تحت اجنحة الظلم

9 اصبحت اماً

أنـا ..💜
في صف الأمل
مهما ثَقُل الحِمل
وجَف الطريق ..

ثاني يوم.. 🍂

رفل

كمت ثاني يوم الغرفة حلوة وباردة.. وبس الضوة الاحمر مشتغل.. جيلان.. ااه جيلان وينها

.. خفت كلش عليها.. لكيتها نايمة بالسرير مالتها.. درت وجهي شفت سالم نايم بملابس الشغل.. خطية تعبان..

.. اخذت شاور سريع ونزلت جوة.. شفت خالة

ام سالم : هلا ببنيتي تعاي يمه صبيلج جاي وتعاي كعدي يمي

رفل : صباح الخير خاله

ام سالم : صباح النور بنيتي تعاي كعدي بصفي خل اسولفلج

.. جبت جاي وكعدت يم خاله اشكد محبوبة وسوالفها تجنن..

ام سالم : بنتي اريد اكولج شغلة تدرين ابو سالم يدري ابوج يعذبج ويضربج

رفل : 😣

ام سالم : اي يابنيتي لذالك اني وابو سالم كلنه مستحيل انبقيج يم ابوج وندري ابوج يموت على الفلوس لذالك قررنه ننطي الفلوس يلي يريدها ونخلصج من العذاب

رفل :😢 مااوفيكم حقكم شماسويت شكرا خالة

ام سالم : بنتي لاشكر ولا ابد انتي بعد بنيتي اريدج اتصيرين قوية وتكسبين كلب ابني وتطلعينه من يلي هو بي تره سالم كلش طيب عكس يلي يظهرة للناس

رفل : ان شاء الله خاله

ام سالم : اليوم بنتي الثانية يلي بالخارج راح ترجع هي عمرها ١٩ سنة

رفل : صدك اشكم بنية عندج

ام سالم : ثنين وحدة متزوجة بالعراق والثانية مخطوبة بس تدرس بلندن

رفل : يلا راح اسوي ريوك لسالم وبعدها اسوي الغدة علمود من ترجع ترتاح

ام سالم : يم فدوة لبنيتي..

رفل

حضرت صينية صغيرة.. وخليت بيها كلاصين جاي وجبن وبيض وطماطة.. ورحت للغرفة

.. شفت سالم جاي يعضعض بخدود جيلان ورافعها للسما وهي تضحك وفرحانه.. بس شافتني كامت اتكمز وتريد تجي بحظني..

رفل : صباح الخير

سالم : هلا صباح النور

رفل : تعال اتريك وانطيني جيلان

سالم : اي رحمه الله والديج ميت جوع

رفل : ههه بالعافية

" كعدنه ناكل كلنه.. وفرحانين "

سالم : حظريلي الحمام عفية مستعجل عندي اجتماع مهم

رفل : تمام

.. رحت حضرتله الحمام وبعدين كويتله ملابس مرتبة.. وهو سبح وطلع.. بدل بسرعة وراح..

.. نزلنه اني وجيلان.. خليت جيلان يم خالة ورحت سويت الغدة..