اصدقاء ولكن ..
الفصل العاشر ..
في غرفه يارا :
اسماء: اتكلمي عن نفسك شويه ..
يارا : امممم بصي ي ستي انا إسمي يارا مصطفى الجارحي عندي ٢٣ سنه اخر سنه ليا ف الجامعه..كنت عايشه ف لبنان مع خالي و أولاده ومراته وجدو ورودينا ودول كل حيااااتي اصلا.. وبس كدا ..
عمر: عرفتي ازاي انك موهوبه ف الغناء؟!
يارا : كنت وانا صغيره بحب اغني جداا وصوتي حلو ..ولما كانت العيله بتتجمع كنت بغني ..وكنت بغني وانا ف المدرسه..
عمر بستغراب : سؤال رودينا متجوزه مصري ازاي ؟!
يارا : لما رودينا دخلت الجامعه كانت عايزه تدخل الجامعه هنا ف مصر ..كنت بتنزل هي وجدو بس وانا كنت بفضل هناك ف لبنان علشان مدرستي وكانوا بيجوا ف الاجازه ..وقتها رودينا اتعرفت ع أيمن واتجوزوا .. ولما انا خلصت الثانويه دخلت الجامعه هنا ف مصر برضو ..
ياسين: بس انتي بتتكلمي مصري ليه مش بتتكلمي لبناني..
يارا : لاني بحب اتكلم مصري جداا وكنت وانا صغيره يتكلم مصري برضو عادي يعني..
جمانه: كان عندك صحاب هناك ؟!
يارا : لا مكنش عندي ..
جمانه بستغراب: بجججد؟! امال كنتي بتروح المدرسه لوحدك وبتعملي كل حاجه لوحدك من غير صحاب؟!
يارا بضحك: اهددي بس هاجاوبك ..مراد ابن خالو نفس سني وهو كان صاحبي واخويا ومعاه كل اسراري ..كنا بنروح المدرسه سوا ونرجع سوا وبنعمل كل حاااجه سوا ..وع فكره احنا لحد دلوقتي كدا رغم أنه ف جامعه ف لبنان بس لسه بنتكلم ..ولما بكون مضايقه بروح اتكلم معاه وهو كذالك ..حتي المصايب بنعملها سوا وعلي فكرة هو بيحب يغني زيي ..
عمر : حاجه حلوه اوي ..
يارا بابتسامة هادئة: اها جدااا.. ما شاء الله الكل نازل اسئله اي دا
جمانه: مش هاتخلصي النهارده ، احنا عايزين نعرف عنك كل حاجه
اسماء :طب ننزل نتعشي الأول وبعدها نكمل كلام ؟!
يارا : لا انا مش جعانه اكل ..انا جعانه نوووم ..
اسماء: يلا ي شباب نسيب يارا ترتاح..
..........................
_ ياتري هي بتحبه ؟! هي بتتكلم معاه وبتقول دا كل حياتي ؟! يبقي هي بتحبه ؟! انا مالي ومالها اصلا ؟! هو انا بفكر ف كلامها ليه ؟! هو اي اللي بيحصل دا اصلا ؟! رغم أن لسانك طويل وعنديه بس طلعتي طيبه اوي ي يارا !! ياااربييي انا اي اللي بقول دا ؟! نااام ي ياسين نااام ي حبيبي الله يهديك !!
هكذا حدث ياسين نفسه قبل أن يخلد الي النوم ..
........................
ف صباح اليوم التالي..
تجمع الجميع ف غرفه الطعام ماعدا يارا ..
منصور : امال فين يارا ؟!
فريده بتهكم : والله المفروض أن الهانم تكون عارفه النظام هنا ..
لم يرد منصور عليها وأنها أكتفي بالنظر إليها بغضب..
جمانه: انا صحيتها ي اونكل وهي نازله ..
نظرت شرين الي ابنتها بغضب..ثم توعدت لها بعقاب شديد لأنها تكلمت مع يارا !!
يارا بابتسامة مشرقة:صباح الفل ..
منصور :كل دا تأخير ي يارا ..
يارا : أسفه ي اونكل بس صحيت متأخر..
منصور : طب يلا افطري..
بحثت يارا عن جدها ولكنها لم تجده ..
يارا بستغراب: امال فين جدو ؟!
منصور : مشي الصبح بدري عند رودينا علشان أيمن مسافر..
يارا بتفهم: اهااا .. ثم نظرت إلي ياسين : ياسين ممكن توصلني معاك الجامعه علشان عربيتي مش معايا ..
ياسين: اكييد ي يارا..
فريده: ليه حد قالك اني ابني السواق بتاع حضرتك..
ياسين: عادي ي امي كدا كدا احنا نفس الجامعه
..........................
انتهي الجميع من تناول الطعام وذهبت يارا مع ياسين الي الجامعه وذهب عمر ومنصور الي الشركه الخاصة بعائله الجارحي .....
التفتت شرين الي ابنتها بغضب: انتي مالك ومال يارا ي جمانه..
جمانه مدافعه: ي مامي يارا طلعت طيبه اوييي بجد
شرين مقاطعة بغضب: يارا يارا يارا ، البيت كله بيتكلم عن يارا ، هي لحقت تاخدك مننا ..
جمانه: مامي بليز افهميني يارا بجد طيبه ومش ف نيتها اي حاجه ..
شرين: جمانه انا مش هاكرر كلامي مرتين ..مالكيش دعوه ب يارا تااني
ثم تركتها وصعدت الي الاعلي..بكت جمانه ع معامله والدتها لها : مش كفايه اللي بابا سابني زمان ..جايه دلوقتي ي مامي تزعقي ليا كدا ..بس انا اسفه ي مامي انا حبيت يارا وحسيت انها صاحبه بجد..انا مش هقدر ابعد عنها.. اتصلت جمانه ب عمر
عمر : اي ي جوجو..
جمانه: انا مخنوقه اوي ي عمر وعايزه اشوفك دلوقتي..
.....................
إحنا مش محتاجين حد يحبنا،احنا محتاجين اللي يحس بينا، إحنا محتاجين اللي يفهمنا فعلا زي م إحنا ..
بقينا محتاجين إللي يصدق ضعفنا وقلقنا وخوفنا من الايام ، اللي يقدر يحتوينا برغم العيوب إللي جوانا،يلتمس لشعورنا الف عذر ..خلاص بقينا مش بنصدق اي كلام حب ، كرهنا اي انفعال كداب ، إحنا محتاجين فعلا "انسان" بمعني كلمه"انسان"..
تكون الرحمه أسلوبه والاحتواء منهجه والإحساس جيناته الوراثية..صدق اللي قال شبعنا كلام لحد ما اتروينا، مابقاش من الصعب فعلا انك تلاقي اللي يحبك ..لكن من الصعب تلاقي اللي يحس بيك ..يخاف عليك بجد ويعمل ليك الف حساب..
اللي يثبت لك فعلا انك كل همه،وشأنك هو شأنه ،ودقيقه غياب منك تساوي الف سنه عنده ، انت مش محتاج نسخه منك ف الطيبه ولا الحنيه..انت محتاج الروح اللي تجمل ف عينيك الحياة ، الروح اللي تشدك للسعاده..
من الاخر انت محتاج الروح اللي تحس بادق تفاصيل تعبك ف عز ضحكتك العاليه ومرحك الكداب وتظاهرك بالامبالاة ..
#الكاتبة الصغيرة✍🏻♥🌻
.................................
بقلم: روان محمد 💜🌼
#الكاتبة الصغيرة✍🏻♥🌻
...............................
أنت تقرأ
اصدقاء ولكن..
Roman d'amourإهداء.. "إلي أبي وأمي..مدينٌ لكما بأكثر من حياةٍ وروح .. إلي أولئك الذين وقفوا بجانبي إلي أن انتقلت حروفي من شاشه الهاتف إلي أوراق هذا الكتاب.. كل كلمات الشكر لن تكفيكم حقكم.. إلي أحق الناس بالتهنئة"روان محمد" هنيأ لكِ بتحقيق حلمك الصغير
