تمر الايام دون مشاكل ولا يعكر صفو حياة ابطالنا شئ
عند ملك و ياسمين
ملك: الا قوليلى يا ياسو هو احنا هنفرح بيكى انتى وامجد امتى ؟
ياسمين: ايه دا😳 انتى عرفتى منين ؟
ملك: العصفورة قالتلى 😉 قرى و اعترفى
ياسمين: اكيد امجد اللى قالك. وبعدين اصلا مافيش حاجة تستخبى احنا قاريين فاتحة بس رافضين ناخد اى خطوة رسمى قبل مااياد يفك القفل اللى على قلبه ويفتحه لصاحبة النصيب. تقدرى تقولى بنضغط عليه يا نتجوز كلنا يا نفضل كلنا
ملك: وياترى هنفرح قريب ولا لسه القفل موجود؟
ياسمين بخبث: لا متقلقيش انا حاسة اننا هنفرح كلنا قريب وانت معانا يا جميل
ملك: تقصدى ايه؟
ياسمين: مااقصدش حاجة. هو انتى مش هتفرحيلى برضه ولا ايه؟ 😉
ملك لتغيير الموضوع: طب ورامى و فريدة ؟
ياسمين: لاااا دا انتى مركزة اوى
ملك بضحك: لا الاتنين دول نظراتهم فضحاهم
ياسمين: لا دول سبب التأجيل فريدة. بصراحة موضوع خاص بيها مبتحبش حد يتكلم فيه
ملك: اوك
تقطع حديثهم بسنت طالبة من ملك التوجه الى مكتب اياد
ملك: اخبار الغزالة ايه؟
بسنت: لا متقلقيش رايقة عالاخر وفى السحاب
ملك: طيب توكلنا على الله
تطرق ملك باب مكتبه ويدعوها اياد للدخول
ملك: حضرتك طلبتنى
اياد: ايوه عايزك تجهزى نفسك عشان نسافر الغردقة عشان نشوف تطورات المشروع
ملك: امممممم طب هو انا لازم اسافر ؟
اياد: ايوه طبعا مش انتى صاحبة التصميم. انتى اخدتيها تحدى وطلعتى افضل ماعندك و المستثمرين مسكو فى تصميمك بايديهم و سنانهم وحلفو ماينفذو غيره
ملك: يعنى المشروع مطلعش اكبر من قدراتى و طلعت اد التحدى !!!!!!
اياد: بصراحة انا كنت مراهن عليكى
ملك: وياترى كسبت الرهان
اياد: طبعا بس بعد ماشفت الزعابيب كلها 😂
ملك: تستاهل عشان تبطل تستفزنى
اياد: لا بصراحة مش هبطل لان استفزازك بيطلع مواهب جامدة. خلينا بقه فى المهم احنا المفروض نكون هناك بعد بكرة وعايز باسبورك عشان الحق احجز
ملك: طب هى ياسمين هتيجى معانا؟
اياد: لا طبعا هى لسه وقت شغلها مجاش
ملك: امممممممممم
اياد: بتفكرى فى ايه هو انا بطلب المستحيل ؟
ملك: لا مش كده. بس اولا كنت حابة ياسمين تسافر معايا ثانيا ماما مش هتوافق بسهولة ولازم امهد لها الموضوع و افضل اتحايل و اهدد بمستقبلى اللى هيضيع عشان توافق ثالثا بقه و دا الاهم الباسبور بتاعى منتهى ومحتاج يتجدد فمش هينفع سفر طيران
اياد: اولا سيبك من ياسمين ثانيا بقه موضوع مامتك يتحل فى سؤال واحد " انتى حابة انك تسافرى " ؟
ملك: اكيد طبعا عايزة اشوف التصميم على ارض الواقع دا غير انى مرحتش الغردقة قبل كده وهتبقى فرصة اتفسح ويا سلام لو ياسو وفيرى يكونو معايا
اياد: حيلك حيلك حيلك احنا رايحين فى شغل مش فسحة
ملك: طيب براحة بس متزقش
اياد: ثالثا بقه ايه اللى مخليكى سايبة الباسبور من غير تجديد؟
ملك: عادى يعنى انا بقالى ٨ سنين مسافرتش و كنت مقررة انى مش هسافر تانى فحسيت ان تجديده مش ضرورى
اياد: مش ضرورى !!!!! طب اعملى حسابك هنتحرك من هنا بكرة الظهر طالما حضرتك معطلانا عن الطيران
ملك: هو انا لسه اقنعت ماما!!! و بعدين كده هنوصل بدرى يوم ليه ؟
اياد: انا مش بحب اسوق بالليل
ملك: تسوق ايه !!!!! هو انتى اللى هتسوق الطيارة ؟
اياد: طيارة ايه يا ملك اللى هسوقها انا بتكلم على العربية
ملك: ااااااه سورى طب ماانت ممكن تسافر طيران او بعربيتك زى ماتحب وانا هحصلك بالسوبرجيت
اياد: يا سلاااام دا ايه الحل العبقرى دا
ملك: نحن فى الخدمة
اياد: ملك احنا هنسافر مع بعض و بعربيتى ومش عايز نقاش. المهم انتى عليكى مهمة اقناع مامتك
ملك: اوك اسمحلى بقه امشى انا دلوقتى عشان اروح ابدأ رحلة الاقناع و المباحثات و المشاورات
اياد: اتفضلى و هستنى منك مكالمة
ملك: اوك سلام
أنت تقرأ
جمعتنا صدفة
Romanceجمعتني بك أجمل وأروع صدفه،كنت تنتظرنى، تريد أن تحتمي بى كلما تعاظمت همومك، يوجد بداخلك رابط قوي يؤمن بوجودى، كنت علي يقين انك سترانى ثانيه اما عنى انا، فلم اكن اعلم عنك شيئا، كنت اعتقد ان احبتى تخلو عنى، الى ان جاءت صدفة اثبتت لى خطأى وسوء ظنى، واجت...
