الخاتمه
عشق الغيث
بعد مرور ثلاث سنوات كانت نائمه في فراشها عاقده حاجبيها بانزعاج من صوت صغيرها
اسر : يامامي قومي بقي يامامي تفايه نوم تده
غرام بتذمر : يووووه بقي يااسر روح اقعد مع بابا وانا خمس دقايق هخطف حلم سريع وهحصلك
دلف للداخل وهو ينظر لصغيره مرددا : سيبها يااسر ويلا بينا خليها تنام براحتها
نظر اسر ل يد والده ومن ثم ابتسم بخبث مرددا : ماسي يابابي
غرام بصوت ناعس : شاطر انت وبابي ياروحي
اقترب غياث منها بحذر ومن ثم وضع احدي مكعبات الثلج في ظهرها
انتفضت من الفراش واخذت تصرخ قائله : ياااااح يخربيتك يخربيتك حرام عليكوا ليه كدا يااااح
ضحك غياث واسر بقوه علي غرام فرددت هي بإنزعاج : علي فكره بقي مينفعش حركاتك دي النفضه دي مش حلوه عشاني وعشان بنتك ياغياث بيه
اقترب منها وجذبها ليحتضنها قائلا : انا اسف بس بقالك كتير نايمه و وحشتيني وبنحاول نصحيكي بقالك كتير ومش راضيه تصحي
اسر بطفوله : وتمان واحسه اثر يامامي
إبتسمت غرام مردفه : يخربيت لغتك البايظه ياشيخ
من ثم اكملت قائله : ربنا يخليكوا ليا يارب وميحرمنيش منكم
غياث : قومي بقي ردي علي اختك عشان هرياني اتصالات
نظرت غرام للساعه الموضوعه علي الكومود فوجدتها الثالثه عصرا فااردفت قائله : لسه بدري اووي
غياث : بدري ايه دي رايحه الكوافير كمان ساعه وكانت عوزاكي معاها بس قولتلها انك تعبانه بسبب الحمل وهتروحي علي القاعه علي طول
غرام : ليه كدا ياغياث هتزعل مني دي متخلفه ممكن تاجل الفرح كفايه مخطوبه بقالها 3سنين والواد ياعيني خلاص استحمل بما فيه الكفايه
ضحك غياث مردفا : حقيقي اختك مجنونه قال ايه لازم تتعرف عليه كويس الاول بقالهم 3سنين بيتعرفوا
غرام : بس ظافر بيحبها اووي ربنا يخليهم لبعض
غياث : يارب
في منزل عامر وقف عامر ينظر إليها بضيق مردفا : كفايه اكده
نظرت إليه هند بإندهاش مردفه : في ايه ياعامر بتغير من ولدك
عامر : كفايه عماله تبوسيه من ساعة ماچه هو اخدك مني تماما
هند : لع ياحبيب جلبي انت ال جوه جلبي ومحدش يجدر ياخد مكانتك
اقترب عامر منها وقبل رأسها مردفاً : ربنا يخليكوا ليا
كانت تقف تنظر إليهم وهي تبتسم احست بيده التي توضع علي كتفها فنظرت إليه مردفه : چيت يامحمود
محمود : اخيرا عامر فهم حبه ليها ربنا يخليهم لبعض ويهدي سرهم
اماني : ويخليك ليا
في المساء وفي احدي القاعات الكبري اقيم زفاف فاطمه وظافر واخذ الجميع يتراقصون علي نغمات الموسيقي
وفي منتصف الوقت التفت الجميع علي صوته الرجولي القائل : بصي انا استنيتك 3سنين ومستعد استناكي عمري كله كنتي صغيره بالنسبه للكل بنت 16سنه قولت انك هتفرحي اما اصارحك بحبي بس عقلك كان اكبر من سنك التفتي لمستقبلك وبقيتي احسن مهندسه ديكورات زمان قولتيلي ان ال حاسس بيه نحيتك مجرد اعجاب بس لو اعجاب مش هيدوم 3سنين كان اختفي بعد شهر او اتنين
نظرت إليه اريچ واخذت الدموع تتراقص في عيناها فااقترب منها وجلس علي ركبتيه وهو يمسك بعلبه صغيره مردفا : انا بحبك وهحبك دايما مهما كان سنك او شكلك او حتي اصلك انا بحب روحك وطيبتك تقبلي تتجوزيني !!
اردف الجميع في صوت واحد : وافققققي
هزت راسها بالايجاب مردده : موافجه
ابتسم مراد وقام بتلبيسها الخاتم ومن ثم وقف واحتضنها بقوه مردفا : بحبببببك
اريچ بدموع : وانا كمان بحبك اووي
في الجانب الاخر وقفت تنظر إليهم وتبكي فنظر إليها بضيق مردفا : بتبكي ليه عاد !
فاطمه : اصل شكلهم حلو اووي وبيحبوا بعض اووي كان نفسي في حد يحبني كدا !
ظافر بصدمه : نعم يااختي !؟
فاطمه : انت مبتحبنيش زيه طلقني …بص انا هروح مع امي وورقتي توصلي
ظافر وهو يمسح علي خصلاته بعصبيه : يارب ياررب فاااطمه اعجلي انا مناجصش چنان دلوجتي عاد
فاطمه : وبتزعقلي كمان اهئ اهئ
اقتربت غرام منها مردفه : مزعلها من دلوقتي ياظافر !
ظافر : خيتك مجنونه ياغرام عوزاني اطلجها !!
غرام بإبتسامه : بتهزر معاك دي بتحبك وماصدقت انها ……
وكزتها فاطمه لتصمت فاابتسم مردفا : واه يعني طولعتي بتحبيني عاد
فاطمه : والله ياغرام مش عارفه من غيرك كنت هعمل ايه يلا امشي جوزك بينادي عليكي
ظافر : لع احنا ال هنمشي دلوجتي اكفايه اكده
اتجه ظافر وفاطمه الي منزلهم
حملها ظافر لغرفتهم حتي دلفوا للداخل ومن ثم وضعها برفق علي الفراش ليردف قائلا : وانا كمان بحبك جوي جوي
ومن ثم اقترب منها ليقبلها ليسبحوا في عالمهم الخاص
……………………………………………………………
وتوته توته خلصت الحدوته حلوه ولاملتوته
رايكم يابنات وعايزه ريفيوهات حلوووه زي بتاعت الجزء الاول العبره من القصه بقي بلاش تحب حد اووي زي مابيقولوا حب اعمي لان ساعات كلام الناس بيبقي صح وبيبقي الشخص ده ميستاهلش حبك وبتضيع الحب الحقيقي بسبب اوهام او اعتقادات انت شايفها صح العبره التانيه بلاش الفلوس او حد بيسعي للانتقام يدمر علاقتك بااهلك والناس ال بتحبهم مش عشان الفلوس تغدر وتخون وتنسي انك اتربيت او عيشت مع الناس دي واستحملوك كتير وكانوا جمبك دايما بلاش من مشكله صغيره يدخل حد بينك وبين الطرف المتخانق معاه ويكبر المشكله ويحفزك علي الانتقام او الكره ده مش صحزلان الشخص ال شجعك ع الغلط ده عمره ماحبك ولا هيحبك حتي بلاش المظاهر تخدعنا ياريت اكون قدرت افيدكم بحاجه واسعدتكم حتي لو شويه صغننين مستنيه ريفيوهاتكم ياقمرات 😘😘❤
