فى مكان جديد، شركة نانو فارما للأدوية نجد السكرتيرة تدلف الى مكتب رئيسة مجلس الإدارة قائلة:
صباح الخير ياناهد هانم. الدكاترة المتقدمين للشغل موجودين برة حضرتك هتبدأى تقابليهم دلوقتى ؟
ناهد: لا حوليهم لدكتور مراد يعمل معاهم الانترفيو و ينفذ اللى قلتله عليه. عايزة ناس متخرجة جديد ينفذو الأوامرمن غير سؤال.
السكرتيرة: أوامرك يا فندم. حضرتك تؤمرى بحاجة تانية؟
.ناهد: لا اتفضلى انتى
تخرج السكرتيرة وتلتقط ناهد هاتفها لتجرى اتصالا بشخص ما
ناهد: ايه الاخبار؟
المتصل:...........
ناهد: تمام. الشحنة تروح المخزن دلوقتى وأنا هقول لكم. تجيبوها المعمل امتى
المتصل:............
فى مكتب السكرتيرة
السكرتيرة: دكتورة فريدة الالفى
فريدة: ايوه
السكرتيرة: اتفضلى يا فندم دكتور مراد منتظر حضرتك عشان الانترفيو
فريدة: شكرا
*************
اما عند ملك التى ألجمت المفاجأة لسانها وخشيت أن تكون قد طردت من الشركة قبل ان تستلم عملها
ملك بتوتر: أنا أسفة يا ياسمين. أنا والله مااقصد بس هو. اللى نرفزنى و خرجنى عن شعورى
نظر اليها ياسمين و أمجد ثم مالبثو ان انفجرو ضاحكين
ملك بضيق: ممكن افهم بتضحكو على ايه ؟
. امجد: أصله بصراحة يستاهل كل كلمة قلتيها عليه
. ياسمين: إحترم نفسك يا أمجد بدال ماأخليه يقلب عليك
امجد: لا وعلى ايه الطيب احسن. أنا اروح اشوف شغلى أكرملى أصل حاسس ان رفدى و ضياع مستقبلى هيكون. على إيدكم
وتركهم ليكملو حديثهم
ياسمين: والله يا ملك مافيش حد أحن و أطيب من إياد بس. انتى لو تعرفى اللى حصل له أول ما مسك الشغل هتعذريه
ملك بفضول: و ياترى إيه اللى حصل؟
ياسمين: بصى ياستى، إياد من ساعة مااتخرج من الجامعة و هو المسئول تماما عن الشركة ، بابا سلمه كل حاجة وقرر إنه يرتاح من تعب الشغل واللى شجعه إنه ياخد القرار دا ان إياد كان عارف كل كبيرة و صغيرة عن الشغل من وهو لسه. بيدرس
إياد أول مامسك الشغل إختار مجموعة من دفعته عشان يتدربو هنا فى الشركة ويقدرو يشتغلو كمان بعد مايخلصو فترة تدريبهم. كان من ضمنهم بنت اسمها ندى الصراحة إياد كان معجب بيها و كان وقتها الشركة مسئولة عن مشروع إسكانى و دا كان يعتبر أول شغل يكون إياد مسئول عنه مسئولية كاملة.
وقتها ندى اقترحت اسم مصنع حديد عشان يتعاملو معاه وعشان إياد كان بيثق فيها وافق من غير مناقشة. وفعلا جابو الحديد و يادوب رمو الأساس و طلعو بأول دورين وهب راح المبنى جايب بعضه و نازل عالارض ونكتشف بعدها إن الحديد غير مطابق للمواصفات وإن الأستاذة كانت بتجامل صاحب باباها على حساب الشركة وطبعا خسرنا مبلغ محترم إتدفع كتعويض دا غير سمعتنا اللى إتهزت فى السوق وقتها والحمد لله إن المبنى لما وقع مكنش فيه اى حد وإلا كانت هتبقى كارثة
ملك: ياخبر ابيض 😳 و إيه اللى حصل بعد كده ؟
ياسمين: طبعا إياد رفدها وقطع علاقته بيها نهائى و أخد من بابا شوط جامد لأنه طبعا إتضايق و إتهم إياد انه مش اد المسئولية و إنه مشغل معاه عيال و مدخل العواطف فى ..الشغل وليلة كبيرة أوى يا أوختى
ملك: بس هو مش ذنبه إن الحد اللى وثق فيه مطلعش اد الثقة دى
ياسمين: ماهو بردو وقتها بابا إتهمه انه مش اد ثقته فيه و إنه ندمان إنه سلمه الشغل و دا جرح إياد جدا
ملك: بصراحة كلام باباه كان صعب أوى عليه
ياسمين بخبث: ايه دا احنا حنينا و صعب عليكى ولا إيه !
ملك: بغض النظر عن طريقته وأسلوبه معايا، الصراحة صعب عليا. المهم كملى عمل إيه مع باباه بعدها
ياسمين: ماشى يا حنين😉. مافيش يا ستى قدر فى فترة قليلة يرجع ثقة بابا فيه بس من يومها و هو واخد قرار إنه ميشغلش معاه ستات خااااالص ولا يخلى متدربين يمسكو شغل مهم
ملك: لا بقه كده هبل ماهى صوابعك مش زى بعضها ولا كل الناس أخلاقهم واحدة
ياسمين: أيوه كده إرجع لطبيعتك يا جميل. أنا أصلا مكنتش مصدقة جو إنه صعبان عليكى والكلام الفارغ دا😀
ملك: لا والله صعب عليا بجد بس برضو معترضة على طريقة تفكيره
ياسمين: المهم إحنا خلاص بقينا أصحاب و اعملى حسابك إنك معزومة على حفلة عيد ميلاد أختى الخميس الجاى
ملك بضحك: مابلاااااش خلى الحفلة تعدى على خير بدال مانمسك فى خناق بعض و تقلب حريقة هههههههه
ياسمين: مافيش اعذااااار و بعدين متقلقيش هو نادرا مابيحضر أصلا
ملك: خلاص اتفقنا
************
وتمر الأيام بسلاسة ولا يوجد جديد سوى بعض المناوشات و الخلافات بين إياد و ملك والتى لايخلو يومهم منها إلى أن أتى يوم عيد ميلاد فريدة
فى منزل وليد السيوفى نجد حنان جالسة بغرفتها تشاهد بعض الصور و تستعيد بعض الذكريات. يقطع تدفق ذكرياتها طرقات على الباب لتدلف إليها عزيزة وتجدها باكية
عزيزة: خير يا مدام حنان. قاعدة ليه فى الأوضة لحد دلوقتى ومخرجتيش؟
حنان : كنت بشوف صور الأولاد وهما صغيرين و شفت صورة ليهم مع رقية وأحمد الله يرحمهم
عزيزة : الله يرحمهم. منها لله اللى كانت السبب
حنان : ربنا ينتقم منها. فرقت عيلة بحالها عن بعض. فريدة صعبانة عليا ودايما حزينة
عزيزة : أن شاء الله ربنا يفرحها وأختها ترجع لها
حنان : انتى لسه عندك أمل يا عزيزة بعد السنين دى كلها
عزيزة : الأمل فى ربنا كبير يا مدام حنان. مدام رقية الله يرحمها كانت بتعاملنى كأخت وبناتها هما بناتى ونفسى اشوفهم متجمعين سوا تانى و مبسوطين
احتضنتها حنان قائلة: رقية فعلا كانت بتحبك أوى . تصدقى إنى كنت بغير وبقول لها إنتى بتحسسينى أن عزيزة هى اللى أختك مش أنا . انتى بتفكرينى بيها جدا ولما بشوفك يا عزيزة بحس إن أختى لسه عايشة
عزيزة: أنا والله مكسوفة منكم يا مدام حنان وحاسة إنى تقلت عليكم وأنا قاعدة كده من غير مااشتغل أو أعمل أى حاجة
حنان : بطلى هبل يا عزيزة إنتى هنا فى بيتك واحنا أهلك وانتى عوضتينى عن رقية أختى الله يرحمها فمش عايزة أسمع منك الكلام دا تانى. وبعدين مش انتى بتقولى أن بنات رقية هما بناتك يبقى انتى هنا عشان فريدة بنت رقية. قومى بقى نجهزلها لحفلتها عشان نحاول نفرحها
***********
فى الشركة طلب إياد من بسنت إبلاغ جميع مهندسى الشركة بإجتماع عاجلفى قاعة الإجتماعات
ياسمين: استر يارب. أنا أصلا كان نفسى أخد النهاردة أجازة بس حكم القوى
ملك: جمدى قلبك كده هو إحنا بنخاف ولا إيه !!!
يقطع همساتهم كلام إياد
إياد : انا جمعتكم النهاردة عشان مشروع جديد هيكون نقلة كبيرة للشركة
أنا عايز كل مهندس يجهزلى تصميم قرية سياحية و عايز التصاميم دى تكون جاهزة خلال أسبوع وأفضل تصميم هو اللى هننفذه و المهندس اللى صممه هيكون هو المسئول عن المشروع وزى ماقلتلكم المشروع دا مهم جدا بالنسبة لينا وهتلاقو فى الفايلات اللى أدامكم المواصفات المطلوبة من المستثمرين و عايز من دلوقتى تصورات ديكورات يا ياسمين تكون جاهزة على الأسبوع الجاى
كده أنا خلصت اللى عندى و أتمنى أشوف ابداعاتكم
اتفضلو
غادرو غرفة الاجتماعات ولكنه واتته الرغبة لإستفزاز ملك و إثارة حنقها فأوقفها قائلا:
بشمهندسة ملك. استنى من فضلك
ياسمين: هسبقك أنا
أومأت لها ملك علامة الموافقة و توجهت بالحديث لإياد: أفندم حضرتك
إياد : أنا ممكن أعفى حضرتك من المشروع دا لو انتى شايفة إنه أكبر من قدراتك
وبالفعل إستطاع إياد الوصول لمبتغاه
أنت تقرأ
جمعتنا صدفة
Romanceجمعتني بك أجمل وأروع صدفه،كنت تنتظرنى، تريد أن تحتمي بى كلما تعاظمت همومك، يوجد بداخلك رابط قوي يؤمن بوجودى، كنت علي يقين انك سترانى ثانيه اما عنى انا، فلم اكن اعلم عنك شيئا، كنت اعتقد ان احبتى تخلو عنى، الى ان جاءت صدفة اثبتت لى خطأى وسوء ظنى، واجت...
