الحلقة الحادية عشر: (كل حياتي♡ )
عبد الرحمن: لا 😅.. احم، انا و ادهم مش اخوات اصلا
سلمي: نعم !
عبد الرحمن: بصي .. اللي انا عارفه من و انا عندي ٥ سنين أهل ادهم اتبنوني و انا عندي سنتين و مكانوش بيخلفوا .. بعدها بسنتين جابوا ادهم .. انا و ادهم كنا طول عمرنا اخوات و بنهتم ببعض و عمرنا ما كنا زي دلوقتي كده .. هو اتغير فجأه و انا لسه بحاول اعرف ايه اللي غيره .. زمان لما كنت بسألهم عن اهلي الحقيقيين كانوا بيقولولي ان هما و ابويا و امي كانوا صحاب أوي و هما صغيرين و ابويا و ابو ادهم كانوا فاتحين شركة مع بعض و الشركة نجحت و كبرت بسرعة بس بعدين ابويا و امي عملوا حادثة عربية و انا كنت معاهم .. هما ماتوا و انا عشت .. و الناس اللي طلعوني من العربية ودوني ملجأ .. قعدت فيه كام يوم لحد ما ابو ادهم عرف و راح اتبناني و طبعا بقا وصي علي ميراثي من والدي .. و انا لحد دلوقتي مطلبتش منه اي حاجة قال يعني بردله جميله عليا..
(يسكت شوية .. )
سلمي: طب انت اسمك ايه
عبد الرحمن: عبد الرحمن احمد الشريف
سلمي: احلي من عبد الرحمن نادر 😍
عبد الرحمن: 😂😂
سلمي: طب و بعدين .. ايه اللي حصل
عبد الرحمن بصوت مخنوق : اكتشفت ان كل ده كذب .. اهلي مماتوش في حادثة ولا حاجة
ولا نادر ده احسن راجل في الدنيا زي ما كنت متخيل
(عينه تدمع بس ماسك نفسه )
عبد الرحمن: نادر هو اللي قتل ابويا و امي يا سلمي !
سلمي: ايه ؟!
(تحط ايدها علي كتفه )
عبد الرحمن: قتلهم .. قتلهم من ٢٥ سنة .. عشت معاه ٢٥ سنه عمري ما حسيت في عينيه بأي احساس بالذنب .. كان بيبصلي في عيني ٢٥ سنه و هو قاتل ابويا و امي !!
سلمي: طب و انت عرفت ازاي ؟
عبد الرحمن: من فترة اتنقلت في الشغل مع لواء جديد ..
سلمي: بابا ؟
عبد الرحمن: اه .. باباكي هو اللي عرفني كل حاجة .. نادر و والدي و والدك كانوا صحاب أوي و هما صغيرين .. والدك كان ظابط و بابا و نادر فتحوا شركه استيراد مع بعض و زي ما قلتلك الشركة نجحت و كبرت بسرعة و في يوم ابويا اكتشف ان نادر بيجيب مخدرات في الشحنات اللي بيستوردها باسم ابويا .. الكلب كان بيخونه و كان هيلبسهاله لو حصل حاجة و اتمسك
(تنزل دموعه )
سلمي: و بعدين 😢
عبد الرحمن: في يوم سكرتير ابويا اكتشف كل حاجة و راح بلغه .. اول ما ابويا عرف اتصل بباباكي بسرعة و قاله كل حاجه و كانوا هيروحوا مع بعض يبلغوا عن نادر .. بس ملحقوش...
(فلاش باك ٢٥ سنة .. في اسكندرية )
(في بيت احمد..)
احمد: أميرة انا مش هقدر اسكت علي كده . انا بلغت عصام و هو هييجي و نروح نبلغ و السكرتير هييجي و معاه كل الورق اللي يثبت كل حاجة علي نادر .. انا مش عاوز اسيبكم هنا لوحدكم ف هوديكي عند ماما لحد ما ارجع ااخدك ماشي ؟
اميرة: بس يا احمد انا خايفة عليك أوي
احمد: متخافيش يا حبيبتي ان شاء الله مش هيحصل حاجة .. تخيلي لما عبد الرحمن يكبر هيفتخر بابوه و امه ازاي عشان مسكتوش علي الحرام .. ممكن كمان يحب يطلع ظابط ❤
أميرة: يا رب يا حبيبي ❤
(يرن جرس الباب .. في نفس الوقت سكرتير احمد كان لسه هيطلع )
احمد: ادخلي يا حبيبتي جهزي حاجتك يلا
اميرة: حاضر
( يروح احمد يفتح الباب ..)
احمد: عصام ..
(يلاقي نادر في وشه و معاه ناس )
احمد: نادر !
نادر: كنت مستني حد ولا ايه؟
(تتخض أميرة و تسيب عبد الرحمن في سريره و تخرج )
احمد: لا ابدا ، اتفضل .. مين دول ؟
نادر: هتعرف دلوقتي .. كنت مستني عصام ليه ؟
احمد: كان جاي زيارة عادي
نادر: كنت مستنيه عشان تروحوا تبلغوا عني صح ؟
( يتوتر احمد و أميرة )
احمد: أميرة ادخلي جوه
نادر: لا خليها .. أميرة مش غريبة
احمد: ادخلي يا اميره جوه
( تيجي تدخل يشدها واحد من شعرها جامد .. تصرخ .. بمسكها و يرفع عليها مسدس )
نادر: قلتلك خليها
يتعصب احمد : نادر ! مراتي ملهاش دعوة بأي حاجة بينا !
نادر: ازاي بقا ! بعد ما سمعت و عرفت كل حاجة ؟!
( احمد خايف علي اميرة و مش عارف يعمل ايه )
احمد : عايز ايه دلوقتي 😠
نادر : كان نفسي اقولك نكمل شغل مع بعض بس انا عارف كويس انك عمرك ما هتسكت ..
احمد: انت ازاي عملت كده إصلا ! احنا لما فتحنا الشركة دي اتفقنا نمشيها في الحلال !
نادر: الإنسان طمااع 😏 .. و بعدين انت فاكر الأرباح دي كلها من شغل الاستيراد بس !! فووووق .. اللي انت عايش فيه ده كله بسببي انااا !
احمد: يا ريتني ما عرفت واحد زيك 😠
نادر : نصيبك بقا يا صاحبي ..
(يطلع المسدس و يضرب نار علي اميرة.. )
احمد: اميرااااااه 😢
