من الخائن
انين الرووح
بارت ...١٤
زهراء ..لعد شلون زينب انظل ساكتين عالفحشاء لو ع قاسم فهميني
زينب ..لا منسكت بس لازم نلكه حل قبل لا يتأذه احد منه
مهدي ..جنت توني اريد ادخل للهول وسمعت خواتي يحجن مفهمت عن شنو بالضبط بس كل الي عرفته موضوع يخص قاسم
وجالي تفكير خطير عليه بس لا مسويله مكسوره ومهزوم منها صارله ١٠ تيام
قاسم ..من جابت ايه بس دخلت تحمدتله عالسلامه وكبل طلعت رحت الصديقي يوسف وكتله محتاج نسافر لشمال لان مخنوك رحنه ٣ ايام ورجعنه
رحت للكليه وطلبت منهم ادخل الاقسام الداخليه
وطبعا ماكو اعتراض قبلوا ابساع
نمت ويه الشباب ومحد يدري اني وين اريد اختفي عن انظار ايه بعد كافي صارت ام هسه لازم تهتم ابيتها وزوجها وبنتها
خوما اظل تعشكني وعشكها والضحيه يكون اخويه وبنته لا مستحيل ارضه بعد بهذا الشي
هي جانت نزوه ونتهت
ورب التخون زوجها يجي يوم وتخوني اني هم
صار عمر رحمه شهر وقاسم غايب عن البيت ماعرف وينه كل ما ادك عليه يكلي اني ابيت صديقي واجي بالليل وانت نايم واطلع قبلك للكليه
اليوم من الصبح امي وضعها موزين ابد وع غفله انعوج حلكها
ايه ..ولك مهدي الحك امك خربت
طلعت اركض بدون وعي واشوف امي متمدده بالكاع يم باب الحمام
شلتها بكل حيلي وركضت عالسياره
لج ايه خابري عالبنات من تلفون امي ابساع وع قاسم هم
اي صار مهدي تريدني اجي وياك
لا الطفله منو يبقه يمها
طلع مهدي وخابرت البنات وكتلهن ع وضع خاله وخابرت ع قاسم بس مغلق اني مصدكت كلت بالكي يقره اسم امه ويفتح الخط بس الحقير ابد ومنطي للتلفون اغلاق
للظهر جابو عمتي وجني البنات ومهدي
هااا بشرو شنو وضعها
مهدي ..نظربت جلطه بالدماع ونشل نص جسمها والدكتور يكول لازم عنايه وعلاج طبيعي الها
ايه ..زين ليش ما بقيتها بالمستشفى
الدكتور كال علاجها بالبيت احسن سولها علاج ونطانه ادويه
خطيه عمتي والله متستاهل
ودك قاسم ..الوووو شلونج يمه
مهدي ..لك ياجلب انت وينك ليش مجاوب ع اتصالي انت تعرف امك وين وصار بيها ابسبب ابعادك عن البيت بدون سبب
قاسم ..شبيها امي
مهدي ..امك بين الحياه والموت ظربتها جلطه دماغيه يالسبع
قاسم .لا لا بربك تحجي صدك مهدي
مهدي ..لا دا اشاقه وياك ابسالفه المرض لك حقير تعرفني ما اشاقه ولا احب اسولف بالمرض
قاسم ..هسه اني جاي
ركضت صعدت السياره وجيت للبيت طاير هاي الغاليه شلون هيج يصير بيها
فتت الكل يم امي بس ايه فتحتلي الباب وخذتني بالحضان وتبوس
ايه ..حبيبي والله مشتاقتلك فدوه رحتلك ارجع
قاسم ..دفعتها حيل بحيث وكعت بالكاع وفتت اشوف امي
مهدي ..واني كاعد اسمعت صوت الباب انسعد عرفت هذا قاسم اجه وكمت اريد ارزله لان عايف البيت وامه ابسبب نظربت جاطه كمت ونصدمت من مشهد 😳😳😳
ما اصوره مشهد طبيعي توقف كل جسمي ابلحظتها حتى يمكن اللساني انشل
بس من شفت ردت فعل قاسم رجعت لصواب
لا هاي ايه مشتاقه الحماها وحضنته هيج وباسته
استغفرت ربي من وسواس الخناس النكس
دخلت وره قاسم شفته حاضن امي ويبجي ويكول فدوه حرتلج يالغاليه بيه ولا بيج
كومته من يم رجلها
طبعا امي فاقد متذكر احد ولا تتحرك ابد عبالك جثه نايمه بس نفس يصعد وينزل
هذا ابسبب ارتفاع السكر والضغط الى مرحله مو طبيعيه
طلعته خارج الغرفه وحضنته وبديت اكفخ بي لك ليش عايفنه وطالع ليش عايف بيتك وتنام ابيت العالم شنو ذنبنه وياك بشنو مقصرين وياك
قاسم ..اخوي مهدي حاضني و يحجي وعيوني ع ايه لان صايره ابظهر مهدي واني ابجي اريد اكله بس اعرف النتيجه اكيد مراح يسكتلي هذا اجرام ابحق اخويه ما ارضاها ع حالي ارضاها ع اخويه الخيانه لا من سابع المستحيلات لازم ابتعد وخلي هاي النكسه تنساني
قاسم بس احجي ليش ساكت
والله ياخوي اني عاجبني ابقه ابيت صاحبي لان ندرس وتعرف هاي اخر سنه كليه اريد اطلع معدل وجيب الماجستير ويرادله دك قرايه
ياخوي ومنو معترض ع دراستك بالبيت يمنه
خويه البيت بي طفله وجهال خواتك كل فتره وجايات واني كتلك اريد الماجستير احصله ولازم بجهد
مهدي ..الله يوفقك حبيبي وتحقق الي تتمنى
اشكرك ابو رحمه
