فى منزل عائلة السيوفى.. .تجتمع الاسرة حول مائدة الطعام لتناول افطارهم
الاب وليد: امال فين اياد؟ مش عادته يتأخر كده؟
الام حنان: يتأخر ايه؟ ابنك راح عالشركة من بدرى
وليد ناظرا لساعته: نزل بدرى كده ليه؟
حنان: بيقول عنده ميعاد مع مهندس جديد
وليد: فين رامى و البنات يا عزيزة؟
عزيزة: فريدة لسه نايمة ورامى و ياسمين بيجهزو وجايين حالا
وليد: فريدة لسه نايمة ليه؟ تعبانة ولا حاجة ؟
حنان بضحك: بتقول هتعوض سنين الكلية نوم. يا عينى مش مصدقة انها خلصت
وليد ضاحكا: مش هتقدر دى غاوية تعب و شقا وهتلاقيها من بكرة بتقول عايزة اشتغل
فريدة من خلفهم: يبقى انت اللى قريت عليا يا سى بابا عشان كده مش عارفة انام☺
وليد: صباح الخير على ست البنات😘
ياسمين: يعنى هى ست البنات و انا بنت البطة السودا 😡!!!
وليد مازحا: دا ايه الهنا اللى انا فيه دا!!! قمرين عالصبح؟
حنان مصطنعة الزعل: جرا ايه يا استاذ وليد... هما فين القمرين دول؟😢
وليد بحب: انا مش شايف غير قمر واحد بس هو اللى بشوف وشه اول مابصحى من النوم💓
ياسمين: تيرارارارا....احنا اتكسفنا يا فريدة وبقى شكلنا وحش اووووى
فريدة مغيظة ياسمين: اتكلمى على ادك يا حبيبتى. انا عارفى مكانتى فى قلب بابا و ماما كويس
ياسمين: بقى هى كده!!! ماشى. عالعموم انا هكمل فطارى و اجرى عالشركة قبل ما اياد يتصل يسمعنى كلمتين( ياسمين مهندسة ديكور و تعمل مع اخيها بالشركة)
وليد: ماشى يا حبيبتى. ربنا يوفقك. ثم وجه حديثه لفريدة: و انتى رايحة فين كده ؟
فريدة : رايحة انترفيو فى شركة ادوية كنت شفت اعلانهم عالنت طالبين دكاترة صيدلة حديثى التخرج. هروح اقدم ال CV و ربنا يسهل
عزيزة: ربنا يوفقك يا حبيبتى و يكتبلك الخير فى كل خطوة
فريدة: متشكرة يا دادة ☺
حنان: هتروحى لوحدك؟
فريدة: لا رامى هيوصلنى و هو رايح المستشفى لكن لو حصل نصيب و قبلت ان شاء الله اكيد هروح و اجى لوحدى. انا مش لسه عيلة فى المدرسة يا ماما انا كلها اسبوع و اكمل ٢٢ سنة
وليد مبتسما: بتفكرينا يعنى بعيد ميلادك؟!! مش ناسيين يا ستى على فكرة
فريدة: كويس انك مش ناسى ياسى بابا. ثم اكملت بحزن: ويافريدة: كويس انك مش ناسى ياسى بابا. ثم اكملت بحزن: ويارب تقدر تجيبلى هديتى اللى بتمناها السنة دى
وليد بحزن: يارب يقدرنى و اجيبهالك يا حبيبتى
عزيزة و حنان: يااارب
يتجه رامى نحوهم قائلا: صباح الخير يا جماعة.....فريدة هانم انا كده هتأخر. يالا عشان ألحق أوصلك
فريدة: على فكرة انا جاهزة من بدرى و انت اللى مأخرنا. يالا سلام
عزيزة: هو مافيش اى اخبار جديدة يا استاذ وليد؟
وليد بأسى: لسه يا عزيزة. طالما مبنسمعش اخبار وحشة يبقى ان شاء الله خير
حنان: ان شاء الله... احنا بنعمل اللى علينا و ربنا معانا
************
فى شركة السيوفى، داخل مكتب المهندس اياد وليد السيوفى رئيس مجلس ادارة شركة السيوفى للمقاولات و الاستشارات الهندسية، نجده يتحدث فى الهاتف الداخلى لمكتبه: استاذ امجد وصل يا بسنت ؟
بسنت السكرتيرة: لسه يا فندم
اياد: ماشى. يغلق الهاتف و يلتقط هاتفه المحمول ليجرى اتصال بامجد ولكنه لا يجيبه
اياد: ماشى يا سى زفت يعنى متأخر و كمان مبتردش 😡
يفتح الباب و يدلف امجد قائلا: سمعتك و انت بتشتم على فكرة. عايزنى افتح عليك و اغرمك و انا واقف بره ليه؟
ايادبعصبية: متأخر ليه يا استاذ؟ ولا المهندس الجديد هو اللى مش ملتزم بالمواعيد من اولها ؟
امجد: طب بس بقه و كفاية تلبيخ فيا انا و المهندسة الجديدة. ويلتفت الى ملك قائلا: سورى يا ملك بس ال boss بتاعنا مبيحبش التأخير
هنا فقط انتبه اياد لملك الواقفة خلف امجد ويلفت انتباهه جمالها و هدوءها و يشرد دقيقة ثم ينتبه فجأة قائلا بحدة: و دا اسمه ايه دا بقه ان شاء الله يا استاذ امجد ؟
امجد مصطنع الخوف: ايه ؟ فيه ايه ؟ انت بتبصلى كده ليه ؟ اوعى تكون ناوى تضرب؟
اياد: حضرتك قلتلى مهندس مش مهندسة
هنا استشاطت ملك غضبا فردت عليه هى مخرجة كل طاقتها الغاضبة بوجهه: وهى هتفرق فى ايه حضرتك ؟ كل اللى يهمك الشغل و الكفاءة مش اكتر ولا حضرتك عدو المرأة؟
هنا وقف اياد غاضبا، فمن هى لتتجرأ و تحدثه بتلك الطريقة ووقتها ايقن امجد بان عاصفة على وشك الهبوب
أنت تقرأ
جمعتنا صدفة
Romanceجمعتني بك أجمل وأروع صدفه،كنت تنتظرنى، تريد أن تحتمي بى كلما تعاظمت همومك، يوجد بداخلك رابط قوي يؤمن بوجودى، كنت علي يقين انك سترانى ثانيه اما عنى انا، فلم اكن اعلم عنك شيئا، كنت اعتقد ان احبتى تخلو عنى، الى ان جاءت صدفة اثبتت لى خطأى وسوء ظنى، واجت...
