الفصل الثاني عشر
الجـــزء الثاني
عشق الغيث
في غرفة هند وقفت تنظر لعامر بصدمه مردفه : اخوك اتچنن عاد
عامر : ايه ال حوصل واصل
هند : بيجول ان سبأ عايشه
عامر : طيب واي المشكله مفاهمش
هند : وعاوز يتچوز غرام
نظر عامر إليه بصدمه مرددا : واه واه كيف اكده وعرفتي منين عاد
هند بضيق : اخوك لسه متحدت وياي وجالي اخلي غرام ترچع عن ال في رأسها صوح بس مجاليش ايه هو ال في رأسها
اتمت جملتها وسمعوا صوت طرقات باب الغرفه فااتجهت نحو الباب لتقوم بفتحه فوجدت احدي الخادمات
هند : عاوزه ايه عاد انا مش جلت اما ابجي في اوضة عامر محدش يخبط علينا !
الخادمه وهي تنظر في الارض : اني اسفه ياهند هانم بس الهانم الصغيره چت وبتتعارك هي والست اماني ومعاها واحده شبها جوي
هند : واه واه غرام چت ميته !؟مشي جدامي
تقدمت هند خلف الخادمه وخلفهم عامر للاسفل
نظرت غرام لااماني بصدمه مردده : تقصدي ايه !؟يعني محمد السيوفي كان متجوز قبلك !!
اماني : ايوا كان متچوز وخلف هند بس امها ماتت وهي بتولدها واتچوزني عشان اربيها وارعاها وارعاه هو كمان بعديها بسنتين عرفت اني مبخلافش
انكسرت وحسيت اني عمري ماهكون ام زي بجيت الامهات وبجي بيحاول يخرجني من ال انا فيه ده لحد مافي يوم لجيته دخل بيكي عليا كنتي متبهدله واصل وخلجاتك مليانه ميه خدتيك منيه وغيرتلك خلجاتك ونيمتك وجولتله كيف لجاكي
(فلاش باك )
وقفت اماني تنظر لمحمد مردده : انت لجيتها فين دي صغيره جوي كيف اهلها هملوها اكده في الچو ده
نظر محمد إليها مردفاً : انا لجيت واحد هملها جدام الجامع ومشي معارفشي جاله جلب يهملها اكده كيف واصل
اماني : طب هنعمل ايه عاد!؟
محمد : بكره الصبح هوديها لااي چامع او اي حد يهتم بيها واصل
اماني بتوتر : طب ماتهملها اهنيه نربيها جار هند !!
محمد بتفكير : بس ……
قاطعته مردفه : عشان خاطري يامحمد!!
محمد : ماشي يااماني
(باك)
نظرت غرام إليها بحزن قائله : انا مش عارفه اشكرك علي الجميل ده ازاي بس كنتي علي الاقل قوليلي ولو مره !!
اماني : كنت فكراكي مهتعرفيش واعتبرتك زي بتي بالظبط ارچوكي متهملنيش انا بحبك جوي جوي ومهجدرش اتحمل غيابك عني
غرام وهي تقبل يدها بحنو : متقلقيش ياامي عمري ماهسيبك بس الموضوع كبر ولازم يتحطله حد
قاطعتهم بصوتها الباكي قائله : يعني انا مش بتك !؟
التفتوا لمصدر الصوت فوجدوا هند
اماني : لا بتي انا ربيتك من وانتي لسه صغيره بتي عمري ماعملتك بطريجه عفشه وحبيتكم كيف مالام بتحب بناتها
هند بحزن : ومجولتليش ليه عاد
اماني : اجولك ميته !؟بعد ماابوكي مات ازود حزنك اكتر !!
