ياسمين

٥

** دخلت ياسمين مكتب خالد

ياسمين: مستر خالد ..معلش انا لازم أستأذن دلوقتى

خالد: فى ايه

ياسمين: صاحب الشقة عند ندى ومش عارفه عايز ايه وانا قلقانه عليها هى لوحدها

خالد: طب يلا انا جاى معاكى

ياسمين: ماينفعش تيجى معايا

خالد_ بغضب : يلا يا ياسمين انا جاى معاكى

** وعلى قدر غضب خالد  رأت ياسمين فى عيونه خوف وحنيه عليها فصمتت وخرجوا من المعرض وعند العمارة التى تسكن بها ياسمين توقف خالد بسيارته ونزل منها هو وياسمين وصعدوا لشقتها

** فتحت ياسمين الشقة ودخلت مسرعة وورائها خالد

ياسمين : ندى ..ندى

** رأوا ندى تجلس أمام أقبال متوترة ووقفت عندما رأتهم وذهبت ل ياسمين

خالد: ماما …!

أقبال : جبتيه معاكى ليه يحوش عنك ..

خالد: ماما لو سمحتى

ياسمين: انا معرفش أن حضرتك هنا

أقبال _ بحده : يعنى اختك ماقالتلكيش

ندى : المكالمه كانت قدامك

أقبال : ياسلام مابعتلهاش رسالة يعنى وقولتلها

ندى : انا مابكدبش

خالد: ماما أهدى من فضلك

أقبال : طب انا عايزة أعرف انتى عايزة من ابنى ايه شكلوكوا محترمين ومتربيين  بس  المستوى دا اقل بكتير من اللى ابنى يستحقه

خالد: ماما

أقبال : سيبنى  اقول الكلمتين اللى جايه عشانهم

** صمت خالد ونظر ل ياسمين الذى تغيير وجهها

أقبال : ردى عليا

ياسمين: أقول لحضرتك ايه

أقبال: قوليلى عايزة من ابنى ايه

ياسمين: مش عايزة حاجة انا روحت عنده اشتغل لا طمعانه فيه ولا فى دماغى اصلا مستواه ولا فارق معايا هو مين

أقبال : وايه اللى فرق دلوقتى ؟

ياسمين : مفيش حاجه فرقت خالد طلبنى للجواز،،  وانا عارفه أن الموضوع دا هيتعبنى  ومش عايزة مشاكل  وبعد اذنك يا خالد انا بكرة هقدم أستقالتى

خالد: انتى بتقولى ايه

اقبال : انتى فكرك كده هيقطع علاقته بيكى

ياسمين: دا لازم يقطع علاقته بيا واضح أوى على حضرتك انك مش موافقه عليا وانا ما اقبلش كده انا مخترتش حياتى  عشان تحاسبينى عليها

خالد: ماما لو سمحتى كفاية كده .. ياسمين انا بحبك ومش هسيبك

ياسمين: طلبك مرفوض يا استاذ خالد