ياسمين

٧

** يصل خالد وياسمين محافظة الشرقية ويتوقف بالسيارة أمام بيت سعيد وينزلان من السيارة  ونطرق ياسمين على الباب  فيفتح ابراهيم  وهو  الابن الأكبر ل سعيد

ابراهيم : ياسمين

ياسمين: ازيك يا ابراهيم

ابراهيم: الحمدلله يا بنت عمى انتى عامله ايه

** ينظر متعجبا ل خالد الذى يمد يده ويسلم عليه …

ابراهيم: مين دا

خالد: انا خالد عايز أقابل الحاج سعيد

ابراهيم : اهلا وسهلا إتفضلوا

** دخل خالد وياسمين المنزل وورائهم ابراهيم الذى شاور لهم ل يجلسوا فى حجرة الضيافه

ابراهيم: إتفضلوا اقعدوا ثوانى والحاج يكون عندكم

** جلس خالد وياسمين على الأريكة وذهب ابراهيم لوالده سعيد ووالدته نعمه وشقيقته رحاب الذين يجلسون أمام التليفزيون

ابراهيم : يا حاج يا حاج

سعيد: ايه يا ولا فى إيه ؟

ابراهيم: ياسمين بنت عمى صلاح جت تحت ومعاها واحد عايز يقابلك

نعمه _ بتعجب : ياسمين جت هنا

سعيد _ بغضب : واحد …      😑

** ذهب سعيد مع ابراهيم ولف كلا من نعمه و رحاب الطرح على شعرهم وذهبوا ورائهم ودخلوا جميعا حجرة الضيافه
فوقفت ياسمين وخالد ليسلموا عليهم

سعيد : يا مرحب يا مرحب يا ياسمين

ياسمين: ازيك يا عمى

سعيد : بخير يا بنت اخويا

رحاب : ازيك يا ياسمين

ياسمين: الحمدلله بخير يا رحاب انتى عامله ايه

رحاب : الحمدلله امال ندى فين

ياسمين: فى البيت عندها مذاكرة

نعمه : يا مرحب يا مرحب واحشتينا

ياسمين: وانتى اكتر يا طنط

سعيد _ ينظر ل خالد: مين حضرتك

خالد : انا خالد الليثى صاحب معرض سيارات الليثى  و مدير ياسمين فى الشغل

ابراهيم: انت صاحب معرض الليثى موتورز

خالد : أيوة انا

سعيد: اهلا وسهلا  إتفضلوا اقعدوا

** جلس الجميع

خالد_ ل سعيد : انا عرفت من ياسمين أن حضرتك عمها الكبير وولى أمرها وانا يشرفنى ان أطلب ايدها  منك

** نظر سعيد ل ياسمين و ل إبراهيم

سعيد :  يشرفنا طبعا أنك تدخل عيلتنا لكن الحقيقة بينى وبين بنت اخويا شوية مشاكل