من الخائن
انين الرووح
بارت الاخيرررررررررر
طبعا صدك منعرف اخبار قاسم وين ما وين بعده في بغداد لو طلع منها محد يسال عليه
والعمام كلها تبرت منه لان هوه سوه شي فاحش وبحق اخوه صعبه هاي الشغله
سافرنه اني واقبال السوريه علمود العلاج وصلنه وتفاجاءه مهدي من شاف اقبال لان مكتله راح تجي ويايه
صح مهدي بطل بعد ما يفكر بالزواج بس اني وزهراء ما رضينه لازم يزوج واكو اليهتم بي وبنته خطيه بعدها صغيره ومتعرف شي بالحياه
واقبال اني تمنيتها من زمان تكون الاخويه لان ابنيه فاهمه واعيه مثقفه خلوقه تحب مهدي من همه اطفال
صح هي ايضا متدري شنو ابغايتي من جبتها ويايه السوريه اريد اقربهم البعض ويزوجون
لان بنيه كل الخطابه تجيها ترفضهم وتكول ما يحله رجال بعيني غيره
لازم اليوم اني احقق حلمها وخليها تكون من نصيبه في يوم من الايام
مهدي ..صارت حدود ساعه ١٢ الظهر عرفت هسه همه وصلو رحت استقبلتهم من المطار وفتحت عيوني 😳😳 لك هاي منو جاي
شلونك مهدي
هلا وكل الهلا ابنت عمي الورده شلونج اقبال شخبارج والله الج وحشه
والله اني مشتاقه اكثر شلونك انت وشلون رحومه
زينين نحمدالله يله عيوني امشونه
زينب ..وين عفت رحمه لعد
جارتي مره حبابه وتموت عالاطفال فاتحه ابشقتها مثل الحضانه للاطفال من اطلع اسلمها رحمه
هااااا خوش بس كون تطلع بنت اوادم
اي مره جدا فقيره وتخاف الله وهي جبيره بالعمر
مهدي..شلونك خالووو حبيبي شلون صرت
همام ..اني ذين حالو وين لحمه اليد اسوفها
اي حبيب الخالو هسه نروح ونشوفها يله تعال اصعد ع كتفي
رحنه للبيت دخلنه رحت جبت رحمه من المس دينا وستلمت بنتي منها وكتلها احتمال بعد ما اجيبها لان اختي جتي يمي
هي نقهرت حيل
دينا ..واني حيل اتعلقت بالطفله واتمنالها السعاده بس ياريت كل فتره اجيبها بس اشوفها
ان شالله مس من رخصتج اني اروح
مع السلامه
من دخلت وعمتها شالتها الرحمه بالبدايه استغربت وضلت تبجي ومتقبل تجي يمها
وبس همام حبته لان يلاعبها ويشاقيها تغدينه وظلينه نسولف عن الوضع بالعراق والتدهور والقتل والتفجير دمر العالم دمار شباب اطشرت وشباب ماتت وشباب تهجرت
مهدي ..اريد اسئل زينب عن قاسم بس متردد لان ماريد اضعف ابلحظه اني اعرف هوه ارعن وينجرف ابساع واكيد هسه يعرف شله تعبانه ومعاشرهم ميصير ابراس هذا الولد اي خير فسكتت من السؤال عن قاسم
سولفتلي عن هادي وشغله تحسن هواي وحمزه وسع المحل وصار فنان ودخل مكاين هوه يخيط ملابس عسكريه خاصه حتى يطلبوه يخيط لباس عسكري خاص للضباط والمسؤلين الكبار
وزهراء حامل وتتمنى اجيب ابنيه
زينب ..بلشنه ناخذ همام ع دكتور اختصاص ظل يعالج ابني وكل فتره يغير نوع الدوه حتى يوصل لمرحله يكدر يسوي عمليه في دماغه ونطانه ضمان ع عمليه همام بس تكون في لبنان مو اهنا في سوريه هذا الحال استمر ثلاث شهور واحنه في سوريه عايشين اني واقبال يم مهدي
وبعدها مهدي سحب هادي يمنه وكله خاف السالفه اطول خوما يوميه مسافرين وراجعين
وفعلا هادي وايهم جوي السوريه ومهدي مقبل هادي يكعد يجار كله تبقه يمي بالبيت
وبعد فتره سمعنه زهراء خلفت بنوته اجنن صورتها النه ودزت صورها جان اسم الطفله سجى وحال زهراء تمام وطلعت بيت وحدها يعني عزلت عن اعيالها
خطيه همه عائله جبيره وزهراء حيل تعبت وياهم
مهدي ..صار ع جيت زينب واقبال السوريه خمس شهور بدت افكاري تنجذب لقبال بس كلبي رافض التقرب منها ماريدها تتألم ويايه
بس هي عدها اسلوب خلاني اعيد التفكير بالزواج واكون عائله جديده
لان ع شنو احرم روحي من الزواج والعائله لان محد يدوم الاحد غير زوجتك واطفالك وحتى الاطفال من تكبر تلتهي برواحها تبقه بس شريكه حياتك هي سندك العمر كله
