الفصل الثامن
الجزء الثاني
عشق الغيث
فاطمه بإبتسامه : اه شوفتي بقي
تدخلت اريچ قائله : وانا مش خيتكم ولاايه !
ابتسمت الفتاتان واردفت غرام : لاطبعا اختنا الصغننه
قاطعهم صوت طرقات الباب قامت غرام بفتح الباب واندهشت حينما رأت مراد يحمل باقة الزهور نظرت إليه بتفحص قائله : ايه ده يامراد في ايه !؟
نظر مراد لباقة الزهور ومن ثم وضعها بيد غرام قائلا : والله مااعرف لامش انا ال جايبها انا لقيتها علي الباب وربنا
نظرت غرام لباقة الزهور بتفحص والتقطت احدي الاوراق الصغيره الموضوعه به وقرأت محتواها ومن ثم اردفت بصوت عالٍ مصدوم : غيااث !!
تقدمت فاطمه منها مردده : وهو هيجيبلك بوكيه ويسيبه بره ليه
نظر مراد إلي فاطمه وغرام بصدمه مرددا : انتي انتوا هو في ايه هنا شكل القهوه ال شربتها فيها حاجه
اخذ يحك عيناه بقوه فضحكت الفتيات بصوت عالٍ علي مراد
اردف بإنزعاج قائلا : فهموني بدل ماانتوا عمالين تضحكوا ……ظلت الفتيات علي حالها يضحكون بشده حتي تابع وهو ينظر لااريج : فهميني انتي يااجنبيه
اريج بإبتسامه : غرام تبجي خيت فاطمه الاتنين تؤام
مراد بدهشه : وده ازاي ده !؟
غرام : اهو بقي القدر
نظر مراد إلي هيئه فاطمه بتفحص ومن ثم اردف بفكاهه : بالحضن يابنت عمي
ابتعدت فاطمه عن مراد مردده وهي ترفع اصباعها في وجهه محذره : اظبط ياض ايه بالحضن دي انت تعرفني منين اصلا عشان تتكلم معايا كدا
نظر إليها بضيق مردفاً : انتي زي اختك لاوكمان انيل ايه العيله ال دماغها مش نضيفه دي ياربي
اريچ : ومن اعمالكم بجي
مراد : واحنا هنفضل نتكلم علي الباب كتير اوعوا كدا جتكم القرف
دلف مراد للداخل وجلس علي احدي المقاعد مرددا وهو يخرج احدي العلب الصغيره من جيب بنطاله : غرام الدوا ده غياث لازم ياخد منه لمده اسبوع عشان يكسر كل السموم وكميه المخدر ال دخلت في جسمه
التقطت غرام العلبه من مراد قائله : وده ياخده ازاي
مراد بجديه : في اي عصير او اي اكل بس اول يومين من مفعوله هيعمل حاجات مش متوقعه غير العصبيه ال هتفوق الحدود وشعوره بالتعب والتوتر ده كله هياخد معاه يومين بالظبط او تلاته بس بعدها هيبقي كويس
غرام بتوتر : ماشي يامراد شكرا
قاطعتها فاطمه مردده : ايه هو ال ماشي يامراد شكرا انتي هتعملي ده ازاي اصلا وانتي هتتجوزي واحد غيره وغير ده كله مهتميه ليه !؟
غرام بعصبيه : فاطمه اسسسكتي
مراد بضيق : هتفهميني ولاافهم بطريقتي !؟
قاطعهم صوت رنين هاتف اريچ فااتجهت لتلتقطه وانزعجت عندما وجدت المتصل غياث
غرام : مين يااريچ
