ياسمين

٨

** وصلت ياسمين شقتها فجريت ندى عليها وحضنتها

ندى : انتى كويسة

ياسمين _ بحزن: عمك قل بينا اوى

ندى: وطبعا سيبتيله حق الأرض

ياسمين: طبعا لولا كده مكانش هيتكلم مع خالد فى حاجة ولا كان هيعمل نفسه ولى امرى بجد ويتفق معاه على إجراءات الفرح بس خالد مش هيسيبه

ندى : خلينا  نسكت لغايه ما الفرح يتم وبعد كده خالد يعمل فيه اللى يعمله مش هنزعل عليه …

ياسمين: انا بس مش عارفه خالد هيعمل ايه مع أهله

ندى : اللى عدى موضوع عمك يعدى موضوع أهله

ياسمين: الناس دى مش بتتكلم فى أرض وفلوس دول خايفين على ابنهم ..

*** وصل خالد الفيلا وكان محسن وأقبال ينتظرونه فى الريسيبشن

خالد : مساء الخير

أقبال: كنت فين يا حبيبي طول النهار

محسن : وماروحتش الشغل النهاردة يعنى

خالد : كنت مع صحابى  معزومين فى مزرعه واحد صاحبنا

محسن : طيب كنت كلمتنا بدل ما طول النهار تليفونك مقفول

خالد :  نسيت أشحنه وبعدين ما تقلقوش عليا انا اصلا مسافر بعد بكرة

أقبال : برضه هتسافر يا بنى انت بتعمل كده ليه

خالد: شغل يا امى

محسن : يا بنى هو يا كده يا كده طب بذمتك لما عيالك يسألوك عن خال ولا جد لأمهم هترد تقول ايه

خالد: هقول أن ليها عيله والمشاكل اللى بينهم خلصت عيلتهم عيله جامده فى الشرقية ومعروفين اوى

اقبال: وانت عرفت منين

خالد: سألت عليهم النهاردة

محسن : واضح انك متبت فيها وانا خسرت بنتى مش عايز اخسر ابنى كمان

اقبال _ تقاطعه: ماتقولش كده يا محسن ربنا يخليهالنا

محسن : مش عايز يابنى لما اموت تقول إن ابويا ظلمنى أو تعبنى وتدعى عليا

خالد: بعد الشر عنك يا حبيبي

محسن: انا عن نفسي موافق تتجوزها وامك كمان موافقه

اقبال:  طبعا موافقه ربنا يتمم لك على خير يا حبيبى احنا مش عايزين حاجة من الدنيا غير سعادتكم

** فرح خالد كثيرا وحضن والديه وقبل يدهم ثم صعد ل غرفته واتصل ب ياسمين

خالد : ألو

ياسمين: أيوة يا خالد

خالد: خلاص يا عروسة كله تمام حددى المعاد يا روحى