الحلقة التاسعة عشر: (كل حياتي♡ )
عبد الرحمن: ادهاااااام !
نادر: ادهم !! لااا !! ادهم قوم !!
( ادهم في الأرض مش قادر يتحرك يقرب عليه عبد الرحمن و نادر .. يطلب حازم إسعاف.. يروح عصام جمب سلمي )
نادر: يا ادهااام .. انا اسف انا اسف يا ادهم قوم عشان خاطري
( يفضل يتردد في دماغه صوت احمد لما قاله: خليك فاكر ☝️ يوم ما ربنا ينتقملنا منك و ده هيحصل .. حد عزيز عليك هيموت قدام عينيك و مش بعيد تكون انت السبب في موته .. تنزل دموعه )
نادر: ادهم .. انا اسف يابني
( يشاور عصام للظباط يقبضوا علي نادر .. يمشي معاهم بيزعق و بيعيط .. سلمي قاعدة بتعيط و مش قادرة تتحرك )
عبد الرحمن: يا ادهم قووووم 😭 .. يا حازم اسعااااااف !!
( تيجي الإسعاف تاخد ادهم و سلمي المستشفي.. يقف عبد الرحمن مش عارف يركب مع مين )
عصام: روح اركب مع اخوك.. روح انا مع سلمي
( يركب عبد الرحمن مع ادهم و عصام مع سلمي.. في المستشفي .. عبد الرحمن رايح جاي بين عمليات سلمي و عبد الرحمن )
عصام: مفيش اخبار عن ادهم ؟
عبد الرحمن: لا محدش طمني 😢
عصام: الدكتور لسه طالع من عند سلمي
عبد الرحمن : و قال ايه !
عصام: للاسف الحمل سقط
( تنزل دموعه و يقعد يخبط في الحيطة )
عصام: يابني اهدي .. انت متعرفش الخير فين .. دلوقتي اخوك و مراتك محتاجين تكون اقوي من اي وقت فات .. استهدي بالله و يلا نروح لسلمي زمانها اتنقلت اوضتها
( يمسح عبد الرحمن دموعه و يهدي شوية .. يروحوا لسلمي )
عبد الرحمن: حمد الله ع السلامة يا حبيبتي
( يقعد جمبها )
عصام: حمد الله ع السلامة يا بنتي
سلمي: الله يسلمكم ❤
( تحط ايديها علي بطنها )
عصام: قدر الله و ما شاء فعل يا بنتي
( سلمي تبص لعبد الرحمن )
سلمي: علي فكرة انا مش زعلانة .. متزعلش يا حبيبي.. ده خير و اكيد ربنا هيعوضنا
عبد الرحمن: يا رب يا حبيبتي ❤
سلمي: ادهم عامل ايه
عبد الرحمن: للاسف لسه مخرجش من العمليات 💔
( بعدها بيومين يبدأ التحقيق في القضية و ييجي سمير يشهد بكل حاجة .. يروح عبد الرحمن لنادر في السجن )
عبد الرحمن: عاوز اتكلم معاه شوية.. افتح الباب
( يفتحله العسكري الزنزانة و يدخل )
نادر بخوف : ادهم عايش ؟
عبد الرحمن : هقولك ببلاش كده ؟
نادر : عايز ايه
عبد الرحمن : قولي قتلتهم ازاي
نادر : و انت لسه معرفتش !
عبد الرحمن: عاوز اسمع كل حاجة منك من الاول لحد ما اعرف دفنتهم فين
( يحكيله نادر كل حاجة و عبد الرحمن ماسك نفسه قدامه .. ييجي يمشي يقف نادر قدامه )
نادر: قولي ادهم عايش ؟؟!
عبد الرحمن: متأكد عايز تعرف ؟
نادر: عايش صح ؟ 😢
عبد الرحمن: لا .. ادهم مات .. مات بسببك .. انت قتلت ابنك بايديك ! ..
حاسس بايه دلوقتي ؟
( يتصدم نادر و يقعد يعيط في الأرض )
( تعدي الايام .. يتحكم علي نادر بإعدام.. قبل تنفيذ الحكم بيوم .. قاعد نادر في السجن .. يلاقي صوت جاي من بره يرفع راسه )
ادهم: حاسس بايه دلوقتي ؟
( يقوم نادر يقف مصدوم )
نادر : ادهم ! .. انت عايش ! 😢❤ .. بس عبد الرحمن قال انك ....
ادهم: انا اللي طلبت من عبد الرحمن يقولك كده .. يمكن تحس بالذنب مره في حياتك !
( يسكت نادر )
ادهم: ربنا اداني فرصة و أراد اني اعيش عشان مكونش زيك ! .. انا هانساك و هطلعك من حياتي ..
و مش هحس باي حاجة ناحيتك عشان انت تستاهل اللي انت فيه دلوقتي !
( يسيبه و يمشي ادهم و دموعه بتنزل .. يفضل نادر ينادي عليه و هو بيعيط لحد ما يختفي ادهم )
( عبد الرحمن واقف مع ادهم و سلمي و شكران و عصام و ادهم قدام قبرين )
عبد الرحمن: انا اسف اني اتأخرت عليكم 😢
شكران: و انا كمان يا اميرة .. سامحيني مكنتش اعرف حاجة .. بس، بصي عبد الرحمن بقا راجل ازاي .. هيفضل طول عمره ابني يا اميرة ..
و هخلي بالي منه طول ما انا عايشة يمكن ده يخليكي تسامحيني 😢
( يحضنها ادهم )
عصام: احمد يا صاحبي .. انا اسف اني اتأخرت عليك ساعتها 😢 و اتأخرت في اني اجبلك حقك .. سامحني ..
( يقرولهم الفاتحة كلهم و يمشوا ....)
.....
