ياسمين

٩

** يمشى محسن فى حديقة الفيلا ومعه ياسمين ويشاهدان جمال الورود

محسن: ايه رأيك فى الورد انا اللى زارعه

ياسمين: جميل اوى

محسن: تعرفى أكتر نوع فى الورود بحبه هو ايه؟

ياسمين: ايه ؟

محسن: الياسمين      

ياسمين: لاحظت أن حوالين الفيلا كله  شجر الياسمين

محسن : وهتتفاجئ اكتر بان خالد هو الوحيد اللى كان بيسقيه عشان عارف انى بحبه

ياسمين_ تبتسم : هو كمان بيحب حضرتك اوى

محسن : عارفه .. لما جالنا وقالنا أنه عايز يتجوز فرحه الدنيا كانت فى قلبى انا وأمه

ياسمين:  انا جيت هنا النهاردة عشان خايفة  تكونوا موافقين على الجواز من ورا قلبكم ولو طلبتوا منى امشى همشى

محسن:  احنا مانعرفكيش بس نعرف خالد واول مرة اشوف ابنى مبسوط زى اليومين دول وعشان  كده احنا وافقنا بس انتى ما ينفعش تمشي وهنشوف تستاهلى حبه وحبنا ولا لاء

***دخل محسن وياسمين الفيلا وجلسوا مع أقبال فى الليفينج وهنا سمعوا  صوت سياره خالد ودخوله الفيلا فتوقف ونزل منها بسرعه و دخل لهم وقبل أن يرى ياسمين

خالد _ بلهفه : انتوا كويسين

** نظر محسن وأقبال ل ياسمين فإلتفت خالد لها وقال

خالد: انتى هنا من امتى ؟

ياسمين: من الصبح

أقبال : مفاجأة مش كده

محسن : مالك اتسمرت مكانك ليه

** جلس خالد يلقف أنفاسه

أقبال : نسيبكم تقعدوا مع بعض شوية لغاية الغدا ما يجهز

محسن : شوية وجايلك افرجك على باقى الجنينه

ياسمين: ياريت

** خرج محسن وأقبال من الليفينج وقفلوا الباب فنظرت ياسمين ل خالد بحب لكنه نظر لها بغضب

ياسمين: مالك

خالد: ازاى تنزلى بدرى كده من غير ماتقولى رايحه فين

ياسمين: انت اتضايقت عشان جيت هنا

خالد: لاء مش عشان جيتى هنا عشان خليتى دماغى تلف من الصبح وتليفونك مقفول

ياسمين: خوفت عليا

خالد: يا سلام انتى بتدلعى

ياسمين: انت قلقت عليا صح

خالد: لا ابدا كنت مبسوط وانا مش عارف عنك حاجة

ياسمين_ بحنيه : تعرف دى اول مره تزعقلى وتتعصب عليا من يوم ما حبتنى