سلمي: ابعد عني يا حيوان انت 😢
(عبد الرحمن قاعد في العربية سرحان.. فجأه يلمحهم ينزل بسرعة.. يضرب الشاب اللي كان هيقرب عليها بوكس يوقعه في الأرض )
شاب ٢: ايه يا وحش
(لسه هيقرب عليه يطلع عبد الرحمن المسدس عليهم .. تروح سلمي تقف وراه مرعوبة)
عبد الرحمن: ابعد بقا يا حلو انت و هو بدل ما احبسكوا انهارده
(يجروا بسرعة .. يلف لسلمي و في ايده المسدس يلاقيها خلاص هتعيط يقرب عليها ..تتخض )
عبد الرحمن: معلش انا اسف (يدخل المسدس)
عبد الرحمن: انتي كويسة ؟
سلمي: انا كويسة اه ، متشكرة أوي بجد
(تمشي تقرب علي عربيتها و هو وراها .. يلاقيها بتترعش )
عبد الرحمن: مش هتعرفي تسوقي كده .. تعالي اوصلك
سلمي: لا لا مفيش داعي شكرا
عبد الرحمن: مفيش داعي ازاي .. كده هتعملي حادثة و انتي مش ناقصة 😂
سلمي: مش عاوزة اركب مع اخوك معلش
عبد الرحمن: ادهم لسه مطلعش اصلا.. هوصلك و ارجعله .. اتفضلي يلا
سلميسلمي:ماشي .. متشكرة جدا
عبد الرحمن: علي ايه العفو
(يركبوا و يمشوا .. تبدأ سلمي تهدي شوية )
سلمي: هو انتي بتمشي بمسدس كده عادي ؟
عبد الرحمن: انا ظابط علي فكرة 😅😌
سلمي: اه مكنتش اعرف معلش 😂
عبد الرحمن: هسألك سؤال لو مش هضايقك
سلمي: اتفضل
عبد الرحمن: ايه المشكلة بينك و بين ادهم ؟
سلمي: هو من السنة اللي فاتت و هو بيرخم عليا كتير .. و بيقول انه بيحبني بس انا عمري ما صدقته
عبد الرحمن: طب ما ممكن يكون بيحبك بجد
سلمي: لو كان بيحبني مكنش كل يوم و التاني يعملي مشكلة قدام الكلية كلها ..
هو انت ممكن تقوله يبعد عني ؟ انا والدي لوا و ممكن اقوله و هيخلصني منه بسهولة بس انا مش عاوزة مشاكل
عبد الرحمن: متقلقيش انا هتكلم معاه و اوعدك ان شاء الله مش هيتعرضلك تاني
سلمي: هكون متشكرة ليك جداا بجد ..
انا بيتي هنا
(يقف عبد الرحمن .. تنزل سلمي )
سلمي: شكراا
عبد الرحمن: كفاية شكر بقا 😅 ..
سلمي: ماشي 😂، مع السلامة
عبد الرحمن: سلام 😊👋
(يفضل واقف لحد ما تطلع و يمشي .. يرجع عند الجامعة و يفضل مستني ادهم و بعدين يكلمه
عبد الرحمن: ايوة يابني انت فين
ادهم: انا روحت مع واحد صاحبي
عبد الرحمن: والله !! 😠 ( يقفل و هو متعصب.. شوية و يرجع البيت )
عبد الرحمن: بصي يا امي .. انا لا هجيبه ولا هوديه تاني عشان هو عيل اصلا
ادهم: عبد الرحمن احترم نفسك.. انا استنيتك و انت اللي مجتش 😒
شكران: ادهم احترم اخوك الكبير !
عبد الرحمن: استنتني اد ايه .. ده انا وقفت ييجي ساعة متكلمتش.. روحت مشوار ١٠ دقايق رجعت ملقتكش 😠 .. انا مش سواق اهلك انااا !
شكران: عبد الرحمن !!
عبد الرحمن: اسف يا امي .. (يطلع اوضته متعصب )
( بالليل قاعدة مريم مع سلمي في اوضتها )
مريم: يا ربي .. كل ده يحصل و انا مش موجودة !!
سلمي : اه .. الحمد لله ان عبد الرحمن كان موجود
مريم:جدع و محترم أوي 😉
سلمي: اه جدا 😍
بقولك ايه.. انتي اللي هتوصليني بكرة عشان سبت العربية عند الجامعة
مريم: تحت امرك انا 😏
سلمي: ما انا بوصلك كل يوم و مبتكلمش😒
مريم: عشان سواقتي ممكن متوصلناش الجامعة اصلا 😂
سلمي: مضطرين بقا نعمل ايه 😂
مريم: 🤣🤣 .. انا همشي بقا اتأخرت
سلمي: ماشي سلام 😘
مريم: سلام 😘
(تقعد سلمي لوحدها تفكر في عبد الرحمن .. تفتح الفيس تدور علي اكونته و تجيبه و تقعد تقلب في الصور )
سلمي: ايه يابني الصور دي 😍
(عبد الرحمن قاعد في اوضته بيفكر في سلمي .. يفتح الفيس يدور علي اكونتها .. ميلاقيهوش فينام )
( تاني يوم بالليل يروح عبد الرحمن لحازم صاحبه البيت .. يفتح حازم الباب )
حازم: حبيبي .. واحشني
عبد الرحمن: و انت كمان .. عامل ايه يا معلم
حازم: فلة .. تعالي ادخل
