تحت اجنحة الظلم

20 ربماُ اغتصاب

رفعت صوتها قائله ليس لي أحد 💔
.
.
فارتفع الأذان قائلاً " الله أكبر "💚

‏"فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ" 💛

رفل..

.. باوعلي وخنزرني علمود اوافق.. جمدت وفزيت..

كنان : رفل انتي موافقة يعني مثل رأيي مو احسن من الحفلة والهوسة "حجه وهو صاك على اسنانه"

رفل : ها مااعرف

كنان : شبيج جاوبي

رفل : اي اي احسن

.. خفت من نظراته هذا شبي ياربي والله يخوف..

.. لبسنه الحلقات لبعض.. وهلهلت ام كنان واني واكفه وصافنه معقولة ظلمت نفسي بأتخاذي للقرار بسرعة !..

.. هو مبتسم وفرحان واني صافنه بس..

.. صار التصفيق وامه شمرت علينه جكليت بس اني محاسة بأي فرحة..

.. ثاني يوم كعدت من النوم رحت غسلت ونزلت اتريكت مصطفى جان بالكلية.. باوعت على الحلقة الي بأيدي.. معقولة اني هسة مخطوبة من كنان زين ليش ممرتاحة ابد؟ اخاف هذا شعور عادي..

.. مرت نص ساعة غسلت المواعين ورتبت المطبخ.. اندگ الباب رحت ركض جبت حجابي ولبسته ورحت افتح الباب.. اتفاجئت بكنان..

كنان : ها شنو راح تبقيني بالباب

.. ضليت لازگة بالباب ماادري شبيه..

رفل : ها مو محد بالبيت حتى مصطفى بالكلية

كنان : وشنو يعني اني خطيبج وزوجج بعد اسبوع

.. دخل للبيت بسرعة واني متفاجئة من تصرفة..

رفل : بس احنه بعدنه معاقدين

كنان : وشنو يعني

.. يحجي وهو دخل للصالة واتمدد بكل راحة على القنفة..

رفل : شنو شنو يعني بأعتبار اني مو زوجتك هسة مجرد خطيبي

كنان : بلا لغوة زايدة يلا جيبيلي مي تعبان

رفل..

رحت جبتله مي وانطيته..

كنان : تعاي كعدي يمي خلي نسولف

.. جانت نظراته غريبة ومحلوة..

رفل : ها لا راح اسوي غدة

.. جرني بسرعة من ايدي.. ووكعت على القنفة.. اتفاجئت من تصرفة هذا خبل ياربي ماكو واحد بطريقي بي خير..

.. لزم ايدي.. اتضايقت حيل واختنكت..

رفل : بس خل اسوي غدة مصطفى راح يرجع وانت هم اكيد جوعان

كنان : "حجه بهدوء" اي صح جوعان بحبي الج

رفل : هو انت شتعرف عني شفتني مرة وحدة وبعد 6 اشهر خطبتني