ياسمين

١

بمعرض سيارت الليثى يجلس خالد  محسن الليثى صاحب المعرض على  مكتبه و يقرأ بعض الأوراق فيرن تليفون المكتب ويرد على سيكيرتيره عصام
خالد : أيوة
عصام: استاذ حسن هنا عايز يقابل حضرتك
خالد : يدخل فورا
** قفل عصام التليفون ودخل حسن من باب المكتب وقام خالد يرحب به ويسلم عليه
خالد : وحشتنى يا جدع
حسن: وانت اكتر يا جدع
خالد : تحب تشرب ايه
حسن : ولا حاجة انا جبتلك البنت اللى كلمتك عنها عشان تشتغل
خالد : اه هى فين
حسن : برة
** اتصل خالد ب عصام
خالد : خالى البنت اللي عندك تدخل
عصام: حاضر
** ثوانى ودخلت ياسمين المكتب بعد ما طرقت على الباب
فنظر لها خالد ولفت نظره خجلها
ياسمين : السلام عليكم
خالد : وعليكم السلام ورحمه الله وبركاته ،، إسمك ايه وعندك كام سنة ؟
ياسمين : اسمى ياسمين،، وعندى ٢٨ سنة
خالد : معاكى شهادات؟
ياسمين: دبلوم تجاره
خالد : اشتغلتى فى ايه قبل كده ؟
ياسمين : فى مدرسة
حسن : كانت مشرفه فى باص مدرسه
خالد : طب تعرفى تشتغلى ايه هنا
ياسمين: اى حاجة حضرتك
خالد : بصى بما انك تجارة ممكن قدام شوية اشغلك فى المحاسبة لكن دلوقتى للأسف مفيش غير البوفيه بس اللى فاضى عندى
حسن : ها ايه رأيك ؟
ياسمين : تمام موافقه
خالد : مرتب الفين ونص مبدأيا يناسبك
حسن : حلو جدا يا خالد كتر خيرك
ياسمين _ بخجل : يناسبنى ... ابتدى الشغل امتى ؟
خالد : من بكرة الساعه عشرة الصبح ، وسيبى بياناتك ورقم تليفونك ل استاذ عصام
ياسمين : تمام
حسن : كتر خيرك يا خالد مش عارف اقولك ايه
خالد : عنيا ليك ولطنط نرجس  😂

**ثانى يوم جاءت ياسمين المعرض وصبحت على الجميع ودخلت البوفيه قابلت فتاة تدعى سميرة
ياسمين: صباح الخير
سميرة: صباح النور انتى العامله الجديدة
ياسمين _ بإحراج : ايوة انا
سميرة : نورتى يا قمر مالك متوترة ليه؟
ياسمين: لا ابدا
سميرة: هو أول يوم كده ماتقلقيش انا هعرفك كل حاجة عشان لما امشى تدعيلى
ياسمين: انتى ماشية
سميرة:اه عقبالك هتجوز ولا انتى متجوزة
ياسمين: لاء مش متجوزة
سميرة: ولا مرتبطة
ياسمين: ولا مرتبطة
سميرة: حلو اوى كلها شهرين تلاته و ترتبطى المكان دا وشه حلو على البنات... اللى قبلى اتجوزوا دوغرى من هنا وانا اهو ماكملتش سنة
ياسمين: مبروك مقدما
سميرة: بصى بقى يا قمر أول حاجة مشروبات مستر خالد صاحب المعرض

** بمكتبه يمضى خالد مع احد العملاء ورق امتلاك سيارة من معرضه ومعهم عصام 

العميل : أن شاء الله مش هيبقى اول تعامل 

خالد : أن شاءالله ، استاذ عصام مع حضرتك هيتمم معاك باقى الإجراءات 

العميل : شكرا ليك مع السلامه

خالد: مع السلامه نورت

** ذهب العميل مع عصام لمكتبه ورن تليفون خالد 

خالد : ألو 

نرجس : ازيك يا خالد انا نرجس 

خالد : اهلا ازيك يا طنط