الحلقة الثانية عشر : (كل حياتي♡ )
احمد: اميراااااه 😢
(تقع في الأرض.. بتاخد نفسها بصعوبة )
احمد: اميرااة .. أميرة .. لا والنبي لا .. يا رب لاااا
أميرة خليكي معايا عشان خاطري .. هتعيشي .. هنعيش احنا الاتنين عشان عبد الرحمن
اميرة بصعوبة : عبد الرحمن هيكون فخور بيك 💔
(تاخد نفسها بصعوبة كذا مرة .. تموت )
احمد: يا اميرة لااا.. يا رب 😭
(يقوم احمد بعصبية يزق نادر في الحيطة و يوقع منه المسدس يضربه بوكس و يمسكه من رقبته )
احمد: انا عارف ان انا كدة كدة هموت انهاردة .. بس خليك فاكر ☝️ يوم ما ربنا ينتقملنا منك و ده هيحصل .. حد عزيز عليك هيموت قدام عينيك و مش بعيد تكون انت السبب في موته عشان تجرب الناار اللي جوايا
نادر: خلصت ؟
( يشاور لواحد يضرب نار علي احمد من ضهره .. يقع احمد ع الارض مش قادر يتنفس .. يسمع نادر صوت عبد الرحمن بيعيط في الأوضة.. يدخل يجيبه .. احمد شايف بس مش قادر يتحرك و دموعه بتنزل )
احمد: عبد الرحمن ! 😢
( يطلع نادر من الأوضة شايل عبد الرحمن و هو بيعيط اول ما شاف المنظر .. نادر يصعب عليه عبد الرحمن عشان هو مخلفش )
احمد: بلاش عبد الرحمن يا نادر
نادر: عبد الرحمن هيبقي ابني !
(يموت احمد .. نادر يروح يكلم واحد بعيد .. نادر : خلصوا بسرعة و متسيبوش اي دليل
الراجل: تمام
نادر : و اعرفولي مكان سمير السكرتير انهاردة .. دي اهم حاجة دلوقتي
الراجل: تحت امرك يا فندم
(يفتح الباب يخرج .. السكرتير واقف ع الباب اول ما يشوفوا يستخبي ع السلم بسرعة .. ينزل نادر معاه عبد الرحمن يركب عربية و يمشي .. سمير واقف مش مستوعب اللي سمعه كله .. ينزل يجري بسرعة .. )
( بعد ساعة يوصل عصام.. يطلع بسرعة يخبط .. محدش بيفتح )
عصام : احمااااد .. افتح يا احمد .. اتأخرت عقبال ما عرفت اخرج من الشغل معلش .. يا احماااد
(ينزل يتصل من تليفون جمب البيت.. محدش يرد .. يروح ل نادر .. عند نادر في الشركة يدي عبد الرحمن لواحد )
نادر: زي ما قلتلك .. تروح المكان ده و تقعد هناك معاه يومين كده و محدش يعرف انك هناك و مترجعش بيه الا لما اقولك فاهم ؟
الراجل: فاهم يا فندم
نادر: و ظبط موضوع الملجأ ده
(يمشي الراجل و عبد الرحمن .. شوية و يدخل عليه عصام متعصب )
عصام: احمد فين . انطق ! 😠
نادر: ماله احمد يا عصام ؟
( يتعصب عصام و يشده من قميصه )
عصام: متستهبلش يا نادر انا و انت فاهمين كل حاجة .. لو كان جراله هو و عيلته حاجة يبقي اكيد مفيش غيرك
نادر: اثبت 😏
عصام: لو كان حصلهم حاجة بسببك .. اقسم بربي ما هسيبك 😡
(يزقه و ييجي يمشي ..)
نادر: كان مستنيك علي فكرة
(يقف عصام )
عصام: ايه ؟!
نادر : احمد .. كان مستنيك .. انت اللي اتأخرت بقا .. ده بسببك انت
عصام: عملت فيه ايه 😡
نادر: ما تشوف شغلك يا حضرت الظابط 😏
( يمشي عصام متعصب .. يرجع البيت .. يجيله تليفون )
عصام: الو ؟
سمير : حضرت الظابط عصام ؟
عصام: ايوة
سمير : احمد و مراته ماتوا .. نادر قتلهم
عصام: ايه !! مين معايا ؟!
سمير : مش مهم .. انا بلغتك و انت حاول تتصرف .. بس ابنه لسه عايش .. دور عليه قبل ما يقتلوه
(يقفل الخط.. عصام قاعد مصدوم )
(سمير يخاف علي نفسه و يهرب يشتغل بره )
(بعد كام يوم .. عصام بيحاول يثبت اي حاجة و مش عارف )
(في بيت نادر )
شكران: احمد و أميرة ماتوا !!! 😢
نادر: للاسف .. و لسه مش لاقيين عبد الرحمن
( تعيط شكران )
نادر: لازم نروح لأهلهم نعزيهم
شكران: طبعا
(بالليل نادر في أوضة بيتكلم )
نادر: ظبطت الطب الشرعي و الناس اللي في المشرحة ؟
الصوت: ايوة يا فندم .. لما راحوا يشوفوا الجثث قالولهم انهم هما بس متشوهين عشان العربية انفجرت
نادر: كويس
( تاني يوم .. في بيت .. فيه عزا احمد و أميرة.. شكران قاعدة مع الستات بتعيط )
شكران: انتوا متأكدين انها جثثهم ؟
أم أميرة يعيط: بيقولوا لقوا الجثث متشوهة عشان العربية انفجرت
شكران: يا حبيبتي يا اميرة 😭
ام احمد: لسه منعرفش عبد الرحمن فين 😭
(عند الرجالة .. نادر قاعد مع ابو احمد )
نادر: احمد كان اكتر من اخويا
ابو احمد: عارف يا بني
نادر: احمد كان دايما يقولي انه لو جراله حاجه انا اربي عبد الرحمن زي ابني بالظبط .. ف يا عمي اول ما نلاقيه ان شاء الله انا بستأذنك انه يعيش معايا
ابو احمد : يرجع بالسلامة الاول بس يا بني
( تعدي الايام و عصام معرفش يثبت حاجة و يتنقل شغله في الصعيد .. في يوم بالليل نادر يرجع و معاه عبد الرحمن )
شكران: عبد الرحمن !!
(تجري عليه تحضنه )
شكران: لقيته ازاي !
نادر : الناس اللي طلعوه من العربية ودوه ملجأ .. اول ما عرفت بالصدفة رحت جبته علي طول
( شكران تحضن عبد الرحمن )
شكران: يا حبيبي
نادر: اعملي حسابك هننقل بكره الصبح القاهرة
شكران: اشمعنا !
نادر :مشاكل في الشغل .. و اتكلمت مع جدود عبد الرحمن هيشوفوه بكره و هناخده معانا
شكران: اللي تشوفه🤷♀️
(ينقلوا القاهرة و بعد سنتين يخلفوا ادهم .. شكران مبتفرقش بينهم ابدا .. )
( سنة كمان و يرجع عصام اسكندرية و يتجوز و ييأس من القضية ميحاولش تاني و يخلف بعد سنتين من جوازه و كام سنه و مراته تتعب و تموت )
( تعدي السنين .. وقت دخول عبد الرحمن الجامعة )
شكران: بس يا نادر انت كده بتفرق بينهم
نادر: هو اشتكالك ؟
شكران: عبد الرحمن متكلمش .. بس انت كده زي ما يكون مش عاوز تعلمه حاجه عشان ميمسكش نصيبه في الشركة
نادر: هو اللي عايز يطلع ظابط .. و بعدين هو مش ناقصه حاجة
شكران: اشمعنا ادهم قلت اول ما يخلص ثانوي هتدخله تجارة و تشغله معاك علي طول !
نادر: يوووه خلاص بقا يا شكران .. لما يبقي يطلب هبقي اشوف و بعدين ما هو هساعدني و هو ظابط بردو !
شكران : بس خلي بالك .. لو كان في نيتك تيجي علي عبد الرحمن عشان يتيم فأنا مش هسكت ☝️
