ياسمين

٣

بعد أسبوع

دخلت ياسمين البوفيه صباحا لكى تبدأ عملها رأت شخص آخريدعى سليمان يعمل مكانها

ياسمين: صباح الخير

سليمان: صباح الخير انتى مين

ياسمين: انا اللى شغالة هنا فى البوفيه

سليمان : هما قالولى أن محدش شغال معايا

** صعدت ياسمين لمكتب عصام لم تجده فدخلت مكتب خالد

ياسمين: صباح الخير

خالد: صباح النور

ياسمين: حضرتك جبت واحد مكانى

خالد: أيوة

ياسمين: طيب ممكن اعرف عملت ايه عشان حضرتك تمشينى؟

خالد: مش عايزك فى البوفيه

ياسمين: مش فاهمه

خالد: عايزك جمبى .. اقصد عايزك هنا فى المكتب اللى بره مكان عصام

ياسمين: طب ومستر عصام

خالد: مستر عصام فى أجازة

ياسمين : بس انا مش هعرف اكون زيه

خالد: هتكونى احسن منه انا معاكى واحده واحده ماتقلقيش

ياسمين: حضرتك هتزهق

** قام خالد ووقف أمامها

خالد: لاء مش هزهق

ياسمين: ممكن تدايق

خالد: مش هدايق

** نظره خالد لياسمين كانت تحيرها فلأول مرة تحس بإختلافها وبالفعل إستلمت مكتب عصام وكان خالد يساعدها ويعلمها كيف تكون مديرة أعمال

**وبعد كام يوم كانت تجلس ياسمين وندى بشقتهم

ندى : طب انتى حاسه بإيه من ناحية خالد

ياسمين: مش شايفه غير أنه متغير تماما معايا للأحسن

ندى : لحسن يكون بيجرجرك لحب وجواز

ياسمين : هههههههه ضحكتينى حب ايه انتى عارفه هو ايه وانا ايه مش ممكن طبعا

ندى : مش ممكن ليه الزمن دا مفيهوش الكلام ده

ياسمين: لا ياحبيبتي فيه وخالد مستواه كويس جدا فلوس كتير ماشاء الله وعربيات وعيله وعز

ندى : احنا مش وحشين يا ياسمين هى بس الفلوس وانا لما اتخرج واشتغل معاكى هنعمل حاجة ومستقبلنا هيبقى كويس

ياسمين: أن شاء الله

ندى : طب بذمتك انتى ماحبيتهوش

ياسمين: لاء طبعا وعايزاكى لما تقابلى واحد زى خالد ماتحلميش بأى ارتباط بيه عشان قلبك مايوجعكيش