عصام: هفهمك كل حاجة .. اهدي بس
(يقعد عبد الرحمن و يحاول يهدي و عصام يحكيله كل حاجة .. يخرج عبد الرحمن من عنده مصدوم و دموعه بتنزل .. ياخد عربيته و يمشي )
( عبد الرحمن في العربية ماشي و عمال يخبط في الدركسيون جامد)
عبد الرحمن : أزااي ازااااااي .. والله لقتلااااك
(ييجي الليل و هو لسه ماشي .. فجأه تيجي عربية من جمبه و هو ماشي بسرعة مش شايف .. يلمحها .. يفرمل بسرعة أوي و رأسه تتخبط جامد و تجيب دم ..
يروح يركن في مكان بعيد و يقف شوية و يعيط .. تليفونه يرن )
عبد الرحمن: سلمي
سلمي: مال صوتك ؟!! 😲
عبد الرحمن: انا عايز اشوفك ضروري
سلمي: دلوقتي ؟ ليه في ايه ؟!
عبد الرحمن: دلوقتي و النبي يا سلمي.. هعدي عليكي يلا
( تقوم سلمي تلبس بسرعة و تطلع لباباها
سلمي: بابا انا نازلة شوية مش تتأخر
عصام: ماشي يا حبيبتي
( تنزل سلمي تقف تستناه.. ييجي تركب و يمشي بسرعه )
سلمي: عبد الرحمن مالك ؟
( ميردش)
سلمي: انت متعور! 😟
عبد الرحمن: دي حاجة بسيطة
سلمي: بسيطة ازاي ! .. قل لي مالك طيب
(يقف بالعربية )
عبد الرحمن: انا مش قادر اتكلم .. انا تعبان اوي
سلمي: طب اهدي عشان خاطري
(ميردش و يعيط )
سلمي: تعالي
(تاخده في حضنهاا.. يفضل يعيط .. )
عبد الرحمن: سلمي انا مبقاليش غيرك دلوقتي
سلمي: ليه بتقول كده ..
عبد الرحمن: هحكيلك بعدين .. مش قادر دلوقتي .. متسيبنيش و النبي يا سلمي.. انتي الحاجة الحلوة اللي في حياتي دلوقتي 💔
سلمي بصوت واطي : عمري ما هسيبك ❤
(شوية و يمشي يوصلها .. تنزل
سلمي: ابقي طمني عليك
عبد الرحمن: حاضر
سلمي: و متسوقش بسرعة عشان خاطري
عبد الرحمن: حاضر ❤
( يمشي يرجع البيت وميسلمش علي حد و يطلع اوضته .. تتطلع وراه امه )
شكران: ايه اللي عمل فيك كده
عبد الرحمن: حادثة صغيرة مش اكتر
شكران: طب استني
( تجيب قطن و حاجات و تعمله الجرح )
شكران: مالك يابني
عبد الرحمن: تعباااان 😞
شكران: الف سلامة عليك يا حبيبي ❤
(شوية و تخرج و عبد الرحمن يكلم سلمي يطمنها عليه و ينام من التعب )
(تاني يوم الصبح .. سلمي مع مريم في الجامعة )
مريم: طب و مقالكيش ماله؟
سلمي: لا .. انا زعلانة عشانه أوي
مريم : انتي حبيتيه ؟
سلمي: حبيته اويييي يا مريم ..
حبيت كل حاجة فيه .. كل حاجه في شكله .. شعره، ضحكته، عينيه❤، طريقة كلامه ،و كل حاجه في شخصيته من اول ما بيكون احن واحد في الدنيا لحد ما بيتعصب .. عبد الرحمن طيب اوي والله ..ميستاهلش اللي كان فيه امبارح .. يا مريم شكله امبارح خلاني كنت بتقطع من جوه والله
مريم: طب و هو ؟
سلمي: هو مقالش انه بيحبني بس امبارح قاللي متسيبينيش و اني احلي حاجة في حياته .. انا مش عايزة اسيبه ابدا ❤
(يروح عبد الرحمن الشغل و يقابل عصام )
عبد الرحمن: صباح الخير يا فندم
عصام: صباح النور يابني .. ايه اللي عمل فيك كده ؟!
عبد الرحمن: دي حاجة بسيطه يا فندم متقلقش .. كنت عاوز اتكلم مع حضرتك
عصام: اتفضل يابني و قولي يا عمي
عبد الرحمن: حاضر 🙂 .. دلوقتي يا عمي حضرتك قلتلي اصبر و ارجع البيت عادي بس انا مش قادر .. مش قادر أشوف الراجل ده في وشي كل يوم .. ممكن اقتله والله .. انا ليا حق عنده و هاخده 😠
عصام: اهدي يا بني و انا هقولك نعمل ايه .. دلوقتي زي ما قلتلك ان اللي حصل كله مفيش اي دليل عليه غير شاهد واحد .. و الشاهد ده اختفي تاني يوم علي طول .. لحد ما ارجع ادور عليه و الاقيه تاني مفيش قدامنا حل غيرك .. انت نادر كان بيستخدمك عشان تسهله دخول شحناته من الجمارك .. يبقي لازم نستني معاد وصول الشحنة الجديدة و نقبض عليه متلبس
عبد الرحمن: طيب ..ربنا يصبرني بقا.. طب يا فندم امي و ادهم ؟
عصام: بص.. علي حد معرفتي بشكران هانم هي مش ممكن تكون عارفة حاجة و ساكته لانها كانت ست محترمة جداا و كمان كانت صاحبة أميرة والدتك جداا .. اللي معرفهوش ادهم ابنه
عبد الرحمن: لا ادهم مستحيل يعمل كده انا عارفه كويس
عصام: خلاص يبقي مشكلتك مع نادر بس .. لحد ما نتأكد
عبد الرحمن: تمام يا عمي .. عن إذن حضرتك .. اسف لو كنت عطلتك..
عصام: متقولش كده يابني .. انا عنيا ليك كتير أوي
(يمشي عبد الرحمن.. )
( تعدي الايام و سلمي و عبد الرحمن يقربوا من بعض اكتر
و في يوم بالليل تروح سلمي لعصام )
سلمي: بابا ؟
