من الخائن
بارت...٥
انين الرووح
فترينه بالشارع واخذنه صور ورجعنه للبيت
طبعا اني جنت اتمنى اروح فندق بس هوه كلي نروح لشمال فد يومين نبقه اهناك واني كيفت لان مشايفه الشمال لان ما اطلع
مصدكت من كلي شمال
رجعنه وفتنه غرفتنه كعدت ع الجربايه وتقرب عليه مهدي باس جبيني وسحب يدي وباسها
ايه اتمنى تكونين الي الغطه اليحميني ويدفيني طول عمري ...
يابنت الناس تره اني انسان متعوب وشلت هموم من صغر عمري اريدج تعوضيني كل هذاك التعب ولا تنسين امي وتكونين الامي حمامه وملائكه الرحمه
صار تدلل اني كلشي راح اسويلك حتى انت ترضه عليه بس ابشرط واحد
شنو شرطج
حباب اني محرومه من كلشي جنت ابيت اهلي ابسبب جمال يعني لا طلعه ولا لبس ولا شي يقبل بي الاريده منك لتحرمني انت هم خليني البس وانت طلعني واكون الك مره معدله وشيلك مثل مي بالصينيه
صار ودللي هذا طلب بسيط
ممدني ع الجربايه وصرت مره مهدي جان حيل طيب ويايه بالاخص من اخذني محسيت بخوف جنت احسه مثل بلسم ع كلبي
ثاني يم كعدنه امي جابتلي صينيه المصباح كيمر وكاهي وبيض ومربه وصمون يعني الصينيه مناقصها شي حيل حلوه ومليانه
طلعت من غرفتي لابسه برموده حمره ضيكه ع جسمي
شافتني عمتي ام مهدي ...صباح الخير ياوجه الخير ع عروستنه
هلو عمه صباح النور
يمه امج اجتي وجابتلج المصباح تعاي انتي ومهدي تريكوا
اي عمه هسه اصحي لان بعده نايم
يمه وغيري هاي البجامه انتي عروسه لازم تلبسين كلبيه حلوه لان الناس راح تبدي تجي اسلم علينه وراح يشوفوج وعيب تطلعين ابهذا لبسج
ايه ....في كلبي حجيت اهووووووووو بدت رحمه الله هذا اول يوم وامه دخلت نفسها ابلبسي
رديت عليها .لا عمه بس اتريك وروح اغير لبسي صار من عيني
ام مهدي .ربي يسلم عيونج الحلوات
دخلت صحيت مهدي
مهدي يله كوم امك تكول تعال تريك
اي اي كمت
مهدي .كمت غسلت وبدلت وطلعت شفت عمتي ام جمال جايه يمنه وايه كاعده يمها فتت سلمت
ام جمال ..مصباح الخير ع زوج بنتي الف مبروك يمه
الله يبارك بيج حجيه
يمه منك المال ومنها العيال
ان شالله حجيه
تعال تعال اكعد ابصف عروستك
اجيت وكعدت صباح العسل عالعسل
صباح النور
حبيبتي طالعه كيكه شلون احمر ضارب عالخدود
شفتها لابسه برموده حمره تريد تاكل من جسمها قطعه
بالاول ردت اكللها عالبس بس اذكرت من كالتلي البارحه خليني البس ع راحتي لان محرومه
ام جمال ..رحت الصبح للسوك جبت شغلات الصينيه المصباح مال ايه وساعه ٩ دكيت الباب طلعتلي ام مهدي استقبلتني اجمل استقبال فتنه وكعدنه بالاستقبال
شويه وطلعت ايه جتلي تركض
هلووووو ماما اشتاقيتلج كووووومات اموااااه 😘😘😘
ام جمال ..صباح الورد الف مبروك يمه بالرفاه والبنيه
شكرا ماما
الام ..يمه ايه ليش طالعه من غرفتج ابهالبس المخزي
ايه ..اهووووووو ماما بدينه تره اهنا مو بيت جمال بعد كافي اني ازوجت وراح البس اليعجبني ماله احد سلطه عليه غير مهدي زين ماما
الام ..يمه بس هم عيب عدهم اخ وعايش وياهم ولازم ما يشوف ملامح جسمج وهاي البجامه مقسمه عليج تقسيم
ماما عفيه تره اليوم اول يوم الي يمهم حتى بعدني مشايفه اخوهم عود من يجي اغير لبسي لشيلين هم ع بنتح تعرف تصرف تره
الام ..يمه بعد ما اوصيج اعتبري ام مهدي مثلي هم ام الج هاي ثانيه عامليهم كلهم ابمحبه
اي ماما ..مو كافي خل نتريك لان جوعانه
اجه مهدي وسلم وباس راس امي وكعد ابصفي شويه تغزل بيه وبعدها تريكنه كمت اريد اروح للغرفه ابدل جان يأشرلي مهدي بعيونه بمعنا شيلي الصينيه
اني عوجت حلكي😕😒😒🤨
هاي عود اول يوم الي وتريدني اشيل الصينيه مو اني عروسه لازم ما اشتغل للسبعه
ردت ارفع الصينيه وجان اسمع زهراء تكلي لا عوفيها انتي عروسه اني اشيلها ابمكانج
عفتها ورحت الغرفتي البس كلبيه لان بدت الناس تجي تبارك النه
طلعت لابسه كلبيه بنفسجي ضيكه مقسمه ع جسمي وسشورت شعري وخليت مكياج غامق لان اني احب المكياج ومحرومه منه
اطلعت شفت كرايب مهدي موجودين سلمت عليهم وجان مهدي كاعد يمهم بس انتبهت ع ابنيه صافنه عليه يمكن جمالي سحرها ههههههه😛😛
صار وكت الغده عمتي جانت محضره النه سمج ومقبلات وكلشي تغدينه كملنه اني رحت الغرفتي بدلت ملابسي لبست دشداشه قصيره وشغلت السبلت اريد انام شويه
سمعت باب الغرفه انفتح اكيد مهدي اجه اهوووو طبعا اني ولا حابه شكله احسه حيل جبير عليه تمنيت ازوج شاب حلو وسيم اتباها بي كدام الكل بس حظي دزلي هذا الشايب
سويت حالي نايمه
تقرب ومدد قريب مني وبده يلاعب جسمي
ايه نمتي لج شنو تنامين وحنه البارحه ع عرسنه ايه اصحي
مهدي عوفني نعسانه مشبعت نوم
بشرفج اصحي الخاطري
مهدي لتلح عفيه ما اكدر والله ميته نعس
😔😔 عفتها ع راحتها ونمت صحيت العصر شفتها بعدها نايمه ...ايه اصحي تره صار العصر
هاي شبيك مهدي تره ضوجتني كل شويه مصحيني شتريد مني
مهدي ..غير صار العصر واريدج تكعدين كافي نوم مشبعتي
هاي صحيت شتريد
ماريد بس اريد اشوفج وميصير اظلين للمغرب نايمه وانتي عروسه جديده
اي وا
