تحت اجنحة الظلم

3 ربماُ صداقة

علمتني الحياة أن أبكي وحيدا لكي ﻻ أسبب الحزن لمن حولي وأن أسجل شكواي على أوراقي وأحتفظ بها لنفسي ..💔

رفل

مرت الايام... والاسابيع.. وصارو علي وسوزان من اقرب الناس اليه..يوميه نجتمع سويه.. غيروا من حياتي هواية.. بعدوني عن الوحدة والانعزال.. وصاروا اعز اصدقائي..

.. مرت 3 سنوات صار عمري 16 سنة وهم نفس العذاب والتعب ويومية انضرب بأشد انواع الضرب بابا مترك ضربة اليه..

.. وبين فترة وفترة انضرب من قبل بابا وزينب لحدما افقد وعيي لدرجة نزل وزني كلش واحس بس بقة بيه بس العظام تعبت نفسيتي كلش.. بس من اكون وية سوزان وعلي كلش افرح..

.. وبكل مرة انضرب مصطفى يوكف ويايه .. مصطفى وسامر صار عمرهم 14 سنة صاروا صف ثاني متوسط ...

علي
مرت 3 سنوات صار عمري 19 سنة دخلت جامعة مرحلة اولى كلية ادارة واقتصاد..

.. اني احس نفسي كلش منعجب وانجذب لرفل حركاتها طفوليتها بريئة كلش..

.. هذيج اللقطة مراحت من بالي من شلتها لحد اليوم بالرغم هواي بنات يجون ويردون ارتبط بيهن بالجامعة بس اني ضلت رفل ابالي ماادري هالشي حب لو شنو ضليت استغل الفرصة واروح لبيتهم علمود اشوفها واسولف وياها واسمع صوتها صرنه اصدقاء مقربين وخليت سوزان هم تقترب منها...

سوزان : دك دك ( صوت الباب )

رفل : اتفضل منو

سوزان : لج اني رفوله فتحي الباب

رفل : هلاو سوزان اتفضلي دخلي

سوزان : شلونج شخبارج

رفل : الحمد لله

سوزان : تعاي لبيتنه نكعد نسولف

رفل : ماادري اخاف خالة متقبل

سوزان : اني اقعنها

رفل : لاعفية هسة تصيح وتضل تلغي واني مالي واهس اسمع صوتها

سوزان : خالة زينب خالة

رفل : خرب حظج المشجر سوزي ☹

زينب : شكو شرايدة

سوزان : خالة اريد اخذ رفل ويايه بالبيت عندي عمل فني صعب بالمدرسة اريد رفل اتساعدني بي

زينب : اي اوكي رجعي قبل ال7 بليل

رفل : شكرا خالة باي

زينب : خاب دنجبي ام حلك الاعوج باي 😏😒

سوزان : " جرت ايدي "
امشي وعوفيها مو زين سمحتلج تطلعين

رفل : ههههه خرب حظج شلون طلعتي هالحجة عمل فني والله خبلة 😂😂

سوزان : شعبالج لعد 😎 بعدج مشايفة خبالاتي

رفل : ههههههه