Poetry Compilation (Eng/Fil)

Poetry #13

Taguan ng Nararamdaman

Isa, dalawa, tatlo
Nakatago na ako
Nakatago sa matang tinatakasan ko
Mga mata mong pilit nahuhulog ako
Mga ngiti mong pilit kinakalimutan ko

Daig pa ang nakakita ng multo
'Pag lumalapit ka sa gawi ko
Puso'y tumitigidig na parang kabayo
Puso'y gulo na tila nabihag mo
Kahit alipin mo'y nanaisin ko

Ba't ba tinamaan ako ng ganito?
Parang isang kriminal na nagtatago
Na natatakot mahuli ako
Dahil sadyang mahirap at 'di biro
Sapagka't alam kong di mo 'ko masasalo

Alam kong iba ang nais mo
Alam kong 'di ako ang magugustuhan mo
Sapagka't mga mata mo'y iba ang nakikita ko
Nakikita ko ang babaeng nararapat sayo
Na kailanman 'di magiging ako
'Di magiging ako, ang kaibigan kong pinapangarap mo.