لحلقة الثامنة: (كل حياتي♡ )
سلمي: بابا ؟
عصام: ايه يا حبيبة بابا
سلمي: في رحلة طالعة الغردقة الاسبوع الجاي .. ينفع اروح
عصام: كام يوم و مع مين؟
سلمي: هي مش تبع الكلية بس الدفعة كلها طالعة و هنقعد ٥ ايام
عصام: ماشي يا حبيبتي .. زي ما انتي عاوزه
سلمي: شكرا يا حبيبي 😘
(تاني يوم الصبح .. عبد الرحمن في مكتب عصام )
عبد الرحمن: اشمعنا طيب يا فندم
عصام: يا بني افهمني .. مكنتش عاوز اقولها لا و اقلقها فخليتها تروح مكان ما هي عاوز بس هبعت معاها اللي يحميها .. بص .. انا معرفش ايه الكلام اللي بيطلع من هنا لنادر و ممكن يكون عرف ايه .. و ممكن اللي احنا بنعمله ده يخلي نادر يئذيها و انا معنديش غيرها يا عبد الرحمن و مش هطمن عليها مع اي حد قدك ..
عبدالرحمن: تمام يا عمي
عصام: و كمان اهي فرصة تغير جو و تهدي شويه .. و كمان اخوك طالع فحاول تتأكد هو عارف حاجة ولا لا
عبد الرحمن: حاضر يا عمي اللي تشوفه .. اسم بنت حضرتك ايه ؟
عصام: سلمي
عبد الرحمن: 😳😳 .. طيب يا عمي عن اذنك
(ييجي الليل ، عبدالرحمن بيكلم سلمي فون)
سلمي: تتطلع معاها هي و انا لا !!
عبد الرحمن ماسك نفسه من الضحك: يا بنتي ده شغل .. اللواء اللي بشتغل معاه طالب مني اسافر مع بنته احميها
سلمي: طب علي فكرة انا كمان بنت لواء و ممكن اقول لبابا يخليك تسافر معايا 😌
عبد الرحمن: 😂😂😂😂😂
سلمي: بتضحك علي ايه !! 😠
عبد الرحمن: اصل انا هطلع معاكي 😂
سلمي: بجد !! 😐
عبد الرحمن: انا بشتغل مع باباكي ف كده كده طالع حتي لو مش بمزاجي
سلمي: بتهزر 😅😅 ..
طب قولي المفروض تحميني ليه
عبد الرحمن: مش مهم تعرفي .. المهم انك متخافيش و انا معاكي و خلاص ❤
سلمي: ماشي ☺
(ييجي يوم الرحلة.. سلمي و مريم في الباص.. سلمي قاعدة جمب الشباك و مغمضة عينيها و حاطه الهاندفري.. يرن تليفونها ترد بسرعة
سلمي: انت فين ؟ 😐
عبد الرحمن: بصي جمبك
( تبص سلمي من الشباك تلاقيه ماشي جمبهم . يشاوروا لبعض
سلمي: ماشي جمبنا من امتي ؟ 😅
عبد الرحمن: من زمان
سلمي: طب مقولتليش ليه ؟
عبد الرحمن: اصل كان شكلك زي القمر و انتي مغمضة و الشمس جايه عليكي 😍
(تتكسف سلمي و متردش
عبد الرحمن: لا مش هينفع كده 😍 .. ما تيجي تركبي معايا
سلمي: هشوف في الاستراحة 😌
عبد الرحمن: ماشي 😂 باي
سلمي: باي
(تيجي الاستراحة .. تروح سلمي تركب مع عبد الرحمن .. ادهم و صاحبه شايفنهم )
علي: مش هتعمل حاجة
ادهم: اعمل ايه يعني 😑
علي: هتسيبها تروح منك كده !
ادهم: عادي .. انا فعلا مكنتش بحبها بجد بدليل اني متضايقتش .. و شكلهم بيحبوا بعض فخلاص بقا
علي: براحتك 😏
(يوصلوا . يقضوا اول يوم .. تاني يوم ياخد حازم اجازة و يروحلهم .. يقعد حازم و عبد الرحمن في اوضة عبد الرحمن )
حازم: يعني انت بتحبها ؟
عبد الرحمن: فوق ما تتخيل ❤
انا مبقتش اقدر اعيش من غيرها .. و بفكر اطلب منها الجواز هنا
حازم: بس انت لسه مقولتلهاش انك بتحبها اصلا !
عبدالرحمن: لا 😅 .. هقولها الاتنين مع بعض😂
حازم: مبروك يا صاحبي 💃
عبد الرحمن: بس انا خايف من رد فعلها .. ممكن متوافقش ؟ 🤔
حازم: البت مريم اختي اكيد عارفة.. استني نسألها
عبدالرحمن: خليها تيجي دلوقتي
( سلمي و مريم قاعدين ع البحر يرن فون مريم تقوم ترد و ترجع تاني
مريم: هروح اشوف حازم عايز ايه و اجيلك
سلمي: ماشي متتأخريش
( تروح مريم أوضة عبد الرحمن .. يفتح لها حازم و تدخل )
مريم: انا بخاف من قعدتكم دي 😂
حازم: اقعدي يا بت
مريم: طب براحة 😂.. قعدنا .. عاوزين ايه 😌
عبدالرحمن: مريم . متعرفيش رأي سلمي فيا ايه ؟
مريم: ليه 😌
حازم: ما تردي و خلاص 😂
مريم: لا لازم اعرف 😌
حازم: عشان....
عبد الرحمن: ما تسيبني اتكلم طيب ! 😑
حازم: اتكلم ياخويا 😏
عبد الرحمن: لا فصلتني ..خلاص قول 😂
حازم: بصي يا بنتي.. الواد ده بيحبها و عايز يتجوزها بس خايف ترفض ف عايزين نعرف منك رأيها الاول
مريم تقوم تقف: هيييييه 💃
حازم و عبد الرحمن: ايه ده في ايه 😂
مريم: البنت بتحبك من زمان و موافقة.. يلا روح اتقدم متخافش 👏😂
و الف مبروك😌💃
عبد الرحمن: الله يبارك فيكي 💃
هتساعدوني طبعا ؟ 😌
حازم:معاك يا معلم
مريم: اكيد .. انا هرجع لسلمي بقا عشان قاعده لوحدها
(ترجع مريم لسلمي مبسوطة و مشغولة في الموبايل و سلمي مش فاهمة مالها )
سلمي: مريم مشوفتيش عبد الرحمن ؟؟
مريم: ها؟ لا ليه ؟
سلمي: مشفتوش انهاردة خالص.. وحشني
مريم: لا مشفتهوش
سلمي: هو مش جاي اصلا عشاني ؟ هو فين بقا !
( متردش مريم )
سلمي: طب انا هطلع الأوضة شوية
مريم: لا انتي مش هتتحركي من هنا
سلمي: نعم ! ليه !
مريم: خلينا قاعدين شوية البحر حلو
سلمي: طيب
(يعدي الوقت و الدنيا قربت تضلم
مريم: انا هقوم ثواني اعمل حاجة و جاية
( شوية و ترجع مريم )
سلمي: مريم انا زهقت من القاعدة هنا من الصبح
مريم: خلاص يلا نقوم انا كمان زهقت اصلا
( يقوموا و يروحوا عند أوضة سلمي ، تدخل سلمي الأوضة و تلاقي...)
