من الخائن
بارت...٣
انين الرووح
لاطبه ولا طلعه من هالبيت اله من امي تروح البيت ام مهدي
هاي فرصه هسه اطلع وشوف وجه الدنيا
ام جمال ..يجي اخوج ونشوف شنو رأيه
يمه فدوه رحتلج انتي قنعي خليني ازوج اني هم مو صغيره كافي بقيت يمكم هواي خل اشوف حياتي بعد
ام جمال ..لج استحي شويه خلي مستحه بروحج اليسمعج يكول معيشيج ابجحيم
اي يوم جحيم اني احب امكيج والبس وطلع وسمع اغاني
وجمال كاعدلي ركبه ونص لا تسوين لا تلبسين لا لا لا
الله يساعد الي راح تزوجه الاخويه جمال ويبوووووووو اذا صار عنده بنات هاي بعد الطامه الكبرى
انجبي ولج لا تظلين تحجين ع اخوج لا والله اكوم وكسر حلكج تكسير
هاي يمه لصمنه حلكنه بعد منحجي بس اني اريدها منج جمال يوافق 🤫🤫🤫
خليت العشه وكعدنه كملنه وماما حجت
جمال رايدك بخبر
اي يمه احجي
اني كمت سويت حالي ماعرف عن شنو يحجون طلعت وره الباب وكفت اتسمع عليهم
ام جمال ..يمه البارحه جتي ام مهدي علينه وطلبت اختك زوجه الابنها مهدي شتكول انت
جمال ..والله يا يمه ناس من خيرت الناس واني لليوم مسامع شي عن مهدي رجل ابدربه ماله علاقه بحد غير بيته
اي يمه اني لو عليه اشيل ونطي بس الراي راي ايه هي الراح تعيش وياهم
ام جمال ..اني اسألت ايه عن الموضوع وكالت راي من راي اخويه لان هوه ولي امري
جمال ..هاهيه لعد يايمه ماطول رايها من رايي ماكو احسن من مهدي زوج الاختي
ايه ..من سمعت رد جمال طرت من الفرح الدنيا ماشالتني من الفرح ركضت الغرفتي واني اكمز ...واخيرا راح ازوج واخيرا راح اخلص من تسلط جمال عليه واخيرا راح اشوف الدنيا
ام جمال ..من عرفت رد جمال وموافقته عالناس رحت الايه فتت للغرفه
ولج هاي شكو شبيج تكمزين
ولج يمه صدك راح ازوج 😁😁 والله ما مصدكه
وجع والله وجع صدك انتي ما تستحين وماعندج ذره خجل تره البنات من يسمعا راح تزوج تكظيها خجل وبواجي
ليش يوم ابجي قابل راح ادخل للكبر لو راح ادخل القفص الذهبي
والله انتي عوبه وتبقين عوبه للموت خل اشوف هذا كلامج شلون يكون وره العرس ويمضه عليه شهور او سنه ..سمعيني الباجر ام مهدي تمرلي وراح انطيها الجواب بالموافقه
اي ماما وياريت تكليلهم يستعجلون بالزواج
انجبي ياصخله يابومه شويه خلي مستحه وخجلي عالاقل مني يالعوبه تلحكين تجيلي زعلانه وتبجين
لا يوم حتى اذا اموت يمهم هم ما ارجع الهذا البيت ولا تحت حكم جمال
يله انطمري ولظلين تكمزين وتتخبلين
طلعت امي واني بس اريد اكمز طايره فرح
ام مهدي ..صبحنه الصبح واليوم تجي عليه زينب
اخذها وروح ع ام جمال اشوف ردهم وبعدها نبلش
زينب ..اجيت البيت اهلي وروحي طافره لان همام حيل مريض ومصخن ومجاي تنزل حرارته بس شويه شلته ع كلبي ورحت الاهلي تلكاني مهدي
