عبد الرحمن: انت مبتحبهاش يا ادهم انت بس مش قابل ان في واحده ممكن تقولك لا و لو وافقت عليك هتتسلي شوية و تسيبها.. انت واخداها عند و خلاص
ادهم: معرفش بقا .. انا مش هسيبها و خلاص ..
عبد الرحمن: عمرك ما متكبر 😒
(تروح سلمي و تدخل البيت و باباها يلاحظ انها متضايقة )
عصام : حمد الله ع السلامة يا حبيبتي
سلمي: الله يسلمك يا حبيبي 💕
عصام: مالك ؟
سلمي: مفيش حاجة يا بابا تعبانة شوية
عصام: طب يا حبيبتي ادخلي ارتاحي انتي
(نوقف لحظة.. سلمي بنت جميلة و رقيقة .. بشرتها بيضا .. عينيها خضراء.. شعرها بني و طوله متوسط .. عندها ٢٢ سنة .. بتدرس في تجارة انجلش آخر سنة.. ملهاش اخوات و مامتها متوفية و باباها بيحبها و بيهتم بيها جداا )
(تاني يوم الصبح.. عبد الرحمن بيجهز ..
يلبس قميص كحلي و بنطلون بيج و جزمة و ساعة بني .. و يسرح شعره .. يدخل عليه ادهم )
ادهم: عبد الرحمن ما توصلني معاك الجامعة
عبد الرحمن: مش قلتلي امبارح ابعد عنك 😏
ادهم: ميبقاش قلبك اسود بقا .. انت عارف ان عربيتي عطلانة و انا متأخر اساسا
عبد الرحمن: طيب يلا
( ينزلوا و يركبوا و يمشوا ،و في نفس الوقت سلمي و صاحبتها في العربية )
مريم: ادهم عمل كل ده امبارح !!
سلمي: اه 😒
مريم: مش هتقولي لباباكي برده ؟
سلمي: مش عايزه اشغله و كمان مش عايزة مشاكل .. اللي شكله مش زيه خالص .. اخوه
هو اللي خده بعيد عني و قاللي ده مش هيتكرر تاني
مريم: اه عبد الرحمن اخوه مش زيه خالص
سلمي: انتي تعرفيه منين ؟!
مريم: ما ده يا بنتي صاحب اخويا اللي حكيتلك عليه قبل كده .. شوفتي قمر ازاي ؟! 😍
سلمي: ملحقتش اشوف من البني ادم التاني ده !! 😂 ، يلا وصلنا
(ينزلوا .. تركن عربية عبد الرحمن و ينزل ادهم و يقرب عليهم .. عبد الرحمن يشوف مريم و ينزل يسلم عليها .. يشوفه ادهم نازل يتضايق )
عبد الرحمن: انا مش جايلك انا جاي اسلم علي مريم.. ازيك يا مريم عاملة ايه ؟
مريم: انا تمام يا عبد الرحمن و انت
عبد الرحمن: انا تمام الحمدلله اخوكي عامل ايه
مريم: حازم كويس الحمد لله
عبدالرحمن: قوليله أسأل علي صاحبك يا واطي
مريم: ههههه حاضر 😅
( يبص عبد الرحمن لسلمي و هو محرج )
عبد الرحمن و هو بيمد اسمه : ازيك يا انسه ...
سلمي: سلمي 😊
عبد الرحمن: انسه سلمي 😍
سلمي: الحمد لله .. انا متشكرة جدا ع اللي عملته امبارح (تبص لادهم)
عبد الرحمن : علي ايه ده واجبي .. ان شاء الله مش هيحصل حاجة زي كده تاني
سلمي: يا ريت
( عبد الرحمن مش سايب ايدها .. تتحرج .. تلاحظ مريم )
مريم: ايه يا جماعة مش هندخل ولا ايه
( عبد الرحمن ياخد باله و يسيب ايدها )
عبد الرحمن: انا اسف .. اتفضلوا 😊
( يمشوا و يرجع عبد الرحمن عربيته ، ادهم ماشي متضايق .. سلمي ماشية مع مريم)
سلمي: ايه القمر ده ! 😍
مريم: شوفتي 😍
(في آخر اليوم يخلص عبد الرحمن شغل و يروح يستني ادهم .. سلمي طالعة من الجامعة.. تعدي من قدام شلة شباب
شاب١: ايه البت الحلوة دي !
شاب٢: ما تيجي يا حلوة 😉
شاب٣ و هو بيقف قدامها : تعالي هقولك حاجة 😉
( تخاف سلمي و مش عارفة تعدي )
سلمي: ابعد عني يا حيوان انت 😢
