من الخائن
انين الرووح
بارت ..٢
الله يساعدك ياخوي ويكون في عونك وان شالله تدبر وتكدر تسفره
اشكرك احبيب وممنون منك حيل
يمعود انت اخوي واجبي اساعدك
ما تقصر مهدي دوم شهم
تسلم ابو ايهم
قاسم اني تحلفت الصاحبنه اكتله كتله غسل ولبس لان وين ما يكعد يكول عني لزكه واني اتخبل من هالحجايه رحت حجيت وي يوسف وكتله اعزم محمد خل يجي للكوفي
عزمه وتفقنه ساعه ٦ العصر نلتقي
رحت وصلنه شفته كاعد عالميز ويأركل
سلمت ردلي السلام بس اني متنك عليه حيل
هاي شبيك قاسم شو كوه رديت السلام
اي مو تعرف اني لزكه ولازك بيك هسه ف عليش اردلك السلام مو لازك بجاكيتك يعني انت بوجهي ٢٤ ساعه ف محاجه ارد
محمد ..شنو هالكلام قاسم شبيك تخبلت
قاسم ..خرب وجبته ابوكس طيرت خشمه 👊
والدم كام ينزل ع حلكه وعلكت بيني وبينه صرنه دمايه الجلب يمه بطل ببسي كزاز كسره وشك يدي والدم اخذني كوه الشباب فكونه وخذونه للمستشفى
خيطولي الجرح اربع اخياطات وطلعنه كتلهم اني ارجع للبيت
رجعت وبدخولي صار ابوجهي مهدي
هاي شنو شبيك ليش هيج وجهك
قاسم ..تعاركت
ويامن تعاركت
ويه محمد
ليش مو هذا جان من اعز اصدقائك
مو كل كعداتك ونراكيلك ونساتك وياه
هسه شتبين منه طلع مو خوش صاحب
شبيك مهدي جنك مصدكت تشوفني هيج حتى تفتح وياي تحقيق
لا يابوووو ليش احقق قابل انت صغير
بس عاد كلنه ويامن تعارك بس الصدك
قاسم .ويه محمد اجاوز عليه
قاسم تره اني مثل ابوك وكبر منك ١٣ سنه وربيتك ع يدي من جنت انت بلفه يعني خوفي عليك مثل خوف الاب ع وليده
عيش حياتك اني ماكلت شي بس اعرف المن تساير من بين الصحبان والشباب لان هذا وكتنه يجرف الثكيل وي الخفيف واني خايف عليك لا فديوم تطيح وماتلكه اليشيلك
مهدي لا تخاف عليه اني ترباتك وعرف اميز الناس بس من كلمه هلو
مهدي ..ان شالله يخوي
زينب ..بعد ما ازوجت زهوره فرغ بيت اهلي بقت بس امي والولد وخطيه امي مريضه وتعاني من الضغط والسكر ومالها خلك تكوم عالبيت والولد
ف اتفقنه اني وزهراء كل يومين تجي وحده للبيت تنظفه وتطبخ وتغسل ملابس الولد ..وستمر هذا الحال شهر
طبعا اني بيتي قريب ع بيت اهلي ابفرعين بس بيت زهراء لا بعيد حيل تقريبا مسافه ساعه بالسياره من عده الازدحامات والسيطرات
مره مرتين زوجها اتأفأف من جيتها
حمزه ..شنو زهراء اني ازوجتج لو ازوجت اهلج انتي ما يصير كل يومين رايحه الهم انتي بعد ازوجتي وصار الج بيت وزوج وعيال لا والنوب انتي توج حامل
زهراء ..قابل اني اروح اتونس ياحمزه اشو اروح انظف وطبخ وغسل هدوم اخوتي والله باب الشارع ما اوصللها
اعرف والله انتي متوصلين باب الشارع بس اني هم الي حق عليج ماحب ارجع للبيت الكه زوجتي ماموجوده واختي تحضرلي الاكل والحمام خو لعد لو ادري هيج حيكون زواجي ما ازوج وبقه اعزب احسلي من هالعيشه
