسماء كسرت هالسلسله وتحررت ....
#اسماء الف حمد لله افتكيت من هالكابووس ... التوام خايفين واحد مزال عند علي حااضنه بقوه والثانى عند ساره واسماء .. علي كان امقعمز خلف اسماء وساره ف اللجهه المقاابله ..وكان يشوف فاها كيف فرحانه ... وحتى هوا فرحان ع خاطرهااا ... لفت ليه
اسماء: على اعطينى عز..
علي:, لالا خليه بيغفى اصلا هوااا.
اسماء :سامحنى تعبتك ..
علي:غمزلها بحب ولو مادرت شيء.
احمد :مش عااجبه اللي قاعد يصير من تودد بين اسماء وعلي .
خلونى نعطيكم شوية احداثيات ع اهل جابر لان بنفتكوو منهم الحلقات الجايه شويا....
جابر ركب سيارته وطلع يجرى للفيلا وصلت سلام ... تلاقت مع امها
ام جابر: وين اسماء
سلام: ولاحرف ..
امها :ياامصيبه انكلم فيك ....
سلام :وين بابى
امها: ف المكتب.تمام شوي وننزل .
امها :وين زوجت خوك وين عز وبحر ....
سلام :شويا ونجى
امهاا باهى بسرعه ... وصل جابر سلام وهيا طالعه سمعت صوت سيارته رجعت نزلت ...
جابر: من برا يعيط سلام سلام علاش درتى فيا هكى ..
. سلام :نزلت وقفت امام باب الفيلا الرئيسي...
ام جابر :خيرك شن فيه ...
جابر: اسألى بنتك وين اسماء والتوام ...
طلع بو جابر: شن فيه شن صاير ...
سلام:بخوف قربت على بوهاا ...
بو جابر :خيرك ...
جابر: اسال بنتك ..
سلام:, يابابى انا سفرت اسماء لي ليبيا ...
بوجابر :فلت عيونه كيف ...
سلام :يابابي انت رجل عادل البنت انهاانت ع جميع الاصعده ومافيش حد منكم ساعدها...
جابر :قرب وقريب يتفجر وانتى شن دخلك وعلاش هكى اديري فيا ..
سلام: بدموعها تبكى انت تقتل فاها بالعرق كل يوم البنت دم ولحم معااش نقدر نتحمل انشوفها هكى ...
بو جابر :خلاص اسكتوو ...
سلام: قربت ع بوهاا وحضناته يابابي سامحنى بس والله غصب عنى تصرفت هكى معاش تحملت كل هالظلم اللي صاير فاها.... بو جابر: والاولاد كيف بيصيرير فيهم ..
سلام :هيا اللي كانت تعاند فيهم جابر مايعرف عليهم شيء ... جابر :اسكتى انتى انا توى بنلحقهااا ...
بو جابر: اسكت ورتاح تبي خوتها يقتلوك ....
سلام: يابابى اسماء توصل ليك اسفها وسلامهاا ...
بو جابر :بغصه ربي يحفظها الحزن عم عليه دخل لي مكتبه وقفل الباب ...
سلام: طلعت لى غرفتهاا ...
جابر :كسر الفازه وطلع ..
ام جابر :افتكينا منهااا...... وبنوقف هنى جابر وعيلته لفتره .....
#ليبيا .....وصلت اسماء لي بلادهاا قريب طارت بالفرحه ... الكل لاقوو اهلهم وطبعا ساره خطيبها... الا علي واسماء خدو التوام وطلعوو قبل مايطلعو البقيه.
علي :هذا رقمى لما تفضي طمنينى عليك ...
اسماء: انشالله باذن الله
علي :نورتى بلادك وانشالله اللي جاى افضل ...
اسماء :دامنى بعيده ع جابر اكيد احلى.
الحمال اللي يشتغل ف المطار بلغهم ان الشنط مزال يبوو ساعه ع الاقل ...
اسعد وايه بنروحوو حنى
احمد: تمام توى نستناهم وروح بيهم اعطونى الكرت امتع الرقم بس ....
اسعد: منور يارفيقي.
اسماء وعلي قعمزوو ف الكفى امتع المطار يستنو والباقي برا الكفي يستنو.
الاستاذ واحمد وجنات وحسين وساره كل اثنين مع بعض ... احمد ايشوف لي علي ومش عاجبه
جنات: خيرك حامل همهم انت خليهم الاثنين كبار ويعرفوو يتصرفوو
احمد :اووف وخلاص ..
ساره: طبعاا نازل عشق واشتياق هيا وحسين ربي يهنيهم ... علي واسماء طالبين زبادى للتوام جاعوو وكل واحد يوكل ف الثانى ويضحكو عليهم ...
علي: ياحليلي محلاه هالعسل.
اسماء :تشوف فيه وتضحك وتوكل ف الثانى اتلخبطت بينهم معاش عرفت من اللي عنده عز ومن اللي عنده بحر هههههه... احم خلونى انكمل ليكم ....
وبعد مافات الوقت وصلوو الشنط كلهم
اشر احمد لى علي وطلعوو من الكفي ..
الاستاذ :هيا تصبحو ع خير ...
المجموعه: بالسلامه وانت من اهله ...
طبعاا حسين جايب معاه باص كبير ركبوو كلهم وتحركووو .. وصلو اسماء قبل ونزلت معاهاا ساره وجنات.
واحمد وعلي روحوو
احمد: جنات شويا ونجيكم انتى وساره ...
جنات: تمام ...
اسماء: ترتجف من الخوف كيف بتخبط ع الباب وكيف بتفاجاأ اهلهااا ... ..
. طبعا علامات الضرب مزالت ف وجه اسماء... طقت الباب ساره وخفوو اسماء والتوم وراهااا.....
فتح محمد الباب:اوو اهلين ساره عاش من شافك ..
ساره:بدون ولا كلمه تبعدت ع الباب وبنات اسماء واهنى بدت المفاجاه
محمد معاش عرف كيف يتصرف طول دموعه نزلوو وقعد ينادى ع اهله
اسماء اسماء هذاا اللي قاله....
طلعوو كلهم وصار العياط والفرح الدموع والتزغريت اسماء قريب تهبل من كثرة الاشتياق لى اهلهاا ..
. بوها كان يصلي حكم قطع ع صلاته وجى وفرحتهم باسماء كوم وبالتوام كووم .....
طبعا صعب نوصف الي صاار بالكلام لانى بجد مش حيكون نفس الشيء ...
ام اسماء: ااابارح حلمت بيك والله ...
اسماء :تبوس وتحضن ف مها وخوتها كل واحد بروحه
مروان قريب يهبل هوا ومحمد ف التوام كل حد منهم شاد واحد من عز وبحر
وبو اسماء بينهم يحوس يبيهم هما طبعاا يبكوو مستنكرين ... جنات وساره نستاذنو توى احمد وصل ..
.ام اسماء: سامحونى بنياتى الهيت ف اسماء ونسيت حتى انقوللكم تفضلووو...
ساره :معليش اعميمه انستكم غدوه نجوو انشالله سلمو لبنات وطلعو
اسماء :صحيتووو ...
ساره: سلام نورتى اهلك .......
#تم الفرح بجيت اسماء وتبداء الاسأله كيف وعلاش وين ومع من .... كل واحد استلمهااا من جهه وهذا غير وجهاا والضربات اللي فيه .....
#علي وصل سلم ع اهله وقعمزوو
ام علي: نحطلك عشي
على :لالالا صحيتى تعبان ونبي نرقد ..
امه: باهى اوليدى ارتاح ..
بوعلي: شن حالكم باهى وشن جو السفره
علي: الحمد لله بخير ....
علي: سال امه وين شفرتى يام ...
ام علي :توى انجيبهاا ليك ..
مستعجل خايف اسماء تتصل مايعرف ان اسماء ف التحقيق توى .......ومش فاضيه تحك شعرها😅👍👇✍️
#يتبع
انكمل بكره الحلقه التاليه منورين وانشالله نالت اعجاابكم
