تحت اجنحة الظلم

27 زواج ام ماذا؟

لا اعرف بماذا اشعر..

اعتقد حتى ان مشاعري قد ماتت 💔

رفل..

.. لزم ايدها وصعدها بالسيارة.. باوعنه لبعض نظرة اخيرة !!..

.. ركضت عليه قبل مايصعد وكلتله..

رفل : انتظرني.. راح اكون بيوم الك وبس

.. كلتله هيج وبانت علامات الاستغراب على وجهة اعتقد مافتهم قصدي بس راح يجي يوم واكون اله لان محبيت غيرة بحياتي اي صح اني احب سالم وخلص هذا اليوم كان اليوم يل اعلنت بقلبي حبي اله واعلنت بنفس الدقيقة فراقنا..

.. دخلت بسرعة للبيت.. ردت اسد الباب.. باوعتله نزلت دمعتي.. وهو هم شفت من بعيد وجهة صار احمر وعيونه همين.. بسرعة صعد للسيارة وبنفس الوقت اني سديت الباب..

.. انتجيت على الباب وضليت ابجي😢💔 واصررخ..

رفل : ليش لييييش ليش كل شخص احبه لازم اخسره ليش اني انجبرت اجرح مشاعر سالم ليششش ليش كلتله اكرهك

.. ضليت ابجي واملخ بشعري مثل المخبلة ماادري شصار بيه يمكن انهيار عصبي😭.. صرت مااشوف اي شي كدامي كل الدنيا صارت مغوشة لحدما وكعت من طولي وانضرب راسي بلكاع...

.. كمت بعد مدة مااعرف شكد..

.. اني بنفس مكاني ااخ اكو واحد كاعد على القنفة الي كبالي بس مجاي اكدر اشوفه لابس ملابس رسمية.. شفت كبالي فستان عرس بس كلش بسيط كأنما فستان عادي..

.. حسيت نفسي فقدت الذاكرة شنو هاي؟!..

.. انتبه عليه اجه بسرعة اتوضحت الرؤية عرفته كنان..

رفل : كنان

كنان : اي اني يلا بدلي بسرعة بلاعتبار اتزوجنه هو احنه اصلا عاقدين وكلشي مكملين بعد على شنو هذا التأخير

رفل : كنان دتحجي صدك انت اهلك وين الناس..

كنان : " بعصبية وصراخ "

سوي الي اكوله وبالحرف الوااحد يلاااا

رفل : زز.. زين اروح ابدل

رفل..

.. صعدت اركض.. رحت لغرفتي وقفلت الباب واني اتنفس بسرعة..

.. بدلت واني ايدي دترجف كمت لبس البدلة.. ولبست شال ابيض وشفت يم البدلة اكو حذاء كعب ابيض هم لبسته..

.. بدون نقطة مكياج.. جنت جاي اعدل بشالي انفتح الباب بقوة فزيت..

رفل : هية اني ردت انز...

كنان : هششش هشش

.. اخذ قلم الحمرة وسحب وجهي بقوة وكام يخليلي واني بس اباوعله مستغربة هذا شبي !!..

كنان : هسة صرتي حلوة يلا تعاي خلي نروح

رفل : زين بس خلي اخذ ملابسي