من الخائن
انين الرووح
بارت ...٦
تعوذت الشيطان وكلت اصبر وشوف تاليها
زهراء ..اليوم يجي قاسم من الشمال مشتاقتله والله خلي اروح واشوفه وخابر ع زينب هم تجي واشوف جهالها
دكيت الو زينب اليوم قاسم يجي خلي نروح البيت ماما وهناك نتغده ويه الجميع ولازم نضوك طبخ ايه ونشوفها اتساعد امي لو كاضيتها نوم اشو السبعه وخلصت
زينب ..ان شالله بس يجي هادي اجيبه ونجي
اكلج زينب تكدرون تمرون عليه تاخذوني لان حمزه مو بالبيت ويتاخر بالرجعه
اي ان شالله نمرلج بس انتي تحضري
اي اني خلصت كل شغلي وراح اكعد انتظركم ع نار
صارت الساعه ١٢ جتلي زينب وهادي سلمت عليهم وصعدت السياره وصلنه البيت امي دكيت الباب طلعت امي كوه تمشي سوده عليه
هااا يوم شلونج
يمه شلوني داموت من رجلي السكر لعب بيه لعب ما خله الي عظم صاحي الم ونار جاي تطلع من قدمي
سوده عليه يايمه
زهراء ..يوم لعد وين ايه
سافرو اليوم لشمال ساعه ١٠ طلعوا
هاي صدك تحجين
اي والله ضغطت حيل ع مهدي
ليش خليتيهم يسافرون
لا يمه خليها شويه تتونس هم خطيه جانت محبوسه ابيت اخوها ما تطلع للباب
زهراء ..والله خوش من هسه مسيطره ست الحسن ع مهدي
زينب ..زهراء كولي يا الله البنيه توها ازوجت شلحكت اسيطر عليه
والله وداعت جهالج وعيونج تجي الايام وتثبتلج بأن ايه مسيطره ع مهدي
لان مهدي فقير ومسامح وينقهر ابساع ما يتحمل يشوف دموع احد
ندك الباب راح ايهم يركض يفتحها ودخل قاسم للبيت استقبلنا بالحضن والتبوس
قاسم ..ولكم الحكولي ميت جوع ما اكلنه بالطريق لان الكل فلس
يمه شنو غداج
والله بعدني ماسويت شي انتظرت خواتك يسون دولمه ونتغده كلنه
ولج يمه ميت اكلج ميت اريد اكل اي شي حتى لو خبز يابس
زينب ..لا خويه هسه اكوم وحضرلك شي بسيط
اي فدوه رحتلج اختي الجبيره
كومي زهراء حضري غراض الدولمه
اي حكوم وندك الباب
زهراء ..هاي منو هسه جاي ابعز الظهر روح ايهم شوف منو عالباب
اي خاله رايح اني
هله هله هله وميه هله لج هاي وينج وين هالغيبه حتى بالسبعه ما جيتي ليش
والله جنت شويه مريضه ومكدرت
زهراء ..زينب زينب شوفي منو اجه عالغده
زينب ..انداريت واشوف اقبال ...!😳 ها عوبه شجابج
محسن وصلني وراح
لعد ليش مجيتي ويانه
مجنت مفكره اجي بس ضجت وقررت اجي يمكم اتغده
بس كولولي انتوا اتغديتوا لو بعدكم
زهراء ..لا ولج تونه راح انسوي غده الله جابج النه تعاي ساعديني
اي اساعد بس وين العروسه
يمعوده اليوم راحت لشمال
اقبال ..اي الله يسعدهم
كعدنه نلف الدولمه
اقبال ..اكلج شكد بشهرج انتي زهراء
ابشهري صار ٢٠ يوم من دخلت والله وجاي كوه امشي وتحرك بطني واصله الخشمي
الله يكومج بالسلامه
تسلمين عمري يوم التزوجين وتخلفين وحده مثلج حلوه
اقبال يمعوده بعد فات علينه القطار منو يدور مواليد ٧٨ يزوجها كلها تريد تسعينات
زينب ..لا والله ليش اكو هواي بنات مشن خوما انتي بيج شي لا سامح الله بس بعد قسمتج مجايه
اقبال ..حتى اذا تجي اني ارفضها لان ماريد زواج عمري مو حمل زواج بعد
ليش يمه شنو دخلتي بالخمسين ولج حتى ام الخمسين هسه صايره تزوج
وضحكنه كلنه
كمت خليت جدر الدولمه عالنار
قاسم ..دخلت للمطبخ
ااااه😜 هاي منو جاينه اليوم اقبال العرجه
ولك انجب شنو عرجه
اي اني من جنت صغير شفتج تعرجين
اي غير نجرحت ابرجلي وما اكدر امشي عليها كمت اعرج
اي لعد بعد شكو ضجتي من كتلج العرج قابل اني كاذب
خرب ولك رجعت قاسم لتخليني اكوم اكتلك
يله كومي حتى ارجعج تعرجين لهلج
خررررررب قاسم راح اجيك وركضت وراه ابطل مال مي مليان وارش عليه وهوه يركض ويضحك صعد فوك
واني تعبت كوه اتنفس الخبيث حيل شباب شايل واني بالنسبه الك عجوز
بسيطه قاسم قابل مراح تنزل بعد
اني اعلمك
صارت الساعه ٢ الظهر نصبنه الغده ولتمينه وجانت اطيب دولمه بالعمل الجماعي
الام ..تمنيت مهدي وزوجته ياكلون ويانه لان خطيه مهدي يحب الدولمه والمه
زهراء ..يوم لتنقهرين اول وتالي نكعد كلنه سوه وناكل من يدج الحلوه
الام ..اي حبيبتي ان شاله
يوم اكلج اشو احس الم يروح ويجي ابطني
اي هاي تشاليع
يعني شنو تشاليع
يعمي مغص الولاده عالابواب احتمال هاي ايام ولادتج
يوم بس اني خايفه حيل
لا حبيبتي لتخافين الله يسهل ولادتج ان شالله
اي يوم ادعيلي عفيه
زينب ..هاي شبيج يمعوده هي مثل جكه الابره متخوف
اقبال ..اهمست بذان زينب صدك متوجع هي
زينب ..ههه يامتوجع تموت وجع اتحسين روحج راح تطلع من شده الالم بس ماريد اخوفها ويصير عدها عسر
اريدها ترتاح حتى يخف عليها الالم
اقبال ..هاااا اكول لان اني سامعه الولاده مؤذيه حيل
زينب ..بس منسيه لان شلون لعد نخلف اثنين او اربعه تنسين الالم بس يطلع الطفل
اقبال ..الله يسهللها ان شالله
كمنه غسلنه الماعين ورحنه للهول الكل نجطل بالكاع ونتابع تلفزيون والجهال يلعبون يمنه بالمكعبات
للمغرب بطني صارت توجعني حيل كلت الام كالتلي خلي نروح للقابله ام حسن
طلعنه تمشينه وصلت وتمددت عالسديه
عيني بعدلها اشو
