غرام اهل الصعيد

البارت الرابع عشر

البارت الرابع عشر من *غرام اهل الصعيد*
بقلمي/هدى سمير
*****************************************

ربت محمد على ارجل ابن اخيه بحب قائلاً :-
-حمدلله على السلام ياولدي
-الله يسلمك ياعمي . . عامل ايه
-انا زي الفل متجلجش واصل
-ربنا يديك الصحه كمان وكمان
-تسلم ياولدي
هتفت فريده بعبوس مصطنع:-
-ايه ياعمو هو انا شفاف ما انا كمان لسه جايه زي جابر وسولي
ابتسم لها فاتحاً ذراعه الثاني قائلاً:-
-تعالي ياجلب عمك چاري اهني
هزت سلمى رأسها بإعتراض قائله لوالدها بعبوس مصطنع:-
-على فكره المفروض تحضني انا بدراعاتك الاتنين عشان انا اللي كنت مسافره مش هى
- وانا اللي لسه وخداكي حضن مطارات دلوقتي
-طب يلا همي انتي وهى مفيش احضان عشان هغير تيابي
ظلوا يتحدثون كثيراً حتى قاطعهم دلوف رأفت الذي لم يلاحظه احد هم بالدلوف الي غرفته مباشرهً لكن هيهات فقد رأته فريده وهو يتسلل حتى لا يرى احد هتفت بصوت عال عندما لاحظت وجه ذهبت اليه متسأله:-
-رأفت مال وشك في ايه
التفت الجميع بأتجاهه عقب انتهاء جمله فريده فهرول اليه الجميع احتضنته امه قائله بهلع:-
-ياحبيبي مين عمل في وشك كدا انت كويس
اومأ لها بإجاب مهدئاً لها  وبداخله يتوعد ل عبدالرحمن هتف وهو يربت على ظهر والدته:-
-انا كويس ياامي كنت بهزر انا وصُحابي واتخبطت
قالت سلمى بضحكه فلتت فاشله في كبتها قائله بنبره ذات مغزى :-
-صحاب مين دي اللي تعمل في وشك كدا هو حد يهزر في الوش بالشكل دا
نظر لها محذراً :-
-اهدي يا بوتاجاز مش كدا
رتبت خالته على كتفه قائله:-
-تعالي اقعد ياحبيبي عقبال ما اجيبلك تلجه تحطها على وشك
جلس بجانب جابر المتابع حديثه بصمت :-
-مش تسلم عليا يابو نسب وتقولي الف مليون سلامه عليك
-مين علم عليك اجده
قال بغيظ وهو يتحسس مكان اللكمه:-
-عبدالرحمن بس مش هسيبه هيروح مني فين دا النادي جنينه وچيم
خرج والده بعدما ابدل ملابسه فقال بخشونه عندما شاهد وجهه:-
-مال وشك يارأفت ياولدي اتعاركت مع حد اياك؟
وقف متجهاً اليه مقبلاً يده:-
-لا ياحج كنت بهزر انا وصاحبي
ظلوا هكذا حتى قاطعهم صوت الباب فذهب رأفت حتى يرى من الزئر فوجدها خالته وابنتها فأحتضنها قائلاً:-
-فوفا عامله ايه
-كويسه ياقلب فوفا انت ااا ايه دا مال وشك يارأفت
-هو اتدمر اوي كدا ماشي ان ما وريتك وشي الجميل باظ خلاص
نظرت له ليلى قائله:-
-هو مين
رد عليها بغيظ قائلاً:-
-مالكيش دعوه ياختي وخشي يلا
دلفت وفاء ولبنتها وبعد السلامات من الجميع عليها هى وابنتها جلسوا فقال مهران لها:-
-اومال هشام فين ياحچه مجاش اياك
-مش عارفه ياحج والله
ثم وجهت حديثها على فريده الذي ظهر الحزن عليها بعدما جئت سيرته:-
-اومال هشام فين يا ديدا
-في الشغل يافوفا لو خلص بدري هيجي
نظر جابر فجأه تجاه رأفت عندما قال بخفوت دون ان يسمعه احد غير واعياً بجابر الجالس جانبه
-شغل ايه مااحنا خلصنا شغل من بدري مش هتبطل عط بقى يلا يا هشام !
قال محمد وهو يهم بالنهوض:-
-طب يلا عشان نتعشي سوى
ثم وجه حديثه الي وفاء وابنتها:-
-هتجعدوا انهارده امعانا ياام هشام
-مش هينفع مش عامله حسابي ياحج هشام ممكن يعدي علينا انهارده وكمان ليلى مش عامله حسابها
نفت سلمى هاتفه بإصرار :-
-لا هتابتوا معانا يا فوفاا انتي بقالك قد ايه مجتيش هنا من يوم فرح جابر وسلمى