اصدقاء ولكن..
الفصل الثاني عشر..
وصل كلا من يارا وياسين و عمر وجمانه ف نفس اللحظة..
جمانه: ازيك ي يارا .. ازيك ي ياسين
يارا : الحمد لله ي جوجو .. عامله اي
ياسين: اهلا جمانه ..
دخل الجميع إلي الفيلا .. وفجأة صرخت يارا : جييييييمييييييي ؟!
نظر ياسين الي ما تنظر إليه يارا ثم قال بصدمه : دا كلب !!
سمع جيمي صوتها فجري نحوها ..جلست يارا ع ركبتيها : وحشتني جداااا ي بطلي ..
**جيمي كلب يارا المفضل**
أحمد موجها كلامه ل منصور: مش قولتلك يارا هاتفرح ..
منصور بدهشة: مكنتش متخيل انها هاتعمل كدا نهااائى ..
أحمد بضحك: لا يارا بتعشق جيمي جداا ..دي هديه كريم ليها "ابن خالها اخو مراد الكبير"😂😂..
جمانه بخوف : يارا انا بخاف من الكلاب ..
يارا : لا ماتخافيش مش بيعمل اي حاجه..استني، جيمي سلم ع ياسين ..وشاورت عليه ..
وقف جيمي علي رجليه الخلفيه ورفع يده كأنه انسان يسلم ..سلم ياسين ع جيمي وهو يضع يده ع راس جيمي..
ياسين موجها كلامه إلي يارا: انتي بتحبي الكلاب؟!
يارا بفرحه: جداا جداا .. جيمي سلم ع جمانه..
جمانه بفزع: لاااا عمرر الحقني..يارا علشان خاطري لا والله بخاف منهم
يارا: اهدي ي جوجو..والله كيوت ومش بيعمل حاجه ..
عمر بهدوء: تعال ي جيمي ..
فريده بغضب: كلااااب ف بيتي لااا ... لحد كدا وكفايه اوييي ي بنت حنان ..
يارا : ليه بس ي فريده هاانم هو جيمي عمل ليكي حاجه؟! ..وكمان لما تقوليلي ي بنت حنان هو دا يزعل لا ابسلوتلي ع فكرا دا حاجه حلوه جداا..دا انا بحس بفخر اني بنتها ..جميييمييي يلا بينا ..عن اذنكوا ي جماعه..
عمر: مامتك نفسها تولع ف يارا ..
ياسين: لا هي هاتولع فيها دلوقتي..
عمر : باين كدا ..يلا ي جمانه نروح عند يارا .. تيجي معانا ي ياسين..
ياسين: اه يلا ..
صعد الجميع الي الاعلي وتركوا فريده غاضبه..
..........................
يارا: جمانه هو فين باباكي؟! انا عمري ما شوفته..
جمانه بحزن : بابا ؟! بابا طلق ماما وانا عندي سنتين ..وعمره ما سال عليا .. نظرت إلي عمر واكملت: بس عرفت أنه هايتجوز قريب ..
يارا : انا اسفه جدا ي جمانه مكنتش اعرف ..
عمر: عادي ي يارا .. انتي دلوقتي واحده مننا ف المفروض تكوني عارفه ..
يارا : هو انتو مخطوبين !!؟
عمر: مين ؟!
يارا : انت وجمانه..
جمانه بضحك: لا ههههههههه احنا اخوات ف الرضاعه ..
يارا : بججججد ؟!!
عمر:اه والله جمانه اختي ف الرضاعه..
يارا بصوت منخفض: هو ياسين ساكت ليه..
ياسين: سمعت ع فكرا..انا ساكت علشان انتي بتسالي وهما بيجاوبوا ف مش عارف اقول اي ..
يارا بحرج: اها اوك ..
ياسين: ياراا قومي ذاكري .. بكرا هانروح النادي ومافيش وقت تذاكري.. يلا ي عمر يلا ي جمانه..
يارا : حاضر..
ياسين: انا هاخد جيمي معايا ف الجنينه..
يارا : اممم تمام ..
.......................
منصور بغضب:انا قولت اي ي فريده.. ولاد اخويا لا ..
فريده: دا بيتي وانا مش عايزه ف بيتي كلام ..
منصور : مش بيتك دا بيتها .. ومالكيش دعوه ب يارا ي فريده ..
فريده: يارا يارا ياراا ..هي يارا عملت ليك و ل ابنك وعمر وحتي جمانه سحر..
منصور: دا مش سحر ..يارا قدرت تكسب الكل ي فريده..يارا مش طمعانه ف الفلوس زيك ..
فريده: قصدك اي بالكلام دا ؟!
منصور : تصبحي ع خير ي فريده..
.........................
رودينا: هي ليه بتعامل يارا كدا ي جدو ...
أحمد: لان فريده مش بتحب مامتك ي رودينا..
رودينا بستغراب: ليه مش بتحب ماما ..هي ماما عملت ليها حاجه زمان ؟!
أحمد: لا كان نفسها مصطفى يتجوزها هي بس مصطفى رفض وقال مش هاتجوز غير اللي هاحبها..سافر مصطفى لبنان علشان يعمل اتفاقية مع الشركه بتاعتنا وقتها أتعامل مع مامتك لأنها كانت شغاله ف الشركه معايا ..حبها جداا واتجوزوا وفريده اتجوزت عنك منصور ومن وقتها فاكره مامتك اتجوزت مصطفي علشان تاخد فلوس ..
رودينا: علشان كدا هي بتكرهنا ..
أحمد: بالظبط .. رودينا عقلي يارا وقوليها تبطل الأسلوب دا مع فريده..
رودينا: بس يارا بتتعامل معاها صح..لازم فريده تقف عند حدها ..دي بتهين ماما قدامنا..
أحمد: وتدافع بأسلوب حلو ..
رودينا: حاضر ي جدو..
............................
بعد مرور العديد من الساعات...
يارا: اونكل هو فين ياسين؟!
منصور: برا ف الجنينه.. فين حاجه ولا اي؟!
يارا :ايوا ف حاجه مش فاهماها ..
منصور: ربنا معاكي ي بنتي..
خرجت يارا الي الحديقه..لتجد ياسين جالس ع العشب وينظر الي السماء تاره ويكتب ف الأوراق تاره ..
ياسين: تعالي ي يارا..
يارا: عرفت منين اني موجوده..
ياسين: حسيت..
يارا :اهااا.. بتكتب ؟! انا عايزه اقرأ..
ياسين:تعالي اقعدي اشوف عايزه اي واكمل واقراي برحتك..
يارا : اممممم تمام ...بص انا مش فاهمه الجزئية دي ..
ياسين: دي سهله.. مش هتاخد وقت ف الشرح ..
يارا : طب يلا اشرح 😂😂 ..
بعد الانتهاء من الشرح: فهمتي ؟!
يارا بتفكير: اممممم اه فهمت ..
ياسين: طب حلي دول .. لغايه م أخلص كتابه وأشوف عملتي أي ..
ياراا: تمام جداا
بعد مده قصيره..
ياسين: خلصتي؟!
يارا: اه خلصت
نظر ياسين الي ما عملته يارا : كله صح شاطره..
يارا بمرح:طبعااا انا طول عمري شاطره اصلا 😂😂.. انا عايزه اقرأ بقي..
ياسين: اتفضلي ي ستي إقراي..
_احنا عندنا حاجات كتير مش عارفين نقولها لحد..ف بنفضل ساكتين..مبنعرفش نعبر غير بالكلام الملغبط..وحركات الايدين الغربية ، والسرحان، ومبنعرفش نبدا كلام منين اصلا..جوانا دوشه اكبر من اننا نشرحها ..وتركمات وكلاكيع وضغوط نفسيه مخليانا طول الوقت مش عارفين ننبسط..حرفيا كل حاجه ناقصها حاجه ومافيش حاجه حلوه بتكمل .. إحنا بنعاني من تغيرات الجو والاغاني والصحاب والشتا والبرفانات.. إحنا إللي مش عارفين ننبسط وبرضو مش عايزين نفضل مضايقيين..
#الكاتبة الصغيرة ✍🏻♥
_صدقني ي دكتور انا مش مريض أو تعبان..گل الفگره اني مبقتش بآمن حد ع ضعفي..بحس إن كلهم واحد .. كله عايزني فتره ف حيااته.. مافيش حاجه بتكمل بنفس شغف البداية..كله بيتحول مع الوقت لمجرد روتين .. وبعدين يروحوا زي الكلاب بيشوفوا حد جديد ويسيبوني لوحدي تاني ..مبقتش احس بفرحه لما حد جديد يدخل حياتي علشان عارفه أن محدش هايكمل للآخر ..بطوي روحي جوايا وبيقولوا عليا انطوائي ومقعد ..تعرف ي دكتور انا كنت فاكره أن الناس كلها طيبةة زي ..سلام 🙃✋
#الكاتبه الصغيره✍💜
يارا :حلوين اويييييي ي ياسين بجد..
ياسين:عجبك ؟!
يارا: جداا جداا بجد..بص لما تكتب تاني قولي ..اتفقنا..
ياسين: اتفقنا..
يارا:انت بتعمل اي ف النادي بقي ؟!
ياسين: بحب أجري ف الترك جداا والعب الكره الطايره..
يارا: تعرف اني بحبهم جداا..
ياسين: كويس نلعب سوا بكرا..
يارا:ياسين انت كتبت نوفيلا أو روايه ؟!
ياسين: بكتب نوفيلا بس ..
يارا: انا عايزه اقرأ
كان هناك من يتابع الموقف بحزن واخر يتابع بغضب !!
...............................
بقلم: روان محمد 💜🌼
#الكاتبةة_الصغيرةة💛🍃
#كاتبه_مبتدئه💖💮
أنت تقرأ
اصدقاء ولكن..
عاطفيةإهداء.. "إلي أبي وأمي..مدينٌ لكما بأكثر من حياةٍ وروح .. إلي أولئك الذين وقفوا بجانبي إلي أن انتقلت حروفي من شاشه الهاتف إلي أوراق هذا الكتاب.. كل كلمات الشكر لن تكفيكم حقكم.. إلي أحق الناس بالتهنئة"روان محمد" هنيأ لكِ بتحقيق حلمك الصغير
