جمعتنا صدفة

الفصل الثالث

عندما وقف اياد حدثت ملك نفسها قائلة😲: انا ايه اللى عملته دا؟ هو انا صحيت الوحش ولا ايه ؟
هنا ادركت فارق القدرة الجسدية بينهم فهو طويل عريض المنكبين يمتلك جسد رياضى و للحظة ندمت على استفزازه و كادت ان تعتذر ولكن لا فهو سليط اللسان ولا يستحق اى اعتذار فهو من بدأ بالاهانة
أفاقها صوت اياد من شرودها و هو يتوجه نحوها قائلا: حضرتك معاكى حق. انا المفروض احكم على موظفينى من خلال خبرتهم بس ياترى ايه هى الخبرة اللى عندك واشتغلتى فين قبل كده ؟ ممكن اشوف ال CV بتاعك ؟
ناولته ملك ال CV وهى تستشيط غضبا😡 قائلة: متدورش حضرتك عالخبرات لانى مااشتغلتش فى اى شركة قبل كده. انا متخرجة من ٣ سنين وفى الفترة دى ركزت فى المذاكرة و الكورسات الكتير عشان وقت ماااشتغل اقدر اثبت كفاءتى و مجهودى
اياد: بس انا احب اللى يشتغلو معايا يكون عندهم خبرة
ملك: و لما انا اروح اقدم فى كل شركة و يقولو نفس الكلام الخبرة هتيجى منين حضرتك ؟ لازم حد يكون عنده استعداد يعلم الاجيال الجديدة و يعطيهم من خبرته
اياد: و حضرتك عايزانى انا اضحى و اضيع وقتى و وقت الشركة فى تعليمك
ملك بغضب: انا اصلا مقبلش اشتغل مع واحد بغرورك دا
-صدح صوت اياد مزلزلا ارجاء الغرفة وهو ينادى على بسنت التى ركضت اليه مسرعة فهى علمت انه فى اشد حالات غضبه ولن تتحمل ان يثور عليها دون ذنب لها
بسنت بتوتر: افندم يا بشمهندس اياد
اياد: جهزى عقد للبشمهندسة ووصليها على مكتب مهندسة ياسمين
امجد: ليه مكتب ياسمين؟
اياد: اخرس انت دلوقتى😡
ملك: ثانية واحدة...... هو مين قال انى موافقة اشتغل معاك ؟
اياد: امال حضرتك جاية هنا ليه ؟
ملك: مكنتش اعرف ان مديرى هيبقى بالغرور دا !
اياد: لاحظى انك تانى مرة تقوليها ا😡
امجد: خلاص يا ملك. روحى انتى مع بسنت دلوقتى و استلمى شغلك و انا جايلك
-ذهبت ملك مع بسنت تاركة امجد مع اياد ليأخذ نصيبه من غضبه
امجد بمزاح: ايه يا عم ضيعت برستيجى خالص انت
اياد بغضب: انت السبب انت اللى بتجيبه لنفسك. انت عارف انى رافض اشتغل مع مهندسات والاقيك داخل عليا بواحدة!!
امجد: ايه يابنى ماتنقى الفاظك ايه داخل عليك بواحدة دى ؟ هو انا داخل شقة مفروشة؟
اياد: امجد......عدى نهارك معايا
امجد: والله ساعات بحس انى عيل بتربينى!! يابنى احنا اصحاب و سننا من بعض متحسسنيش انى عيل تحت ايدك
اياد: حلوة سننا من بعض دى. مع ان دماغك دى دماغ عيل فى ابتدائى لسه
امجد بمزاح: ماشى يا ابيه... مقبولة منك
اياد: ابيه فى عينك👊🏻. المهم قولى تعرفها منين ؟
امجد: بنت خالتى و انت عمال تهزقنى ادامها و ضيعت برستيجى فى العيلة خااص
اياد: وبنت خالتك دى كانت فين ؟
امجد: كانت مسافرة مع خالتى و جوزها و منزلوش مصر غير وقت دخولها الجامعة وعالعموم متقلقش منها هى كفاءة و بتحب شغلها ومش بتاع هزار ولا لعب وواخدة الموضوع جد و شغلها هيعجبك جدا😉. انا عارف طبعك وعمرى ماكنت هقبل احطكم انتو الاتنين فى مشاكل قصاد بعض
اياد: اما نشوف مجايبك هتودينا فين المرة دى

-عند ملك وبسنت
بسنت: كده تمام. اتفضلى دا مكتب مهندسة ياسمين مع انى مش عارفة هو بعتك مكتبها ليه
ياسمين: سمعاكى جايبة فى سيرتى يا بوسى. مين القمر اللى معاكى دى؟
ملك: ميرسى ربنا يخليكى. انتى اللى قمر. انا ملك مهندسة جديدة معاكم فى الشركة
ياسمين باندهاش😳: نورتى يا قمر. بس هو استاذ اياد اخيرا حن عليا و جابلى مهندسة ديكور تساعدنى فى الشغل
بسنت: لالالالا انتى فاهمة غلط خااااالص. ملك معمارى مش ديكور
ياسمين: نعم!!!!! طب بعتها مكتبى ليه؟ سورى يا ملك انتى طبعا تنورينى بس احنا كده مجالنا مختلف
يتدخل اياد الواقف على باب الغرفة قائلا: اقولك انا يا استاذة ياسمين.......عشان المكتب التانى كله مهندسين رجالة واكيد مهندسة ملك مش هتاخد راحتها وسطهم فأنا شايف انه من الافضل انها تعمل شغلها من مكتبك
ياسمين: اه طبعا مافيش مانع. اللى حضرتك تشوفه
(ياسمين و اياد التعامل بينهم رسمى جدا داخل الشركة)
يوجه اياد حديثه الى بسنت: ياريت تتفضلى على مكتبك عشان لما احتاجك مفضلش ادور عليكى فى الشركة كلها
بسنت: اااااسفة يافندم
تركتهم بسنت راكضة خلف اياد
اياد: جهزتى عقدها؟
بسنت : ايوه يافندم. تحب تشوفه بنفسك؟
إياد : لا ابعتيه للشئون على طول
بسنت : حاضر يافندم

عند ملك وياسمين يدلف اليهم امجد متلفتا حوله قائلا بخوف مصطنع: الوحش مشى؟
ياسمين: اه لو يسمعك هيعلقك
امجد: مبخافش على فكرة
ملك: يارااااااجل امال مين اللى كان شبه الكتكوت المبلول ادامه! و شاطر بس تقولى دا انا مسيطر فى الشركة وكلمتى مسموعة عليه قبل الموظفين وانت طلعت بق عالفاضى
امجد: انا قلت كده😳!!!! يتقطع لسانى.....اسكتى خلى كلامنا خفيف عليه
ملك: انا مش عارفة انتو خايفين منه كده ليه دا اصلا مغرور و بارد و دمه تقيل و مش عارفة هستحمل الشغل معاه ازاى
أمجد : خلاص يا ملك
ملك : لا مش خلاص هو انا لسه قلت حاجة..... دا يتقال فيه العجايب... خد عندك (مغرور وقليل الذوق ورجولى بحت دا عدو المرأة دا ولا ايه!)
أمجد : يا دى المصيبة..... ارحمى لسانك شوية
ملك : اسكت خالص..... انت السبب..... أنا لو اعرف ان دى شخصيته مكنتش جيت معاك
أمجد : انتى مافيش فايدة فيكى...... طب خدى عندك يا ستى..... احب اعرفك على مهندسة ياسمين السيوفى اخت مهندس إياد اللى حضرتك نازلة تهزيق فيه من الصبح
خبطت ملك يدها على جبتها تلوم نفسها على تسرعها بالكلام أمام ياسمين المصدومة مما سمعته