#سميتك_معشوقي
1
:سالمه ياسالمه
جاته سالمه تجري :نعم نعم جيتك
سعد: اسمعي من الاخر جاي عريس لبنتك عبير
سالمه حطت يدها علي قلبها: من هوا
سعد: ماتعرفيه واحد من اغنياء البلاد
سالمه: بس بنتك مسميه لولد عمها
سعد: ههههههه ولد عمها قال تي معقوله انبدل الرتشي بهالمنتوف والاهم ان مهرها ثلاثميه الف
سالمه: معقوله مهرها ثلاثميه الف وليش اصلا ناس زي هكي ياخذو من بناتي
سعد: بنقولك لكن متقوليش لبنتك نفرملك لسانك كان قوليتلها
سالمه: شنو
سعد: العريس معاق فكريا مجنون بالفقاشي
سالمه: شنو 😳 حرام علي. حرااام بناتك توخذ فيهم على كيفك وكيف مانكان اثنين من بناتك وحده عطيها لواحد سكار نكار والاخر شيباني امكيح وتوا لواحد امختش على خاطر وسخ دنيا
سعد: والله ماوسخ الا انتي وبناتك انبيعكم كلكم علي خاطر الفلوس المهم توا عدي قولي لبنتك راهو بكرا بياخدها
سالمه:😭😭😭😭 الله ينتقم منك ياظالم
.
.
.
.
طقت سالمه الباب وخشت علي عبير وتسنيم
سالمه: يابنات وينكم معش تطلعو من الدار اني اللي عايشه معاكم ومتوحشتكم
عبير: هه عليش نطلعو بيش انحصلو الهزايب وباتي مش طايقنا وعالطالع والنازل يهزب قلنا نقصرو الشر ونقعدو في دارنا ومنه يكسب راحته
سالمه: الله غالب يابنتي هذا نصيبنا اني شن انقول اللي عايشه معاه اكثر منكم واربع وعشرين ساعه قدام وجهي ونرقد معاه في نفس الدار بس والله لولالكم راهو من زمان خليتها ليه واسعه،المهم توا ياعبير نبيك في كلمتين
عبير: نعم ان شاء الله خير
سالمه : خير ان شاء الله تسنيم اطلعي شوي
تسنيم : واللهي منيش اني وعبير ماندسو شي علي بعض
عبير: صح كلامها قولي قدامها وخلاص
سالمه: باه يابنتي من الاخر بوك ناوي يزوجك على كيفه كيف مازوج خواتك
عبير نزلت راسها وعيونها امتلو بالدموع: وولد عمي
سالمه :اه مش نصيبك يابنتي
عبير:عارفه انه هذا اليوم رح يجي مش متفاجئه
سالمه: بس ان شاء الله حظك احسن من حضهم اللي بياخذك ولد مليونير ليبي
عبير :وشن ينفع اهي سلمه راجلها غني بس شيباني
سالمه : الله غالب عليك بس مش هذي المشكله
عبير: الله يستر شنو
سالمه : غدوا زفتك وبلا عرس لاشي
تسنيم: شني شني شن يحاسب روحه بنته عايبه ولا مستغنين عنها مستحيل ياامي نسمحو بالهشي هذا
عبير: اني موافقه
تسنيم: هبلتي انتي سمعتي شن قالت امي
عبير: سمعت وراضيه ولا تبي بوك يسود عيشتنا اكثر ماهي سوده
سالمه: الله يرضا عليك يابنتي وان شاء الله يبعثلك ايام كلها هناء
تسنيم : باهي معقوله تمشي هكي حتي دبش ماعندها
سالمه ؛ محلوله تو انكلم سلمه دبشها كيف ماهو تعطيك منه
.
.
.
.
.
.
.
: الو فاطمه
فاطمه: اهلين ياحاج
الحاج عبدالله : شن اخبارك واخبارك الاولاد
فاطمه : كويسين انت شن حالك وحال عامر
عبدالله :الحمدلله في نعمه شن بنقولك
فاطمه : نعم
عبد الله : لقيت عروس لعامر
فاطمه : شنو 😳 شن هالكلام شكلك خرفت يارا جل
عبد الله : لا خرفت لاشي ولدك لازمه مره تهتم بيه وخاصه في امور الخاصه لأنه ولدك كبير وميجيش ينكشف عالشغالات وخاصه لما تجيه حالات الصرع
فاطمه: واني اخر من يعلم وبعدين من هالعيله اللي حترضا بيه بعدين ولدك مايفهمش شي في الزواج
عبد الله :هي مش حتكون زوجه ليه هي مجرد خدامه ليبيه بس وتقدر تشكف عليه
فاطمه :وهما كيف رضو بيه
عبد الله : العروس من عيله فقيره وبوها واحد طماع اول ماعرضت الفلوس وافق
فاطمه: يعني بنت فقر وخاشه علي طمع
عبد الله : مش مهم المهم انها اتكون شغاله لولدك بعدين المفروض تفرحي انه حققنا امنيه ولدك قبل يصير اللي قال عليه الدكتور
فاطمه : بس خايفه اتضر ولدي بنت الفقر هاذي
عبدالله :ماتخافيش احني حنراقبو تصرفاتها واي غلط منها حيكون حسابها عسير
فاطمه : هي من وين
عبدالله : مش من منطقتنا يسكنو في قريه بعيده
سكر عبد الله التلفون : عامر عامر
جي عامر يجري : نعم بابا
عبد الله : حبيبي اهو درت كيف ماقلت بنجيبلك احلي عروسه
عامر قعد ينطط من الفرح : هيييي هييييي
عبدالله: بس لازم اتكون مؤدب قدامها ومديرش حركه مش حلوه بش ماتضحكش عليك
عامر: اه حاضر حنكون مؤدب ومش حندير اي حركه عبيطه بس بابا امتي بتجي عروسه
عبد الله : غدوا حبيبي توا امشي قدامي خلينا انزبوط ونحلقولك
.
.
.
.
.
اليوم التالي
سالمه: الله يوفقك يابنتي ويسعدك معاه
مسكت عبير يد امها وباستها
تسنيم وهي تبكي: حرام وحده بجمالك تتزوج هكي زيجه
سلمه: الله لايسامح بونا الظالم حتي ناديه ماقدرت اتجي تحضر من راس راجلها اليابس
سالمه: الله غالب هذا نصيبكن وتو فوتو كل شي وافروحو لاختكم
لبست عبير فستان ابيض بسيط وفتحت شعرها ودارت شوي مكياج وبس
خش سعد : هي بسرعه البسي يابنت الراجل يستني في السياره
تسنيم: معقوله ميخش يسلم وياخذ مرته
سالمه:....
عبير سلمت علي خواتها وطلعت ركبت السياره من ورا جنب عريسها
عبير (نبي نتلفت انشوف شكله ومتحشمه )
عامر: بابا بابا هاذي العروس امتاعتي ؟
عبير تلفتت بصدمه لعامر وشوي حست الدنيا ضببت عندها ومعاش حست بشي
.
.
.
.
.
.
يتبع
