لا تنسون حبايب التصويت وساعدوني حتى اكدر اوصل الواتباد ماتي لاكثر ناس سوولة شير
#صغيرة_باعوني
كتابه رؤى صباح مهدي
الفصل الخامس
فتحت عيني بصعوبة ولقيت نفسي نايمة على فراش اسفنج مضغوط مشكك ويمي طبلة مكسرة رجليها مفطورة والوانها رايحة وريحة المكان مقززة. باوعت على الغرفة بنص عين وريحة المعقم عامية المكان. لساني كان جاف يابس وشفايفي متشككة من كد الجفاف وجسمي متحطم يوجعني ورجلي بيها الم قاتل ويمكن هو الألم اللي صحاني من الاغماءة الكنت بيها. باوعت داير مدايري وجان بالغرفة كلشي ماكو اثاث غير اللي كلتهن والكاع صبة ووصخة كلها أوراق وعلاليك مشككة والحيطان كأنو طلق عليها والشباك متغطي بعلاكة سودة ترفرف كلما هبت نسمة صغيرة. جنت عطشانة كلش. ميتة عطش. مديت ايدي على كلاص مي ستيل على الطبلة وردت اشرب وشفت بي ذبانة ولعبت نفسي وشمرت الكلاص وانجب المي اللي بي بالكاع وطلعت ريحة حلوة مال التراب الي على الصبة. كمت ابجي وادعي الله يخلصني من هاي المصيبة اللي اني بيها واكيد هسة اهلي متخبلين علية وكالبين الدنيا بس بنفس الوقت ماكو أي احد راح يساعدهم... قليل مختطفين يرجعون سالمين بالعراق لاهلهم وحجي مغوار يمكن يريد ينتقم من عندي لان ابوية تحداه بسببي او يجوز لاي شي اخر اني ما اعرفه.. جربت اكوم بس الألم برجلي جان يموت وشفتها مربوطة بلفاف ابيض مبين مطلعين الطلقة ومضمدين الجرح ومن ريحة التعقيم هم مبين معقمين الجرح حتى ميلتهب. جريت نفس مهموم وبجيت اكثر لان خفت وحتى ما اعرف بيش الساعه جانت بس الظاهر نهاية العصرية. واني دا افكر جان اسمع صوت شحاطة وشفت الولد أبو اللحية اجة وجان يتفاجأ من شافني صاحية فرأسا حذرني:
-لتتعبيني والا متلومين غير نفسج.
خنست بمكاني وظليت ابجي بصوت مكتوم وهو طلع الظاهر اجة على صوت الكلاص اللي شمرته ومن شافني كاعدة راح يجيبلي شي اكله لان رجع وية صينية صغيرة ستيل بيها لفة همبركر مبين مشتريها ومخليها هنا من وقت لان باردة وصمونها بدة يتفتفت. انجبرت اكلها لان جوعانة كلش وجابلي بطل مي وهم شربتة كله وظليت منجطلة بفراشي خايفة اتحرك ورجلي توجعني كلش. ورة ساعتين هم رجع يجيكني وماحجة أي حجاية بس مد راسه تأكد اني موجودة و وخر. صحتلة :
-عفية اريد مهدأ للالم رجلي دتموتني
ما دارلي بال راح واني عبالي طنشني بس ورة شوية جان يرجع وبيده حباية وشمرها علية وكال:
ابلعيها ونامي باجر يجي الحجي واحتمال ينقلج غير مكان. راح وعافني وية الخوف والتفكير وظليت الليل كلة كوابيس وخوف واتقلب من اليمنة لليسرة ما اعرف شراح يصير بية.
الصبح ما اعرف بيش الساعه بالضبط بس مبين كلش من الصبح لان الهوة جان حلو وبردان .. اجاني الولد أبو اللحية وقال:
أنت تقرأ
صغيرة باعوني لهجة عراقية
Romantizmقصة حقيقية/عندما تصاب العائلة بالافلاس تتجه الانظار الى ابنتهم الصغيرة من اجل المال. فيزوجها الاب الى رجل عجوز ولكنه غني .. وحين الذهاب الى بيته تكتشف ميوله المنحرفة والشاذة
