ياسمين

٤

فى إحدى الڤلل الراقية يفتح خالد بابها ويدخل يضئ أنوارها فيظهر جمال الفيلا ورقى الأثاث والديكور والمفروشات

فتدخل ياسمين منبهرة بها ويقفل خالد الباب

خالد : إية رأيك فيها

ياسمين: جميلة أوى

خالد : محتاجه ايه بقى

ياسمين: مش محتاجه غير حضرتك وعروستك بس

خالد : انتى عروستى         

ياسمين_ بتعجب: مش فاهمه

** أمسك خالد يد ياسمين ونظر لها بحب

خالد: ياسمين أنا بحبك .. تقبلى تتجوزينى

ياسمين_ بذهول :الكلام دا ليا انا؟

خالد : أيوة ليكى انتى بقولك أنا بحبك .. تقبلى تتجوزينى

ياسمين: انا مش عارفه أقولك ايه

خالد: قوليلى أقبل أتجوزك قوليلى انك بتحبينى زى ما انا بحبك ،، أكيد حسيتى بيا وبمشاعرى .

** تركت ياسمين يد خالد ونظرت له  

ياسمين : كفاية لو سمحت الكلام دا ماينفعش يتقال ليا مشاعرك وحبك مش لوحده زيي ..

خالد_ بإستغراب: يعنى إيه واحده زيك؟

ياسمين: يعنى واحده بينك وبينها مسافات مفيش اى حاجة متشابهه بينا لا مستوى ولا أهل ولا تعليم ،، مستحيل أهلك هيسمحولك ب كده ، وانا كمان مش هينفع أحط نفسى فى مكانه مش بتاعتى .

** يضحك خالد بشدة وتتعجب منه ياسمين ثم يمسك يدها مرة أخرى ويقول بهدوء ورومانسية

خالد: ها قولتى إية .. قبلتى تتجوزينى مش كده .. أكيد ما انا عريس ما يترفضش

ياسمين_ ب حزن : ليك حق تتريق

خالد: تفتكرى يوم ما حبيتك ما فكرتش فى كل كلامك دا ،، لاء انا فكرت كويس انتى عارفة انى بحسب كل حاجة ..أنا عمرى ما هلاقى زيك انسانه حنينه وطيبة ومتعلمه وجميلة وأهم من كل دا روح تتعاشر وتربى وتكبر ولادى وانا مطمن انها هتحافظ عليا وعلى إسمى عايش او ميت .. انا لقيت فيكى كل حاجة حلوة يا ياسمين ومستحيل ابعد عنك

ياسمين : طب ووالدك ووالدتك

خالد: مالهم دول مفيش أطيب منهم ومش هيمانعوا فى اى حاجة هما عايزينى  أكون مبسوط وانا مش هبقى مبسوط غير معاكى       💗

***  دخلت ياسمين بيتها فرأت ندى تجلس على سريرها وتقرأ فى كتاب

ندى: حمدالله على السلامه ياحبيبتي

ياسمين: الله يسلمك عامله ايه

ندى: عملت شوية مكرونه وفراخ يجننوا أقوم أحضر

ياسمين: لاء مش جعانة

ندى: مال وشك متغير كده ليه حاجة حصلت؟