غرام اهل الصعيد

البارت الثالث عشر

البارت الثالت عشر من *غرام اهل الصعيد*
بقلمي/هدي سمير
*****************************************

ظلو منتظرين مجيئ محمد ومهران حتى قارب موعد عودتتهم فأستأذن جابر وسلمى حتى يبدلوا ملابسهم في شقتهم قبل مجيئهم
فقال وهو يهم بالنهوض موجهاً حديثه لـ سلمى وهو يسحبها من يدها برفق:-
-يلا عشان نرچعوا جبل عمي وابوي ما يچوا
-يلا فين
-هنطلع شجتنا هنروح فين يعني ؟ يلا
سحبت يدها من يده نافيه وهي تصر على المكوث معهم :-
-لا روح انت وانا هستنى هقعد استنى بابا وهدخل اغير في اوضتي القديمه
هز رأسه نافياً وهو يشدد على يدها مره اخرى :-
-لا يلا همي عشان ترتاحي شوي لسه رچلك مبجتش زينه !
-روحي يا سولي مع جابر غيروا هدومكم وتعالوا يا حبيبتي بابا شويه وجاي
وقفت على مضض ذاهبه معه قائله بضيق :-
-حاضر يلا
ذهبوا من امامهم فقالت رقيه بسعاده لرؤيه الحب بعين ابن اختها لابنتها :-
-ربنا يسعدهم انا حاسه ان سلمى ابتدت تميل له شويه اهو
-يارب يا رقيه يارب ..جابر وشه بقى منور وحلو كدا فرحت لما شوفته اوي قلبي ارتاح
ظلوا يثرثرون بعض الوقت ولم ينتبهوا لتلك المتابعه حديثهم بحزن فكم تمنت من الله ان يرزقها بزوج مثل اخيها في عشقه لزوجته !
فاقت فريده من شرودها على صوت خالتها:-
-مالك يا ديدا بتفكري في ايه من ساعه ما جيتي
هزت رأسها بنفي قائله بمرح حتى تخفي حزنها عنهم:-
-ماليش..بس بفكر اروح اعمل كيك واجرب حظي اهو جابر هنا وهو اللي بياكل اي حاجه بعملها
هزت رقيه رأسها محذره :-
-لا لا روحي جربي في رأفت ماشي بس جابر لا دا لسه عريس حرام عليكي
وقفتب بحماس متسأله :-
-ايوه هو رأفت اللي هينصفني هو فين يا خالتو ها فين
-هتلاقي في الشركه
-بجد نزل الشركه مش مصدقه لا
-ونا مكنتش مصدقه زيك كدا لحد ما لاقيته طالع لايف على الفيسبوك هو وعبدالرحمن وهشام  من مكتبه بيلبعوا البتاعه بتاعت الترابيزه دي !
-اه اذا كان كدا اصدق مصدقش ليه

******

دلف عبدالرحمن النادي باحثاً عن بنات شقيقته فوجد شمس لم تنتهى بعد من تمرينها ورغد جالسه تقرأ احدي الكتب بهدوء فذهب اليها قائلاً وهو يجلس امامها:-
-بتقري في ايه يا مثقفه
قالت بأهتمام دون ان تنظر له:-
-تعالي اقعد يابودي
-منا قعدت اقعد فين تاني على راسك
-ماشي مقبوله منك . . اومال فين ليلى
-زمانها جايه ..وبعدين انتي مالك يا بايخه بتسألي ليه
-انا حُره صاحبتي واسأل عنها براحتك
-هى ولا صاحبتك ولا تعرفك اصلاً ثم ان انتي مش هتقعدي معانا اصلاً هسرحك انتي واختك بعيد عننا
-لا هقعد
-لا مش هتقعدي
-هقعد
-مش هتقعدي
-هقعد
-مش هتقعدي ويلا بقى قومي من وشي بدل ما ارشق الكتاب دا في عينك
قاطعهم صوته الساخر بعدما كان يتابع حوارهما من بدايه الحديث:-
-انتو بتزعقه لبعض ليه كدا ياولاد مش عيب كدا
التفت عبدالرحمن ورغد ليروا من المتطفل هذا فوجده رأفت ينظر لها بخبث فقال عبدالرحمن على الفور وهو يقوم من مجلسه :-
-اهلاً اهلاً يا تولتميت اهلاَ وسهلاً رأفت بيه بنفسه هناا في النادي لا اكيد انهارده يوم مش عادي نورتنا نورك غطى على نور الفلاش بتاع الموبايل نفسه
نظر رأفت له بأستغراب قائلاً بريبه:-
-ايه يا بودي مالك انت عيان؟
-اه ركبي سايبه تعالي امسكها بسرعه
-طبعاً انا لو حلفتلك اني مش فاضي اهرش مش هتصدقني
قال عبدالرحمن بغيظ وقد تناسى وجود رغد :-
-انا اتساب في الشارع من 10 ل3 العصر في الشارع مستنيك وفي الاخر تقولي سوري نسيت اني هقابلك النهارده اكني صاحبتك
-خلي قلبك كبير زي طولك مش كدا
-دا انا قلبي مفيش اطيب ولا احن منه حتى تعالى شوف
هز رأسه ب قائلاً بغباء:-
-اجي اشوف ايه
-قلبي يا حبيب قلبي
انهي جملته بلكمه قويه في منتصف وجه
-اه يابن ال*** مش هسيبك يا عبدالرحمن استناني ادام النادي بعد نص ساعه
-اشمعنا نص ساعه؟
-اكون حطيت تلجه عليها الله يسامحك يا شيخ انا اتسرعت اني اتصاحبت عليك جابر زمانه رجع من السفر هيحفل عليا لو شاف ايدك معالمه عليا كدا
نطقت رغد بفرح بعدما كانت تضحك عليهم:-
-ايه دا جابر رجع يعني سلمى رجعت هى كمان
ثم اكملت ل رأفت:-
-رأفت بلير خدني معاك
نظر لها عبدالرحمن ورأفت الذين لاحظوا وجودها الان
-ياخدك معاه فين هو رايح جنينه الحيوانات وبعدين انتي لسه قاعده ليه روحي للهبله اللي جوا دي ناديها هي نامت ولا ايه