صديقات العمر

صديقات العمر. ........ للكاتبه رزان
البارت الثامن. ......

حياة. بابا اني ماموافقه.
البنات. ليش حياة.
أبو حياة. بابا فكري زين لاتتسرعين .
حياة. خلص بابا هذا جوابي ماعدي غيره الي أتخلى عني مره مستعد يتخلى عني كل مره مااريده بعد خليني أفكر بس بدراستي بس هيه تحميني من هل مجتمع.
أبو حياة. براحتج بابا اني العلي اوصللهم جوابج.
دخلت عليهم وجانت الهفه بعيون أكرم كوه طلعت الكلمة مني وكتلهم حياة ماموافقه .
أكرم. راح ابوهه يسالهه وإني جنت متأكد راح تقبل وترجعلي بس الي صدمني هيه ماموافقه ضليت صافن بوجه ابوهه بلكي يكول اشاقه بس اكدلي الي سمعته طلعنه من بيتهم بهدؤ ركبنه السياره محد بينه حجه شي وصلت أهلي للبيت وطلعت افتر بشوارع ولوم بنفسي اني السبب اني الخسرتهه .
حياة. لمه اجه أبويه وسالني عن رأيي رفضت لأن اني مولعبه يشمرهه شوكت ميريد ويرجعلهه شوكت ميريد أبويه والبنات انصدمن من جوابي اي مااريده هذا الي ردت اخسر حياتي بسببه.
عباس. والله مشتاق السمر بس العنيدة متتصل وتعتذر على الي كالته منتضرتني اني اراضيهه ماانكر اني هم غلطت من ضربتهه بس مجان لازم تحجي عليه هيج كدامهم اني خليني اخابرهه ادري بيهه زعلانه هسه وكلبي ماينطيني ابقيهه زعلانه,
سمر. كلما اصفن أذكر ضربته إليه كدام البنات شكد اخجلت هذا الي أحبه يضربني بس اني هم تماديت بحجيي ويا وهم حقه. دك التليفون هذا عباس لا مااجاوب خلي يدك للصبح, عفت التليفون صامت ونمت والدمعه بعيني. ثاني يوم جنت اشتغل بالمطبخ وجان يندك الباب رحت افتحه فتحته شفت عباس ويا أمه يارب شلون فشله بملابس الشغل شافوني دخلتهم للصاله أبويه تلكاهم وأمي رحبو بيهم رحت ركض بدلت وعدلت نفسي وخذتلهم عصير ودخلت عليهم قدمته الهم .
عباس. من اتصلت بيهه وماجاوبت رحت للبيت حجيت وي امي وكالت نروح نخطبهه الك ثاني يوم رحنه حتى نخطبهه فتحت الباب فديتهه جاي تشتغل شافتني ضلت مصدومة دخلنه وجابت العصير وطلعت خطبتهه من ابوهه وعرف بيه دكتور فرح بيه وكال يومين ونرجعلك الجواب مرن اليومين عليه سنتين وجاني الخير بالموافقة سمر. لمن اجه وخطبني حسيته جاي يعاقبني ويفهمني مو كل اصابعي سوه فعلاً رفع راسي سألني بابا وكلتله موافقه وردلهم الخبر اجو بنفس اليوم اتفقو على الذهب والحاضر والغايب وحددو وقت الخطبه رحت جهزت نفسي اشتريت فستان ورحت للصالون والبنات وياي بس لحد الآن مااتصل بيه وإني هم مااتصلت شسوي عنادي اقوه مني صار وكت الخطبه تمت للخطبه وعقدنه واجه يمي لبسني اكلاده مكتوب بيهه ثقي بي وجانت فرحتي متنوصف بس ماحجه وياي ولا حرف وكام راحو بس ضلت غصة بكلبي ليش ماحجه وياي بس يباوع بطرف عينه هذا أسلوبه دا يموتني خلصت حفلة الخطوبه وبليل خابرته ..
سمر. الوو.
عباس. ألوو.
سمر. شلونك عباس
عباس. الحمد لله بخير.
سمر. ليش تحجي وياي بثكل.
عباس. ليش ماتعرفين
سمر. اعرف وإني اسفه
عباس. ميكولون اسفه بهيج موقف.
سمر. لعد شكول.
عباس. يكولون الف مبروك علينه .
سمر. مبروك علينه حبيبي .وشكراً على الكلاده تخبل.
عباس. خليت الصايغ يشتغلهه مخصوص الج هاي أبد لاتنزعيهه ودائماً اقريهه .
سمر. ربي يخليك إليه حبيبي.
ياقوت. الوو علي شلونك. علي. هلو حبي شخبارج.
ياقوت. بخير حبي دامك وياي.
علي. حبي مشتاقلج أريد اشوفج.
ياقوت. حبي والله مااكدر اطلع تدري اخواني متشددين عليه.
علي ماشي حبي على راحتج ضلينه نسولف اليل كله وثاني يوم جنت رايح بشغله وإني بالطريق شفت ياقوت كاعده وي واحد بالصدر وتضحك وتسولف ويا منو هذا الي وياهه ضليت امشي وراهم وصلو يم بيت ودخلو بيه وإني حاير شسوي خابرت عليهه ترفض اكيد ترفض وياهه حبيبهه بس وياه متخاف من اخوتهه .ضليت متانيهه قرب البيت ساعه وطلعت ركبو السياره وراحو وصلهه البيتهم وراح . رجعت خابرتهه. وينج انتي ليش مجاوبين كالت.
ياقوت. جنت طالعه للسوك ماسمعته .
علي هنا اني شبت النار براسي كتلهه ماشي بالسوك من اليوم انسي واحد اسمه علي ياخاينه وسديته بوجهه ياقوت. شبي علي وشنو خاينه شوكت خنته ضليت ابجي وخابر عليه ميجاوب.
أكرم. بعد رفض حياة إليه تركت كلشي يتعلق بالحياة وضليت بس اشتغل حتى أهلي مااشوفهم لأن همه السبب بلي صار بينه مرت الأيام وإني مثل مااني كلشي متغير حتى بخطبه عباس مارحت وره الحفلة رحت باركتله .
حياة. هل فترة ماارتاحينه كل يوم وحده بينه عدهه مشكله سمر وفرح تعدن المشاكل وإني فرغت حياتي للدراسة ماضللهه شي بس ياقوت خربت علاقتهم بدون متعرف السبب نتصل بعلي ميجاوب نخابر عباس يكول مختفي حتى ع التليفون ميجاوب ضلينه بحيرة وره أسبوع اتصل علي عليه.