تحت اجنحة الظلم

43 بداية السعادة

كان ينبعث منها هالة من الضوء تُشعرك بأنها
نبض الحياة كأنها ليست من هذا العالم
تبدو كشيء جميل يعجز وصفه 💜
.
.
.

# بعد مرور شهرين..

رفل..

رجعنا للعراق و مرت شهرين والتقيت بحبيبتي وصديقة عمري سوزان وسلمت على اهلها كلهم وشفت رفل الصغيرة بت علي كلش حلووة..

.. زرت بيت اهل سالم وكلش جانوا مشتاقيلي وزرت حلا وسهر اخوات سالم..

.. سالم رجع عاش وية بيت اهلة.. وانطانه الشقة النه..

.. عشنة بيها اني وخالة ريم وايلاف وجيلان اكيد حبيبة قلبي صاير عمرها ٦ سنين وبالروضة ودلوعة بزيادة من شافتني ضلت تبجي وكالت اوعديني بعد متعوفيني ابد.. ووعدتها..

..واكييد حبيبتي جلنار مااعوفها وحدها اكيد عاشت ويانه..

.. وحاليا مرتاحين ونعيش بهدوء وحياة بعيدة عن المشاكل..

.. طبعا سالم.. يومية يجيبلنه اكل وفواكه وطبعا جيلان متقبل اتروح وية ابوها اتكول ابقى يم ماما..

.. وهي وايلاف اتعلقوا ابعض كلش بحيث غرفتهم صارت سوية..

.. خالة ريم حبيبتي امي الثانية طول الوقت هي مهتمة بينه وبكل شي يخصنه كأنما كلنه بناتها وهي امنه..

.. رجعت جلنار لكليتها وجاي اداوم تمريض مرحلة ثانية وسالم متكفل بكلشي..

.. وطبعا سوزان يومية ابيتنه وتروح هي وجلنار سوية بنفس الخط للجامعة.. وصاروا ثنينهم صديقات..

.. وايلاف خليتها بمدرسة وجاي اداوم ومدرستها ابصف روضة جيلان فيروحون سوية مشي..

.. مرات احلم بكوابيس عن حياتي قبل والماضي..

.. احس اكو شي نقص بحياتي لازم يكمل..

.. كمت ثاني يوم الصبح على صوت المنبه.. طفيته ورجعت نمت.. سمعت صوت مكالمة.. فتحتها وخليتها على اذني واني ميتة من النعاس..

رفل: الووو

سالم: صباح الخير

رفل: سااالم شكو من الصبح كعدتني من النوم العزيز

سالم: ها هسة ثار النوم اعز مني

رفل: احجي سالم بسرعة اريد اناام البارحة جيلان وايلاف لل٣ بليل يردون اسويلهم شامية وكيك سهرانات على التلفزيون ويباوعون فلم رعب

سالم: ههههه

رفل: اكولك سالم على كولة جيلان وايلاف ساعة بيش هسة

سالم: اعتقد ب ٨ ونص

رفل: شنوو عزااا

رفل..

سمرت الموبايل بسرعة وكمزت من الجرباية.. اتكسر عمودي الفقري.. رجعت زحفت على الموبايل..سمعت صوت سالم ميت من الضحك..