الحلقة الاولي (كل حياتي ♡)
(في اسكندرية .. في شركة قاعد راجل في مكتب شيك.. يدخل عليه واحد )
السكرتير :احمد بيه .. اكتشفنا مصيبة
احمد: خير في ايه
السكرتير:الشحنة اللي هتوصل آخر الشهر ،اكتشفت ان فيها مخدرات
احمد:ايه ! مين ممكن يعمل فينا كده .. انا هروح أبلغ نادر
السكرتير: احمد بيه حضرتك مش فاهم .. نادر بيه هو اللي عمل كدة
احمد: ايه !
السكرتير:زي ما بقول لحضرتك يا فندم
(يقف احمد مصدوم )
احمد: هاتلي اي ورق معاك يثبت الكلام ده
(في مكتب تاني في نفس الشركة)
الموظف: نادر بيه الحق !
نادر: في ايه
الموظف: احمد بيه عرف كل حاجة عن الشحنة الجديدة
نادر: نعم ياخويا ! و انت كنت بتهبب ايه ؟!
الموظف: يا فندم انا عملت كل جهدي بس سكرتيره اكتشف كل حاجة و زمانه بلغه
(يقف نادر يفكر )
نادر: خسارة يا احمد لو مكنتش عارفك كويس كنت سيبتك تعيش....
(بعد ٢٥ سنة، في القاهرة .. في أوضة شكلها شيك و منظمة نايم شاب ، تدخل أمه تصحيه )
شكران: يا عبد الرحمن اصحي بقا اتأخرت ع الشغل
( مفيش رد.. تجيب ميه تكبها عليه )
عبد الرحمن : اييييييييه !
شكران : ما انت لو اترفدت هتجيلي انا تعيطلي
عبد الرحمن: ايه يا ماما ده .. الساعة كام!
شكران: الساعة داخلة علي ٩ 😏
(يقوم يجري يجهز بسرعة .. تضحك شكران عليه )
(نوقف لحظة.. عبد الرحمن شاب وسيم عنده ٢٧ سنة ..جسمه رياضي.. شعره بني و ناعم ..و عينيه لونها بني فاتح ..و عنده دقن خفيفة .. بيشتغل ظابط )
عبد الرحمن: سلام يا ماماا
شكران : سلام يا حبيبي
(بعد الظهر تتصل شكران علي عبد الرحمن )
عبد الرحمن: ايه يا امي في حاجة ؟
شكران: هترجع امتي يا حبيبي
عبد الرحمن: مش هتأخر النهاردة ساعة بالكتير
شكران: طب كويس .. عدي علي اخوك هاته في طريقك عشان عربيته عطلت
عبد الرحمن: حاضر يا امي سلام
شكران: سلام يا حبيبي
( يخلص عبد الرحمن و يروح يستني قدام الجامعة و محدش يطلع فيدخل يشوف اخوه ..
يلاقي ولد و بنت واقفين عند سلم الكلية بيزعقوا و ناس بتتفرج )
سلمي: يابني ابعد عني بقا انت مابتفهمش !
ادهم بزعيق: يا سلمي انا بحبك.. و مش هبعدد
(يقرب عليهم عبد الرحمن بسرعة )
عبد الرحمن: في ايه ؟! ايه يا ادهم اللي انت عامله ده ؟!
ادهم: ابعد انت يا عبد الرحمن دلوقتي
عبد الرحمن: ابعد ايه .. استني انت، في ايه يا انسه ؟
سلمي: و انت مين انت كمان ! 😠
عبد الرحمن: انا كمان ؟! .. انا اخو الأستاذ.. خير في ايه ؟
سلمي: يا ريت تبعد البني ادم ده عني بقا عشان بجد تعبت بدل ما اوديه في ستين داهية
ادهم: تودي مين ما انا...
عبد الرحمن: استني انت 😡 احنا متأسفين ليكي جدا يا انسه و ان شاء الله ده مش هيحصل تاني .. يلا يا ادهم !
( يمشوا و ادهم عمال يبص وراه لسلمي بعصبية .. يوصلوا عند العربية و يركبوا و يمشوا )
(نوقف لحظة .. ادهم شاب وسيم.. شعره اسود ..و عينيه بني غامق.. جسمه رياضي .. عصبي و بيطلع عصبيته في الرياضة .. عنده ٢٣ سنه و ساقط سنه في الكليه )
عبد الرحمن: انا عايز افهم ايه اللي كان بيحصل ده ؟!
ادهم: ملكش دعوة يا عبد الرحمن 😒
عبد الرحمن: هتفهمني ولا اروح اقول لابوك و هو يتصرف !
ادهم: ايه جو العيال ده ! طيب هقولك 😒 ..
انا بحب البنت اللي انت شوفتها دي جداا و هي رافضاني.. و انا مش قادر اتقبل ده
عبد الرحمن: و عايزها تقبلك و انت كل يوم مع واحدة .. ولا وانت بتتخانق معاها و تفضحها قدام الكلية كلها ؟!
ادهم: اللي حصل بقا اصلا دي مش اول مره .. بس انا بحبها
( رايكم )
