تحت اجنحة الظلم

23 ظهور كنان

كان حديثي مع الله مختصراً للغاية بسيطاً جداً وسهلاً!
-كيف كان؟!
ابتدأتُ حديثي بالدموع وانتهيتُ بالدموع لكنهُ علمَ ما قصدت .. 🍃💕

سالم..

.. دخلت للغرفة.. ورفل ماكو.. شفت مرت عمي كاعدة ودتبجي..

سالم : خالة وين البنية

ام علي : شحجيلك يمه رفل ركضت مثل المخبلة على اخوها وشلعت الكانوله ودمها يصب صب سوزان ركضت وراها بس رجعت

سالم : شدتحجين خالة لاتخبليني شلون تكوم اذا صارلها شي

سوزان : سالم على كيفك وية نفسك لاتعصب رحت اركض بس دخلت هي والدكتور لغرفة الجثث

سالم : انتو صدك تحجووون؟؟
شلون تخلوها تروح لغرفة الجثث

سوزان : غير تعرف اخو...

.. ماكملت كلامي شفته ديركض هذا شبي سالم ليش هيج مهتم برفل؟؟؟ ..

.. رحت اركض وراه..

سالم..

ركضت بسرعة على غرفة الجثث شفت رفل مثل الجثة بين ايدين الممرضات والدكتور ديمشي كدامهم..

سالم : دكتور شصار احجي

الدكتور : البقية بحياتكم مصطفى اخوها اتوفى بالحادث

سالم : انا لله وانا اليه لراجعون.. امشي رفل

الدكتور : ديروا بالكم عليها وعلى اكلها لان عدها فقر دم حاد واي صدمة ثانية الها راح تؤدي الى غيبوبة ومنعرف شكد مدتها..

سالم : تسلم دكتور..

رفل..

مااعرف شنو اصفلكم كمية الوجع والالم الي حسيت بي بهذا اليوم.. حتى دموعي نشفت بعد مااكدر لاابحي ولااحجي شي.. اخذني سالم من ايد الممرضات واني امشي واوكع رجلي ابد متشيلني.. مابيه اي طاقة لانفسية ولاجسدية احس نفسي صرت لعبة فقط تتحرك منا ومنا..

سالم : رفل شوفيني ابجي طلعي الي بكلبج لاتكتمين مو زين عليج

رفل :.......

سالم : تعاي خلي نروح للحديقة هم تشمين هوا وهم ترتاحين

.. شفتها مجاي تكدر تمشي ووجها حيل اصفر..

سالم : خلي اشيلج مبين عليج حيل تعبانه

رفل : لا شكرا اني.. امشي

سالم..

شفتها بدت تعرج وشوية باقي ووتفقد الوعي.. ضلت تمشي رادت توكع لزمتها وشلتها گبل.. هي محجت شي وضلت مغمضة عيونها..

.. وصلنه للحديقة مالت المستشفى كعدتها على المصطبة..

سالم : رفل ابقي هنانه هسة ارجعلج اشتريلج عصير