الحلقة التاسعة: (كل حياتي♡ )
( تدخل سلمي الأوضة .. تلاقي الأوضة مليانة بلالين كتير و ورد صغير ع السرير و فستان لونه روز قصير ع الركبة بالظبط و شيفون .. و من فوق اوف شولدر و عليه دانتيل رقيق بيلمع بسيط و جمبه شوز لايقة عليه و ورقة مكتوب فيها : هستناكي الساعة ٩ يا احلي حاجة في حياتي ❤
عبدالرحمن
( تاخد سلمي الفستان تقعد تلف بيه و تتنطط و هي مبسوطة )
سلمي :يا مريم شوفتي عبد الرحمن عمل ايه ❤💃
بيحبني 🤷♀️
مريم: 😂😂 .. طب يلا عشان منتتأخرش ع الراجل
سلمي: هو انتي ....
مريم: ايون 😌 انا اللي جبت الحاجات هنا و أغلب الموضوع فكرتي اصلا
سلمي: ربنا يخليكي ليا ❤
( تحضنها )
مريم: يلا البسي يلا عشان انا اللي هوديكي .. انتي متعرفيش المكان
سلمي: ماشي 💃
(يعدي الوقت .. تلبس سلمي الفستان و الشوز و تعمل شعرها لفوق و تحط ميك اب خفيف )
سلمي: ايه رأيك
مريم: ايه القمر ده 😍
سلمي: بجد ؟ هيعجبه ؟
مريم: طبعا يا صاحبي 😉 يبقي مش طبيعي لو معجبهوش .. الساعة قربت علي ٩ يلا ؟
سلمي: يلا .. انا متوترة أوي 😂 .. متعرفيش هيعمل ايه ؟
مريم: لا معرفش 🙄
سلمي: مريم ! 🤨
مريم: اه عارفه بس مش هقولك 😌😂
سلمي: قولي بقاا
مريم: ارجوكي متتغطيش عليا عشان ممكن اقول كل حاجة و عبد الرحمن هيقتلني 😅😅
سلمي: طيب خلاص 😂
( بعد شويه يوصلوا عند المكان ، تبص سلمي ناحية البحر من بعيد تلاقي ممر طويل خشب و علي حرفه انوار و شمع و بيوسع في اخره و يبقي فوق البحر علي طول
و في طرابيزة عليها شمع و اكل .. و عبد الرحمن واقف جمبها )
سلمي: ايه ده 😟
مريم: يلا انجوي بقا 😉
( تسيبها و تمشي .. تدخل سلمي .. تفضل ماشيه ع الممر لحد اخره .. يقرب عليها عبد الرحمن و معاه بوكيه ورد )
عبد الرحمن: ايه القمر ده بس ! 😍😍
سلمي: انت عملت كل ده امتي !! 😢
عبد الرحمن: من الصبح بنجهز والله 😂
بس دي حاجة صغيره أوي علشانك
سلمي: ربنا يخليك ليا 🙈😍
عبد الرحمن: اتفضلي
سلمي: ذوقك حلو اوي في الورد .. ميرسي 😍
( يشد عبد الرحمن الكرسي )
عبد الرحمن: اتفضلي
سلمي: شكرا
( يقعدوا ياكلوا ..)
سلمي: الكاسات دي ليه ؟
عبد الرحمن: كان نفسي اقولك هنشرب شامبانيا بس للاسف الشمبانيا حرام 😂 .. ف انا مجهز ازازة فيروز اناناس حلوة اهي عشان نعيش الجو بس 😌😂
سلمي: 😂😂😂 حلوة الفيروز .. انا بحبها
عبد الرحمن: و انا بحبك
تتخض سلمي : ايه !
عبدالرحمن: بحبك اكتر من اي حد في حياتي❤
و مقدرش اعيش من غيرك
(سلمي عينيها تدمع )
سلمي: و انا كمان ❤
عبد الرحمن: تعالي
( يقوموا يقفوا ، يعمل عبد الرحمن حركة ب ايده .. سلمي تبص وراها تلاقي مريم و حازم و كل اللي معاهم في الرحلة واقفين )
سلمي: ايه ده ؟
(تلف تلاقي عبد الرحمن ع الارض علي ركبة واحدة و بيطلع من جيبه علبة صغيرة .. يفتححخضوضة مش عارفة تقول ايه )
عبد الرحمن: انا بحبك .. و مقدرش اعيش من غيرك و انتي اللي نفسي اكمل معاها بقية عمري و اعيش ليها دايما و احبها باقي حياتي ❤ .. تتجوزيني ؟
( سلمي دموعها عمالة تنزل و و بتضحك بس، يشاور عبد الرحمن لحازم .. يشغل اغنية ضحكت يعني قلبها مال .. تقعد تضحك )
سلمي: موافقة ❤
عبد الرحمن: قوليها تاني 😍
سلمي: موافقااااة 😍
( يسقف كل الموجودين .. يلبسها الخاتم.. و يقوم يشيلها يلف بيها كتير )
عبد الرحمن: انا بحباااك ❤
سلمي: و انا كماااان بحباااك ❤❤
(يقفوا و حازم يشغل اغنية كل حياتي .. يرقصوا عليها و في نصها )
عبد الرحمن: بصي
سلمي : ايه ؟
(تبص تلاقي العاب نارية فوقهم كتير أوي..
سلمي: الله بحبهم اويييي 😍😍
( تلاقي الألعاب النارية اتعملت علي شكل اسمها و بعدها علي شكل قلوب كتير )
سلمي و هي بتحضنه : انا مش عارفة اقولك ايه بجد 😢❤ .. انا بحبك اوي ❤
عبد الرحمن: ان شاء الله حياتنا مع بعض اليوم ده هيكون قليل أوي بالنسبالها .. بحبك يا كل حياتي ❤
سلمي و هي بتحضنه اكتر: انا بحبك اكتر ❤
( تخلص الاغنية و يروحوا للي واقفين .. كلهم يباركولهم ، تجري سلمي تحضن مريم )
مريم : الف مبروك يا قلبي ❤
سلمي: الله يبارك فيكي ❤ .. انا مبسوطة أوي 🙈❤
مريم: ربنا يسعدكم يا رب 💕
حازم: مبرووووك
عبد الرحمن: الله يبارك فيك يا صاحبي ❤
(يسلموا علي باقي الناس اللي بيباركولهم.. عبد الرحمن يلمح ادهم واقف بعيد .. يروحله )
ادهم: مبروك يا عبد الرحمن
عبدالرحمن: الله يبارك فيك يا اخويا..عقبالك❤
(يبتسم ادهم .. يحضنه عبد الرحمن ..)
عبد الرحمن: هي سلمي ...
ادهم : سلمي زي اختي خلاص متقلقش
( يعدي الوقت و يتفرقوا.. سلمي و مريم يروحوا أوضة سلمي و عبد الرحمن و حازم يروحوا أوضة حازم .. سلمي قاعدة عمالة تبص للخاتم )
